The(G)Forum

Die zweitletschti Folg isch bitz ruhiger gseh. Aber wieder e sehr gueti Folg, mit viel Fanservice. Aber wieder isches nit um de Boba Fett gange...
Das bestärkt es Gfühl woni scho in de erschte paar Folge gha han: Die Spin-Off Serie isch eigentlich für gar nüt. Nit nur dass ich de Temuera Morrison en eher schlächte Schauspieler finde, sini Gschicht wirkt au absolut überflüssig. Ich chann mir schwer vorstelle, dass sie nächscht Wuche dä flachi Plot zume spektakuläre Abschluss bringe chönne.

Es chunnt mer so vor, als wäri "The Book of Boba Fett" us Outtakes vom Mandalorian entschtande. Denn het mer no zwei gueti Folge wo für die dritti Staffle vom Mandalorian plant gseh sind dri gno, demits qualitativ nit völlig abfallt. Oder villicht sind au die zwei Mandalorian Folge am Afang gschtande und sie händ das mit em Boba no schnäll schnäll anebrünzlet. Either way, es blibt e billige Luckefüller, wos nur uf Disney+ Subscrioptions abgseh het

grad afah luege. erscht ok, zweit güet, aber jetz bi dä dritte isch mer ersch ufgfalle, dass dä matt berry dä jabba dienerroboter gitt. so geil. bescht cameo ever. star wars hät jetz wieder en weniger ollige ruef, dank ihm.

Hmmmm, gitts echt em Schpinn-Off vom Goru, Guru oder wie dr chlii Yoda heest? Z Deepface isch fang zimli guet findi…

episode 6 hani sehr guet gfunde. eini vo de beschte episode bis jetzt, ganz klar.

de luke isch überraschend organisch dehär cho. und de uftritt vom cad bane isch natürli shighlight gsi. ich ha gwüsst, dass die gäg de kei chance händ, sauhund. händ en zimli guet vom trickfilm is reale übere bracht findi. wird sicher no actionriich gäg de schluss. hoffi zumindescht.

7/10 für die episode!

die letschte zwei folge: ah, ich lueg jetz dä mandelorion. okay.

Git 2 Youtuber wo die Szene vom "junge" Luke im Mandalorian verbesseret händ. Eine vo beidne schaffi jetzt für Disney, und seg für die neue Deepfake Szene im Book of Boba Fett verantwortlich.

So, fertig isches. Bitte kei zweiti Staffle!

ui, ned guet gsi das finale?
ich lueg hütt abig...

Luege erscht morn Abig

Immer s glich, nie öpis neus, halte star wars fasch nüm us.

zeromeier hat geschrieben: ↑09 Feb 2022 18:34 Immer s glich, nie öpis neus, halte star wars fasch nüm us.

aber dä palpatine isch wieder da gsi! BOOOAAAHH! und, und, und dä, dä luke isch au wieder da. eyyyy, bescht shit evar, man. 100/10. top kreativität. ich wichs mer jetz grad eis uf stern wars. so guet. dmacht, man. sie händ dmacht und liechtsäbl, bro.

es einzige wo ich jetz wött, isch vilich di erschte film wieder luege.

übrigens, wichtig:


Quelle

Final Showdown Omg 11/10

Kretinou hat geschrieben:Final Showdown Omg 11/10

Nei.

zeromeier hat geschrieben: ↑10 Feb 2022 22:29 Nei.

aso, es isch voll ok gsi. au s rise viech und dä zwerg händ no chli spass gmacht. 6-7/10

ja ich würd es au eher zu some 8/10 tendiere fürs finale.
ich weiss au ned, es hett alles e bitz "hölzern" gwürkt. de rodriguez hetts eifach ned druff.
obwohl de schlusskampf scho cool gsi isch, muess mer säge.

nun gut.

am 25. Mai gaht's mit Obi-Wan wiiter

d'Hipster Töffligang het euch nüm ufgregt? Und dass de "Chrieg" in dere grosse Stadt chuum mehr als e chleine Strossekampf gseh isch?
In einere Szene händ sie bim inekopiere vo de Töffliszene nit mol s'richtige Höhe/Siteverhältnis anebecho.
Und de Grogu isch mittlerwile X-Wing Pilot?

Die drei Kampfroboter sind no guet gseh, und de Rancor. Aber de Räscht hani zimlich billig gfunde. Gröschteteils ufem Niveau voder 3.Folg

hät nöd dä r2 das ding gstührt? dIe mit dä 80er fritte hät doch no en kommentar drüber gmacht, das sie dänk weiss das er das ding nöd wükli gfloge isch.

aber lug, ich ha eh kei grossi erwartige. für mich isch das eh liechti underhaltig. s mcdonalds vo dä serie, quasi.

was ich vorallem guet gfunde han, isch wie dä fett mit dä lüht umgaht, sis eigene ding ufzieht und so lüht für sich günnt.

ned de grogu isch gfloge. de r2. panane

dass es fasch ufem niveau vo folg 2 und 3 isch gsi hett demit ztue, dass es au vom rodriguez cho isch.

de favrau hettis finale sölle selber mache. oder ma liebschte d'Bryce.

The Sheep hat geschrieben: ↑11 Feb 2022 10:41 d'Hipster Töffligang het euch nüm ufgregt?

Gataschtrof, isch klar s‘schlechtische ar Boba Serie. Die würke in Star Wars komplett fehl am Platz.

aber hättets komischi alien chöpf gha, wärs nöd so schlimm für eu gsi, oder?

De hätts passt, ja. Und chlei meh speed mit dene Bikes. Aber isch halt Disney. Chöi froh si, isch kei Jungfrau vorcho...

Mastler(P) hat geschrieben:aber hättets komischi alien chöpf gha, wärs nöd so schlimm für eu gsi, oder?

vespas sinds problem gsi für mich...

sorry, aber die sind doch sogar bi eus mit alientechnologie entwicklet worde..

Gseht so us, als wäri de Pedro Pascal für de Pfusch mitverantwortlich. De Favreau seg zimlich apisst, will er während de Dreharbeite vo Mandalorian 3 au für "The Last of Us" vor de Kamera gschtande seg, was de Disney Drehplan massiv verzögeret heig. Aber da sie kei Exklusivverstrag mit ihm gmacht händ, heigets nüt dergege chönne mache. Isch wahrschinlich de Grund worum The Book of Boba Fett so überraschend akündigt worde isch im Herbscht letscht Jahr. Man nehme die zwei fertige Mando 3 Folge und baschtle e neui Serie drus, wos de Pedro Pascal nit brucht dezue. Jedefalls gohts jetzt no länger als akündigt, bis Mandalorian Season 3 usechunnt.

Mastler(P) hat geschrieben: ↑11 Feb 2022 14:38 sorry, aber die sind doch sogar bi eus mit alientechnologie entwicklet worde..

ach so. ischmer nit ufgfalle. Han mi wahrschinlich grad es biz zu fescht ufgregt um am Plot zfolge