Shenmue 3 - Es chunnt doch! Vilech... Oder ou nid... Mou!

[zwirrlibatz]

i däm genre wo me e spielfigur dür e wält schtüüred ohni weder ständig zballere no zgumpe.

[kraut]

isch witzig wie immer aui vo yakuza rede, wes um shenmue geit. nid weni lüt findes besser aus shenmue.

derbi isches sones dumms spiel. also i cha überhoupt nüt dermit afa und gseh nid, wie mes mit shenmue cha vergliche.

[Sephi]

I gseh der Reiz amene Yakuza scho, nachdämi z letscht es paar Stung der dritt Teil gspilt ha. Aber als Shenmue-Ersatz funktionierts definitiv nid, sovil isch klar!

[randy]

nid weni lüt findes besser aus shenmue.

wer ?

[kraut]

I gseh der Reiz amene Yakuza scho, nachdämi z letscht es paar Stung der dritt Teil gspilt ha. Aber als Shenmue-Ersatz funktionierts definitiv nid, sovil isch klar!

ja das meini, es isch eifach ke shenmue-ersatz.

mi stört eifach die ändlosi klopperei. und i schtah haut eh nid so uf so sandbox-artigi games, für mi isch shenmue die perfekti mischig gsi: hesch sehr viel freiheite gha, aber glich nid soviel, als dass de der überblick verlore hesch.

[geosnow]

und wennscho: es Heavy Rain bzw en interaktive Film will niemert spiele.

btw http://ps3.ign.com/articles/115/1153279p1.html spannend!

However, if you compare it to the industry average completion rate, which is 20-25 percent, it's downright astounding.

Schono krass, wiä wenig lüt spieli durrespieled. sind so viel spiel schlecht?

okay, ich glaub DKC R wird nur vo 5% durregspielt. chum wird en papi geschweige denn en goof das spieli schaffe.

[kraut]

Schono krass, wiä wenig lüt spieli durrespieled. sind so viel spiel schlecht?

erstunt mi nid so. es gta, fallout oder red dead redemption geit haut scho rächt lang, die wenigste ziehs düre. und bi fps wie cod oder halo spile die meiste doch eh nur der multiplayer..

[geosnow]

... bi fps wie cod oder halo spile die meiste doch eh nur der multiplayer..

bisch sicher, glaubs eher en bruchteil. aber ich chan mich irren.

[Sephi]

Schono krass, wiä wenig lüt spieli durrespieled. sind so viel spiel schlecht?

Es hend zimlech sicher nid all Lüt die nötigi Zit defür. Und dass s Durchschnittsspiel i bestimmte Genres z lang duret gmässe ar Motivation wo s Gameplay bietet, heimer chürzlech imene angere Topic diskutiert.

[geosnow]

ah sorry gell.

[Sephi]

ah sorry gell.

Wie was? Du hesch gfrogt, ich ha gantwortet!

[geosnow]

.

[Sephi]

Will s Game vermuetlech eh nie wird cho, het de Yu Suzuki jetz uf der GDC s Ändi vo Shenmue 3 verrote in Videoform (Quelle, vg247). Achtung, Spoiler vom Ändi vo Shenmue 3 ahead.


Quelle

Ahja: Das isch WÜRKLECH der Yu Suzuki und är list effektiv was i de Untertitle stoht! Ke Witz!

[kraut]

I luege das nid, wotts de lieber bim spiele usefinde.

[Sephi]

Gabelstaplerrönne mitem Tony Soprano!

[Gurgelhals]

rolf, sehr guet

...aber de Mega64 mit em Shiggy bliibt ungschlage!

[Sephi]

rolf, sehr guet

...aber de Mega64 mit em Shiggy bliibt ungschlage!

Fantastisch!


Quelle

[PlanetHarrieR]

The Dreamcast 2!

[nascarbryant]

Endlich känn ich de Schluss!

[geosnow]

dis lebe macht wieder en sinn!

[geosnow]

isch au made in china.

[Goran]

Wär voll geil es Shen Mue 3. Han letschti gläse das Shen Mue 2 40 Millione $ kostet hät zum entwickle
und das vor so vielne Jahre. Hützutags chostet gueti Games so viel uf Next Gen Konsole mit HD-Grafik usw.

[geosnow]

Vieli verschiedeni gueti 3D model und animatione, wo natürlich realistisch sind, choschtet geld.

Ob jetzt das in 240p oder 1080p isch spielt kei rolle. Titanic in 1080p uf blue ray isch ja au nöd türer als Titanic in 480i uf VHS.

[Sephi]

Wär voll geil es Shen Mue 3. Han letschti gläse das Shen Mue 2 40 Millione $ kostet hät zum entwickle
und das vor so vielne Jahre. Hützutags chostet gueti Games so viel uf Next Gen Konsole mit HD-Grafik usw.

Die 40 Millione si en Korrektur vom Suzuki (a der GDC bekannt gäh), vorhär hetme gmeint es siged 70 mio gsi - wobii
dört vilech ou s Wärbebudget etc. no iberächnet gsi isch. Und so wie mir isch isch Shenmue au die tüürschti Videospielentwicklig vo allne Zite gsi bis denn Enter The Matrix cho isch.

40 Millione isch übrigens rächt bedütend, will das würd heisse, dass es doch no bitz Gäld igspilt het! Oder nid?

[geosnow]

nö, geld spielt niä e rolle. vorallem bi nintendo.