@soulshin
Surugaya verschickt so viel ich weiss nöd is Usland. Chasch aber zum Priisvergliche bruche. Sind es bitzeli günstiger als de Superkartoffel Shop.
Bin aber nöd sicher ob Amazon Japan is Usland schickt will Surugaya verchauft ab und zue Ihri Spiel bi Amazon Marketplace.
De Lade wos Eliminate Down het heisst
Ojamakan (おじゃま館) und isch de Shop in Ibaraki (Osaka), bi de Ibaraki Hankyu Station.
De Shop selber isch Retro und gits sehr lang. Vor 18 Jahr wo ich no als Tourist da gsi bin hets de Lade geh. Gueti Uswahl aber halt es bitzeli tür. Tumm sinds nöd, Sie wüsset was das Züg a wert het, leider. Daher findsch nöd immer gueti Deals. Aber Sie sind sehr fründlich und wie du gseh hesch zögerets nöd es seltenes, türs Spiel dir id Hand zdrucke au wenns Sie wüsset dass es nöd chaufsch.
En anderi Filiale het all die türe Acclaim und Virgin Titel i de Vitrine. Dört chönti au mal verbi luege und evtl. es paar Föteli schüsse.
@geosnow
2000 CHF isch den no eher hoch agsetzt. I de Regel sind das Stundelöhner und de isch im Moment wenns guet chunt bi ca. 900-1000 Yen/Std. Also chasch mal rechne 1000 pro Std. x8 x20 git denn 160000 Yen brutto (ca. 1450 CHF). Wenn festastellig hesch denn bisch bi ca. 20000 Yen im Monat (ca. 1810 CHF).
Wobi sLebe selber isch nöd so tür wie i de Schwiiz, logisch.
Ich selber schaffe binere japanische Bude mit emen bitzeli tüfere Lohn für mis Alter und trotzdem langets für es Huus, Auto, Frau +4 Hünd und es bitzeli Hobby.
De Tatsujin verdient wahrschiinli viiiiil meh da er ja für e schwiizer Bude da schafft also het er dVorteil vo beidne Länder. Guete Lohn mit nidrige Usgabe. Daher chan er sich au all die türe PCEngine Shmups chaufe.
Wenn ich es Eliminate Down oder sogar es Contra würd welle denn mueni vorher dScheidigspapier usfülle und mi mit de Kreditcharte verschulde. Darum blib ich bi bescheidenere Spiel wo nöd so heavy ufs Portemonnaie schlönd.
Ich sägs immer wieder Ihr lebet im pure Luxus dört I de Schwiiz. Ihr chönd eu Arcademaschine und anderi rari Sache leiste wo da eifach nöd möglich isch und trotzdem jammeret de Schwiizer dass es ihm nöd guet gaht uns Lebe härt isch. :typej:
