Master(G) hat geschrieben: ↑27 Feb 2025 07:09
ich glaub ich warte no bitz mit wiiterspiele. ich han da paar doofi grafik-glitches und sound-stotterer ständig, was mich total us de stimmig risst. ich finds game mega, aber gnau darum hassi so sache umso meh. und sitt ich die dütschi tonspur abeglade han, hani en mix us englisch und dütsch im "background-chatter" vode NPCs
gemäss reddit sind das bekannti problem, wo hoffentlich bald gfixt werdet. und wieder emal muess mer warte mit spiele
am schlimmschte findi würkli das:
all fraue, würkli all, händ de grafik-glitch uf de brust. total schad. us gründ!
aber das sound-stottere isch no viel schlimmer. würkli extrem närvig. chasch nöd gnüsse. immer wenn de controller rumble abgaht, stotteret de sound. bim riite, bime fighte, wenn öppis uf de schultere treisch.... ha erst dänkt sig mis headset.
Wäre unsere Zivilisation ein Pferd, hätte man es schon lange erschossen.
ich spiele uf de PS5 Pro, will Digital Foundry gseid hett, es sig die schönst Konsole-Version... nöd so wild. Ich chan warte. Ha ja Cyberpunk damals au erst 4 Jahr später gspielt oder so
The(G)net • Das unabhängige Schweizer Spiele Magazin • seit 1999
has ned chöne lah und han am weekend wiitergspielt. eifach es saugeils game. nur das speichersystem findi bitz fail mit dem schnapps. ich mach alligs eifach save&quit und starte grad wieder. gaht 5 sekunde. bim riite bini mal inen ast gseckelt und vom ross gheit schono witzig, was da so alles "per zuefall" passiert i dem spiel. faszinierend das ganze.
The(G)net • Das unabhängige Schweizer Spiele Magazin • seit 1999
Ich find de Retterschnaps cool. Überhaupt s'ganze Alchisystem. Git 4 Qualitete wo chasch becho wenn öbbis chochsch. Und grad der Schnaps macht näbem speichere gueti Buffs. Grad vorme Kampf isch Schnaps trinke drum sinnvoller als e quit-save.
Tollkische isch zwar e pain in the ass zum farme, aber defür chasch d'Mängi Schnaps über Skillpünkt ufeschrube. Bi mir chöme mittlerwile 6 Fläsche use pro Härstellig.
Bis Ändi Monat söll ja de erscht grossi Patch (1.2) cho mit vielne Fixes. Ich gang devo us dasses nachhär au uf der PS5 flott wird laufe.
Zuletzt geändert von The Sheep am 03 Mär 2025 07:39, insgesamt 1-mal geändert.
ja das alchemiesystem isch scho super suscht, eifach de retter-schnapps bruchi würkli nie. anderi potions scho, klar.
finds äbe scho rächt geil, das würkli alles es "system" hett, huere deep. chasch die ächt verlüre drin. mer merkt dass d'entwickler voll bide sach gsi sind und da viel herz drin steckt. au wenns mängisch no bitz funky und clunky isch, ich han en schiis freud ab dem spiel.
The(G)net • Das unabhängige Schweizer Spiele Magazin • seit 1999
"Heinrich's Retterschnaps", de bescht wo chasch mache wenn nur frischi Chrüter verwändisch, git näbem speichere 30 Health points, und bufft Stärki, Vitalitet und Agility um 3 Pünkt für 8 Minute.
Aber au anderi Tränk findi mängisch rächt sinnvoll, wasi sälte gseh ime Spiel. zb dä wo in der Nacht chasch besser gseh, oder de Trank zum de Hunger unterdrucke, wenn mol de food usgange isch
geschter 3 Stund gspielt nume zum d'Brunswick Armor zhole vom Pre-Order DLC Quest.
aber geili Rüschtig!
jetzt muessi es Buech go stehle. Mis Problem: Lock-Picking mit em Controller isch pain-in-the-ass. Ich versaus ja scho mängisch a "easy" chischte, will ich de stick ned gnueg ruhig drehe chan. Ich dänk, das isch mit Keyboard und Mouse viel eifacher, oder? Müends optimiere...
The(G)net • Das unabhängige Schweizer Spiele Magazin • seit 1999
Lock-Picking isch am Afang generell schwer bis mol e gwüsse Level erreicht hesch. Je witer ufe chunnsch, deschto weniger spielts e rolle mit was für Igabegerät du spielsch. Eifach so lang an der Üebigskischte vom Müller trainiere und Skillünkt setze nit vergässe
The Sheep hat geschrieben: ↑04 Mär 2025 09:00
Lock-Picking isch am Afang generell schwer bis mol e gwüsse Level erreicht hesch. Je witer ufe chunnsch, deschto weniger spielts e rolle mit was für Igabegerät du spielsch. Eifach so lang an der Üebigskischte vom Müller trainiere und Skillünkt setze nit vergässe
wie jetz? bim müller die chischte? chamer dette ändlos "trainiere" ??
wo chumi lockpicks über usser bim schmid für sauviel gäld ?? (die 4-5 bim müller hani igsackt)
The(G)net • Das unabhängige Schweizer Spiele Magazin • seit 1999
ja, die bim Müller. Chasch ändlos trainiere dra. Zumindescht so lang bis es nüt me bringt. Gsesch denn anere entsprächende Mäldig. Ab denn muesch halt sälber Medium Level Truehe oder Türe sueche.
Lockpicks würdi chaufe wenn sie bruchsch. zb bime allgemeine Händler. Chaufe wirkt am afang tüür, aber Gäld chunnt schnäll ine: Bandite verdresche und Usrüschtig loote. Und denn am Schmied verticke. Und würfle isch natürlich au lukrativ wenn nur wenig Coins hesch.
so züg findi äbe huere cool: ha ide nöchi vom nomade-camp am see en idyllische ort gfunde, wunderschöni sicht uf de see und umgäbig, mit eme baumstrunk womer sich han druuf setze. und wemmer dette sitzt, chunt mer 50% meh experience über bim büecher-läse... eifach geil so zeug. mega.
The(G)net • Das unabhängige Schweizer Spiele Magazin • seit 1999
so, Buech gstohle und de Köter wieder gfunde de isch no huere nützlich, suecht nach Schätz und griift Gägner (Mensch & Tier) ah, sehr hilfrich. Nur in Dörfer händ nöd all Freud a mim Hund
Shit, scho knapp 30 Stund gspielt und mit Hochziit isch no gar nix
The(G)net • Das unabhängige Schweizer Spiele Magazin • seit 1999
ha erst dänkt sig mis headset.
nur das speichersystem findi bitz fail mit dem schnapps. ich mach alligs eifach save&quit und starte grad wieder. gaht 5 sekunde. 
schono witzig, was da so alles "per zuefall" passiert i dem spiel. faszinierend das ganze.
