1 Gbit/s Internet Problem

[Jones]

physisch port wächsle chani mal...

wie chani "beidi" istelle? cha ja nur am PC was istelle u das betrifft ja nid dr switch?

[meyerli]

nöd am switch, aber am nächschte grät. router oder so.
würd aber zerst en andere port teste

[XYBOT]

switch wo shared 1 Gbit hend sind eh grümpel. nimm doch en cisco wo 1gbit uf jedem port het und grad mit em SFP Fiber inehebe, chasch denn im huss au grad no 1gbit leitige vermiete und hesch cools passivikomme

[Ribit X Titan]

Scheint vorsinflutlich zu sein, ich habe eine Fiber-Buchse, d.h optical, der mit dem Modem verbunden ist.

Erst ab dem Modem gibts Ethernet, da ist eines davon mit 10 Gbit ausgestattet, wobei der PC das natürlich auch unterstützen muss.

Ob mein Salt die 10 Gbit leistet kann ich bis heute nicht wirklich sagen da mein PC momentan nur 1 Gbit beherrscht, und das wird auch ausgenutzt. Momentan limitiert hier das Netzwerk, das so grob 900 Mbits schafft (mit Verlust das was man 1 Gbit nennt)...

Leitung ist weitgehend symmetrisch, was natürlich die beste Verbindung ist für sämtliche Anwendungen.


Das WLAN schafft beim Surface 7 etwa 600 Mbit Down und 400 Mbit up, was für so ein kleines Portable ganz beachtlich ist. Also in allen Fällen behindert der Server den Speed, weder ISP, Leitung noch Netzwerk. 10 Gbit würde nur für den Phallus was bringen, ist für die Server fast immer zu schnell.

Hat allerdings viel zu lange gedauert bis die "letzte Meile" endlich einmal ihren notorischen Bremsklotz entfernt bekam... völlig unnötig wie man hier sieht, denn es geht auch anders.

[Buccaneer]

Weis das eine?

Ha vorher mit mim Provider (WWZ - Quickline) gschätz und ha de mal gfraged, öb wenn ich uf 1Gig uprgrade, ich das au bechume. Mit em Hiwis uf mini Adresse woner kennt und nacheglueged hed. Er hed gmeint, ja so 900 - 1000 würi de becho. Ich glaube dem aber nid würkli.
Letschi hed mer äbe sone Sunrisedödl aglüte und welle was verkaufe. De hed meints, s Maximum bi mir sig öppe 500
Online fini ez schätzige vo
sunrise: 475
Bi Wingo 425

Cha das si? Dass de eint 1000 anebringt und die andere nid? Macht au kei Sinn. Älters Hus und inne alles Chupfer. Usswe weiss i gad nid.

De Dödel zwei Hüser witer, wo es "relativ" neus Hus hed, h
Sunrise 580
Wingo 120

Was lauft? Cha mer sich nid verlaht....

Gids mitlerwile nid mobile Lösige oder so? En 5G Apparat inestelle und so internetle?

Sowas zum Biespiel:
https://www.twifi.ch/home-internet-box/#best_deal

[Master(G)]

vo abüter zu abüter cha das scho variiere.
wenn z.b. sunrise swisscom fibernetz verwendet, händ die chum de gliich durchsatz wie swisscom sälber, wäreds ja schön blöd, zumal sunrise au günstiger als swisscom isch. de würdet kunde devo laufe. aso "reserviert" mer bi de swisscom sicher was für sich selber bzw. sini eigete chunde. speziell, wemmer ja dchoschte für de usbau vom netz selber au no treit..

[Jones]

i ha o es 1000er quickline abo und erreiche, was vesproche!
aber natürlech über glas...

[Buccaneer]

Zum Speed.
Ha nomal aglüte. Dene (WWZ) ghört s Netzt hie und sie verwänded anderi Technologie oder so. Zwei Lüt dete hend mir grantiert, dass au 900 - 1000 us de Leitug chunnt. Fuck wehe wenn nid!

Aber ez du:
Die huere Affe.
Die hend es Black Friday Agebot:
1Gig/s 1 Jahr KRATIS und denn 50.- im Monet.

Ich han bi dene Sepple jetzt 47.- im Monet für 300er Leitig zahlt. Scho ewigs alt de Vertrag.

Ez hani aglüte:
Ich: Gib!
Er: Nei!
Ich: Aber ich will!
Er: Nei, nur für Neuchunde!
Ich: Ok, denn halt ohni kratis, aber gib mir 1 Gig für 50.- (sust 89.-)
Er: Nei, nur für Neuchunde!
Ich: Wenn ich jetzt chünde, und denn das neu bueche, bini Neuchund oder?
Er: Ja
Ich: Aufghänkt. Kündigung abgschickt uf 28.02.2022 und online s neue Abo buecht ab 01.03.2022. Und well i chli en Arsch bin, hani gad buecht, das no eine das muss go installiere für gratis. lol

Huere Volldeppe. Hett mer ja chönne s Upgrade gäh für 50.-. Ez hani de no es Jahr für Lau. Scho nid so de Unternähmer gsi de Lappi am Tefilon.

[Buccaneer]

vo abüter zu abüter cha das scho variiere.
wenn z.b. sunrise swisscom fibernetz verwendet, händ die chum de gliich durchsatz wie swisscom sälber, wäreds ja schön blöd, zumal sunrise au günstiger als swisscom isch. de würdet kunde devo laufe. aso "reserviert" mer bi de swisscom sicher was für sich selber bzw. sini eigete chunde. speziell, wemmer ja dchoschte für de usbau vom netz selber au no treit..

Du bisch eh WWZ/ Quickline oder?

[Herr Rossi]

Tönt nacheme Mitarbeiter wo zfuul gsi isch de Vertragsabteilig es Mail zschribe für e Apassig. Gid überall so Affe.

[Buccaneer]

Ja scho. Nime nid a, dass de Ufwand allzugross gsi wär. Guet, die Bude gaht wäg dem nid ih und er hed mir 600 Stutz gspart. Also en super Typ lol.
Am Telefon hed er eigentlich no ugfstellt tönd und so. Hed mi de chli überrascht. Aber äbe tiptop und de Dude wo muss go installiere chunnt des Kaffi und es Gipfeli über wenn er mag.

[Master(G)]

Du bisch eh WWZ/ Quickline oder?

nei, databaar.ch - via swisscom glasfaser-netz. ha 1gb und erreiche um die 950, aso fair enough...

[Buccaneer]

Du bisch eh WWZ/ Quickline oder?

nei, databaar.ch - via swisscom glasfaser-netz. ha 1gb und erreiche um die 950, aso fair enough...

Ah ok. Ha gmeint WWZ domniert hie alles.
Hmmm Glasfaser... schön wärs.

[Jones]

Tönt nacheme Mitarbeiter wo zfuul gsi isch de Vertragsabteilig es Mail zschribe für e Apassig. Gid überall so Affe.

wenni so züg mit neuchunde-rabatt liese, wirdi immer hässig.
wie fucking behinderet sie die firme?

[Waldschrat]

Ja scho. Nime nid a, dass de Ufwand allzugross gsi wär. Guet, die Bude gaht wäg dem nid ih und er hed mir 600 Stutz gspart. Also en super Typ lol.
Am Telefon hed er eigentlich no ugfstellt tönd und so. Hed mi de chli überrascht. Aber äbe tiptop und de Dude wo muss go installiere chunnt des Kaffi und es Gipfeli über wenn er mag.

mit covid versüücht.

[Buccaneer]

Tönt nacheme Mitarbeiter wo zfuul gsi isch de Vertragsabteilig es Mail zschribe für e Apassig. Gid überall so Affe.

wenni so züg mit neuchunde-rabatt liese, wirdi immer hässig.
wie fucking behinderet sie die firme?

Chani scho verstah. Aber chasch nid Neukunde ALLES gäh und langjährige nix…

[Jones]

definitiv nid. i bi sit 20 jahr z.b. bir gliche KK bank.. die schänke mir immer mau wieder d'jahresgebühr wenni alüte... so bhaltisch chunde bi luune...

[Buccaneer]

Ja sägi ja… du musch neichunde ködere. Aber langjährige au was büte. Treue belohne u so

[Waldschrat]

Ja sägi ja… du musch neichunde ködere. Aber langjährige au was büte. Treue belohne u so

vor allem kostets ja huara geld dia widr zruggzgwünna wo mal gönd.

[Buccaneer]

Frage... Es gitt ja mittlerwile krassi Mobile Internet abos. 5G mit 2 GB/s. Wenn öpper sowas hed, warum brucht er denn dehei no en "Heimleitig"? Chönntsch ja eifach s Handy als Hotspot oder so nutze und hettsch heure schnells interet.
Gsehn ich das falsch?

[Herr Rossi]

Frage... Es gitt ja mittlerwile krassi Mobile Internet abos. 5G mit 2 GB/s. Wenn öpper sowas hed, warum brucht er denn dehei no en "Heimleitig"? Chönntsch ja eifach s Handy als Hotspot oder so nutze und hettsch heure schnells interet.
Gsehn ich das falsch?

Nö, gsesch das richtig. Ha jahrelang en 4G Router brucht und die zwöit SIM Charte det in gha. Kei Leitig brucht dehei.

[Jones]

mitem ufcho vo 5G bricht de abieter vo home-internet eigentlech alles weg!
die werde sicher wäg finde (oder hei sie scho gfunde) zum das unterbinde / erschwäre...

[Buccaneer]

Geile shizzle. Hüt und morn no kei Option für mich, aber s nöggste Setup wird denn sowas si.

[Herr Rossi]

Geile shizzle. Hüt und morn no kei Option für mich, aber s nöggste Setup wird denn sowas si.

Muesch wie de Jones seid bim Abieter abkläre öb das evtl underbunde wird. Falls ja nimsch statt eme Router es alts Smartphone und schaltisch Tethering i.

[Jones]

für internet an sich okay... aber z'phone routet ja denn nix... nid eso praktikabel findi... (cast screen etc etc)