The(G)Forum

Overdose hat geschrieben:wenns mer recht isch hesch bimene abschluss vonere rechtschutzversicherig glaub zerscht male e gwüssi "cant use" ziet. sie glaub 3 oder 6 mönet. könt mig aber au tüsche.

Guet, ich wett ja nid jetzt grad eini machä, ich frag was bringts für Zukunft.... Irgendwie hani jetzt 7 Jahr uf Ricardo nid 1 Problem gha, 25000 Sachä verchauft aber isch ja klar das irgendwenn de erschti Vollidi chund und sowas id Waagschalä ruert

agestuffer

fallsd scho tcs versicheret bisch machsch de rächtschutz deet will super. und susch frögsch comparis. die wüssed wases alles gitt. bi all dene möngis uf de schtrass wür sichs eventuell au empfehle e verchersrächtschutz versicherig abzschlüsse.

Mier isch äbä grad hüt am Morgä no öpis anders in Sinn cho, da ich bald Immobilievermieter bin und ja Mieter/Vermieter no öpä lämpä hend, chönt das no es Thema sii.. Ich frag mal ah

Gruss agestuffer

für säb gitts de huseigetümerverband. die sind au schpezialisiert uf so fäll und bütet au en rächtschutz a sovill i weiss. luegsch mal da: HEV

agestuffer hat geschrieben:Mier isch äbä grad hüt am Morgä no öpis anders in Sinn cho, da ich bald Immobilievermieter bin und ja Mieter/Vermieter no öpä lämpä hend, chönt das no es Thema sii..

Ja aber hallo du uf jede Fall. Spätestens denn bruchsch das. Frog der NERV, die hei ganz sicher e Rechtsschutz. Es si leider nid alli Mieter bravi Lüt, die beide Trötevolldeppe wo under üs hei gwohn bestätige das Vorurteil.

Rechtschutz isch de gütt!
Ich ha se scho 3x dörfe iischalte...und 3x gwunne.

1x binere Elektriker Rechnig vo 584.- fürs iirichte vo Swisscom TV!!! Nach em Rechtschutz no 236.- zahlt (d gründ gönd zlang zum ufflischte)
1x Textilreinigungsfirma...die hend mir 98.- Reinigungsköschte für en Teppich wo neu 65.- koschtet hett welle verlange... Am endi isch es nach m2 gange und ich ha Fr.34.- zahlt.
1x binere Wohnigsabnahm wos gheisse hett, ich heig Parkettbodeschade gmacht..also ich zahlen muss. Nur, hann ich scho alles bim iihzieh dokumentiert kha, gföttelet und e unterschrift vom Abwart au no iigreicht. Hends nid welle akzeptiere...nachdem d Rechtschutz sich iigschalte hett isch das guet gsi...ahjo...denn hend sie mir für Malerarbeite welle zviel verlange (glichi Budefirma - drecksieche) au do hett d Rechtschutz en 40% reduktion könne duurestiere.

wege 100 stutz rechtsschutz ischalte? lol, zblöd wärs mir.

du, s goht ums prinzip...und am endi bikunnsch kei rechnig wäge dem...zahlsch jo Prämie. Me seht eifach, wie me abzocket wird. Und wenn die 3 sache tuesch zämmerechne, denn sinns um einiges meh als nur 100.- ... Aber jo....schiins hesch du demfall jo gnueg.

lakritz hat geschrieben:wege 100 stutz rechtsschutz ischalte? lol, zblöd wärs mir.

Ricardo für Dummies..... Tami, regt mir grad

bisch hässig?

Han jetzt gester nüt meh ghört von em.. Vorhäer heterer jde Abig (Suntig bis Ziischtig) immer öpis umäzmuhä gha..

Eventuell liihts jetzt bi de Rächtschutzversicherig!!

agestuffer

agestuffer hat geschrieben:Vorhäer heterer jde Abig (Suntig bis Ziischtig) immer öpis umäzmuhä gha..

dörfe mir mitlache?

Avenger hat geschrieben:dörfe mir mitlache?

Klar, ich han ja alles gseit bzw. postet was er gschribä het - bzw. tue ich üch denn ufem laufende hältä

agestuffer

müesstisch usefinde welli Rechtsschutz daser hät, je nach All. bedingige isch en min. striitwert festgleit. Aber was Du mache chasch :

"Unentgeltliche Rechtsberatung" ahlüüte, isch gratis ( Weiss zwar nöd ob's nur für Privatpersone gratis isch) für öppe 15 min. Rechtsberatig.

Google eifach mal nach "Unentgeltliche Rechtsberatung". Isch schochli en Möngel dä Typ.

Ich mach jetzt genau nüt meh... Wartä uf es Schiirä vom Aawalt oder was au immer... Jedi Mintuä woni no mit dem Depp uufhaltä ischmer blöd.

Ricardo hetmer zruggschribä, das de Chäufer 14 Tag nach erhalt vo de War (wonner ca. am 25 Februar übercho het) sich bi mir hät muessä mäldä um en Mangel aazghä.. Die Frist isch schomal durä gsii ((sind eher 23 Täg oder so gsii) und dahär hani absolut kei Bedänkä..

Luschtig isch eifach immer, das Lüüt wo kei Ahnig hend denn grad sowas vo Awalt und so drohed bevor sich mal schuscht irgendwo zinformierä..

Egal, da chundmer au no grad en luschtigi Gschicht in Sinn, weiss gar nid öbis schomal verzellt han

Han mal es PS2 YUV Kabel verchauft, denn isches retourcho und en Vermerkt, das Kabel siig kaputt, es ging nid. Sie heigets sogar no amänä Kolleg, wo Elektroingenieur isch ghä zum teschtä blah blah blah. Er welligs Gäld zrugg will ich im es defekts Kabel verchauft han etc.c.. Ich hans aaghängt, isch natürlich 1A Gangä, schnell aaagllütä und gfragt, öb er denn de PS2 im Menü uf YUV umgestellt heigi!!! Natürlichh eder das nit gmacht

Hanem denn no gseit - Hie de OT Ton vom Telifon "De Elektro Ingineur sind ein Pfiifä und en Elektro Ingenieur heig no lang kei Ahning wie mer en Spielkonsolä korrekt meuss bedienä und er znächst mal bevor er sonen Dipl. Ing sölli mir es Telifon ghä und nid dWar retourschickä mit irgendwelchä aanahmä und tummä Sprüch drin

agestuffer

huere guet was für sache passiere. Anderi verkaufe DS-spiel mit em vermerk "lauft nid uf NDS XL" oder gäbe zum R12 Super Fläsch en SD-Karte mit es paar spiel zum "usprobiere" mit, und do passiert genau nüt.

Fehlt nume no dass dir der Löli en Zahligsbefehl schickt will er vo eim ghört het dass das au söll funktioniere.

chasch au da sin name poste und mir gönd mal zu ihm hei.

wenn er nöd guet tuet, frög en mal ob er e hand voll finger im muhl will

Er het doch de Nintendo DS Lite tatsächlich iigschickt (gang jetzt devo us an Waldmeier) und die hend im jetzt bestätiget, das es sich um es Originalgrät handlet!!!!

So, jetzt isch rueh

agestuffer

wahaha OMFG!

het er sich wenigschtens bi dir entschuldigt ?

entschuldigt? huet haemmer 2011 man, verstasch?

agestuffer hat geschrieben:Er het doch de Nintendo DS Lite tatsächlich iigschickt (gang jetzt devo us an Waldmeier) und die hend im jetzt bestätiget, das es sich um es Originalgrät handlet!!!!

So, jetzt isch rueh

agestuffer

Das Gsicht hätti welle gseh. Huere guet.
Zum glück het der Agestuffer Connections und het Waldmeier vorgwarnt. "Hey, saged ihm es isch original"

randy hat geschrieben:het er sich wenigschtens bi dir entschuldigt ?

Nei, er hett nur gseit, das sogar Nintendo (ich dänkä Waldmeier) äbä in Dubai und Co heig müessä nachäfragä und die sogar nid mal sofort heiget chönnä uuschunft ghä... Es siig ein Heidä Arbet gsii - ich glaub ich hätt mich muessä entschuldigä!!!!!

agestuffer

Guave hat geschrieben:das Gsicht hätti welle gseh. Huere guet.
Zum glück het der Agestuffer Connections und het Waldmeier vorgwarnt. "Hey, saged ihm es isch original"

Nei, das hani nid.. Ich han dem eifach gseit Nintendo Grossostheim oder Waldmeier i de SChweiiz... Woners genau anägschickt het, heter nid gseit. Ischmer au scheissegal, es isch Original und das zellt (aber mier heters ja nid glaubt!!! - äähm ja, genau, de 0_0 wär jetezt go google, det hätter sicher uusägfundä)

agestuffer