The(G)Forum

Shadow hat geschrieben:wuahaha
shiat happens.... überall wo me Kreditcharte Details speichered, chan das passiere... also nüt neus... usserdem isch jede bezügl. Kreditcharte Missbruch gschützt.... also wirds wieder einmal meh ufbauscht als wärs dä Weltundergang... wenner Angscht händ bschtelled en neui Kreditcharte oder mached en pre-paid KK für söttigi online Gschäft.

Ich mach genau gar nüüt, aber es isch eifach :fail:

Also die nette Dame von der Cornercard erzählte dass sie bereits etliche Anfragen besorgter Kunden gehabt hätten.
Alle gemeldeten Karten würden sicherheitshalber gesperrt und ersetzt.

i weiss gar nid ob i mini kk-date ha agä. aber wahrschinlech scho. i ha aber ke luscht dene idiote vo visa azlüte. isch doch e versicheret gäge missbruch und so oder nid? kennt sich da öper us?

kraut hat geschrieben:i weiss gar nid ob i mini kk-date ha agä. aber wahrschinlech scho. i ha aber ke luscht dene idiote vo visa azlüte. isch doch e versicheret gäge missbruch und so oder nid? kennt sich da öper us?

ja bisch gschützt gege missbruch.... luege ob was abbucht wird und denn alüte.

super, hanimer ou so dänkt. thx!

ich hoffe es isch anonymous als rache für de geohot, fantastisch wärs. gueti sach

Moff hat geschrieben: gueti sach

ähm nei.

NERV hat geschrieben:Chan ich eifach sege, sie die 20384092384 Fr. wo da für dumme Animebrunz sind usgeh worde sind im Fall nöd vo miär? Bitte zrügg ersattte. Dangg!

Die gönd dem scho nachä.

Bit KK Miisbruuch gsends ja denn wo das Züügs hiigschickt wordä isch. D.h. wenn Du als Empfänger bim Animefigürli.com iitreit bisch, denn hesch es Problem. Wenn aber de Osama bin Laden isch, denn hesch de Stutz sicher wieder zguet

agestuffer

kraut hat geschrieben:i weiss gar nid ob i mini kk-date ha agä. aber wahrschinlech scho.

das frog i mich ebe au. Si KK-Date scho bir Registrierig verlagt worde oder ersch wenn me öppis käuferlet het?

nur wenn de öppers kauferlertetettetet hast

Frisch. Danke Sony dass Mitgliedschaft im PSN nüt kostet.

(dass sie sörtigi Date offebar unverschlüsslet hei gspeicheret isch natürlich oberfail)

eeehm ich bi mir gar nid sicher ob ich KK date han ihgeh. Han eigentlich nur 1x Prepaid Codes kauft 1x für CH und einmal für Japan Account. Wo chamer nache luege öbmer date het igeh ?

Und nowas PSN Japan isch doch ahgeblich nid betroffe oder ? Han mich emel nid chönne ihlogge mitem account. han au no prepaid batz druffe bi beidne

Reinforced hat geschrieben:eeehm ich bi mir gar nid sicher ob ich KK date han ihgeh. Han eigentlich nur 1x Prepaid Codes kauft 1x für CH und einmal für Japan Account. Wo chamer nache luege öbmer date het igeh ?

Und nowas PSN Japan isch doch ahgeblich nid betroffe oder ? Han mich emel nid chönne ihlogge mitem account. han au no prepaid batz druffe bi beidne

Alles isch betroffä, alli Server sind Down, darum chasch au in Japan nid aameldä!!!
agestuffer

Was wohl de Alex dezue meint???

I würs super finge wenn mä d Adrässe vo denä Type wo das z verantworte hei, würd öffentlech mache

Roflz, solle sie die Kk Date mal verkaufe. Es wird de Kunde recht wenig passiere. der Schutz vor Missbruch isch zum Glück recht gross.

Es isch natürlech e riese riese Pleite siitens Sony, ächt trüürigscht.

Aber do devo mol abgseh, wieso rönned gwüssi Lüt jetz wie d Hüehner desume und sperred gad Charte und beaträget neus Züüg? Me chan doch gäge jedi Buechig wo irgendwie dubios erschiint Iispruch erhebe.

Was isch bim Chlaue vo Kreditcharteinfos denn so die wahrschinlechscht Beriicherigsart füre "Dieb"? Jetz mal rein us Neugier gfrogt. Sache zu sich hei bstelle oder Geld uf sis Konto überwiise wirder ja chuum.

Grad sperre & e neui Charte findi grad au chli heavy.

Vili komischi Transaktione filtered t Bank grad vonelei use, wells nöd zum 'normale' Verhaltensmuschter vom Chund passt oder aber geografisch unmöglich isch, dass die glich Person bedi Transaktione tätiget hät. Denn bechunsch es Telefon und muesch zerscht bestätige, was jetzt natürli nöd en Freibrief si söll, zum t Abrechnige nüme aa'zluege, trotzdem, ämel CS & UBS (und vermuetlich au Viseca) mached das scho einigermasse seriös

esch doch worscht ond cha doch euch egal si was d lüt mache oder ned mache...

i ha jetz gratis e neui charte bstellt... sicher ist sicher!

NeoGeo hat geschrieben:esch doch worscht ond cha doch euch egal si was d lüt mache oder ned mache...

i ha jetz gratis e neui charte bstellt... sicher ist sicher!

genau. für was en möngel si und es risiko ihgah?
sperre = s einzig richtige. choschtelos und en ufwand vo genau 1 telifon und 2 minute.

edit: und - fallsmer d kk wieder im psn ihsetzt, zerscht mal s passwort ändere vorem hinderlegge - suscht bisch wieder glich wit

edit2: also wenns stimmt... tümmer und fahrlässiger chammer ja nümme sii :typej:

Die persönlichen Daten der Playstation-Network-Nutzer waren unverschlüsselt in einer Datenbank gelagert.

quelle und mehr: http://www.tagesanzeiger.ch/digital/int ... y/15123963

Ich auch. Und in Zukunft bekommt Sony nur noch Prepaid-Spielgeld von mir, wenn sie mit echtem nicht umgehen können.

swordfish hat geschrieben:sperre = s einzig richtige. choschtelos und en ufwand vo genau 1 telifon und 2 minute.

Bei der Deutschen Bank kostet das 15 Euro.

Sephi hat geschrieben:Es isch natürlech e riese riese Pleite siitens Sony, ächt trüürigscht.

Aber do devo mol abgseh, wieso rönned gwüssi Lüt jetz wie d Hüehner desume und sperred gad Charte und beaträget neus Züüg? Me chan doch gäge jedi Buechig wo irgendwie dubios erschiint Iispruch erhebe.

Was isch bim Chlaue vo Kreditcharteinfos denn so die wahrschinlechscht Beriicherigsart füre "Dieb"? Jetz mal rein us Neugier gfrogt. Sache zu sich hei bstelle oder Geld uf sis Konto überwiise wirder ja chuum.

Bi der Corner Kreditchartene hesch ja nu ds Challenge-Response Verfahre (ds SMS mitem Code, wod muesch iigee.)
Deshalb würd ich jetzt ds Risiko für Online Transaktione i sertige Fäll als eher gring Iischätze.
Was aber immer no gfährlich isch, isch Skimming: die Sieche chänd z.T mit diner KreditcharteNr. und CSC dini Charte klone und denn an ATM Maschine irgendwo in Mexiko Kohle usela. (wie genau das gaht weissi leider nüd, aber ds Equipment derzue choschtet under $200).
Ich halts für richtig, d Charte la ds sperre.

ebe genau das hani angscht... karte klone ond bargeld abhebe...

esch ebe au ned ombedengt alles versecheret...

ond me spart sech ellelangi hin ond her wenn wörkli e messbruch vorhande esch!