Child of Eden (rez nachfouger)

[sidusson]

hüt abe gibmer dr trip o

[kabuki]

chli gar kitschig grate, aber geil.

das find ig äbe o, eigentlech no schad.
für mi gschmack dörfts meh wie rez si, so tron-mässig, aber meh gwöhnt sech drah

[sidusson]

gester mau die erste 4 levels gmacht... sehr sehr geil gmacht vom visuelle här.. dr sound leider niemaus uf rez niveau.. würkt irgendwie chli uninspiriert u geit o niemaus richtig ab.. spilerisch ou irgendwie chli blass.. da kener upgrade müglechkeite vom töggu oder waffe... u immer nume roti oder orangi pünktli abschiesse naja..

aber glich, für shoota fans sicherlech gueti ungerhautig.. wirdi sicher dürespilä..

[damian]

ich han d'leve bim 2. mal durespiele fast geiler gfunde...
bim erste mal bini amel no viel zfest druf bedacht gsi dä level z'schaffe zum in nächste cho... bim 2. mal hani mi dänn scho viel besser chöne ufs audivisuelle iilah...
ich finds würkli nöd schlechter wie rez... eifach chli anderi uufmachig.
und gueti gameplaytechnischi verbesseregi: s'violette abeschüsse passt, und di audivisuell iibindig vom gameplay findi au besser....
eifach die lumi bitch nervt extrem wänn si aafangt singe als ob si eva im garten eden wär (moment, das isch si ja ev sogar)...

[damian]

ps. wieso interessiert s'beste spiel vo dä letschte ca. 5 jahr nur grad öppe 5 lüüt i dem forum?

[kraut]

s'beste spiel vo dä letschte ca. 5 jahr

i wotts its ändlech spiele!!!

[sidusson]

ps. wieso interessiert s'beste spiel vo dä letschte ca. 5 jahr nur grad öppe 5 lüüt i dem forum?

verwunderets di?

aber trotzdäm dünkts mi vom sound här extrem schlechter aus rez... ou chli meh upgrade müglechkeite oder schüsch eifach chli abwächslig zum schiesse wäre no guet gsi..

[damian]

ich finds abwechsligsriicher als rez, di musikalisch untermalig vom gameplay isch viel vielsiitiger. 2 verschiedeni schüss, jede level ä anderi tonleitere, spezielli sounds bi combos/takt vo dä musig. also wer eifach behauptet rez seg abwechsligsriicher hät wohl eifach rez me gspielt. wämmer child of eden mehrmals spielt entdeckt mer mindestens so viel abwechslig drin. wänn eim dä sound nöd passt oder d'lumi schlampe nervt isch das gschmackssach, aber mangelndi abwechslig isch sicher nöd wahr...

[PlanetHarrieR]

Ich find d'lumi schlampe super

[nascarbryant]

Ich find d'lumi schlampe super

stripschlamp! Wär no guet idee für en sequel....

[damian]

handheldversion: tascheschlampe

[kraut]

so hüt bini ändlech ou derzue cho child of eden z spiele. super isch! musig isch mängisch scho chli a der gränze zum närvige (da isch rez klar besser gsi), aber im grosse u ganze passt ou die ganz guet. d grafik isch natürlech genial.

level 4

[sidusson]

dr hammer finigi gloubs o dr afang vom 4. level wodr bode dür blüemli teeret wird

schöni böuder!

[Sephi]

i spile das no

[PlanetHarrieR]

dr hammer finigi gloubs o dr afang vom 4. level wodr bode dür blüemli teeret wird

schöni böuder!

Blib blab blub blab blib!

[der_blubb]

ich find's au no guet. s einzige wo mi e chli stört, isch wenn me dr arm muess wächsle. in däm momänt weiss s spiel nid genau uf welle arm es söll luege

[sidusson]

ich find's au no guet. s einzige wo mi e chli stört, isch wenn me dr arm muess wächsle. in däm momänt weiss s spiel nid genau uf welle arm es söll luege

me spiuts ou nid mit kinect

[kraut]

lol, 800'000 pünkt im matrix z schaffe isch ja gar nid so schwierig. eifach druf luege, dass me wenn müglech immer e perfekte lock-on härebringt, d abschussquote isch scheissegal (ig ha z.b. d 800'000 mit 81% abschüss erreicht lol).

es git doch no paar sache wome cha freischalte, findi super. het öppe e ähnlechi langzytmotivation wie rez.

btw: het öpper z challenge (hope) gschafft? bi grad im vierte alouf gschitteret. gopferteli das isch ja sackschwär!! u i aune tests schteit es sigi viel z liecht. die hei äuä nume z erschte level gspielt... :typej:

[sidusson]

hope hani ou no nid gschafft

[Sephi]

ich find's au no guet. s einzige wo mi e chli stört, isch wenn me dr arm muess wächsle. in däm momänt weiss s spiel nid genau uf welle arm es söll luege

me spiuts ou nid mit kinect

[PlanetHarrieR]

Dienstach kommts für PS3 mit Dry D und Move

[NERV]

S'Game choschtet jetzt nume no 17.00 Franke! http://www.play-asia.com/Child_of_Eden/ ... -47tm.html" onclick="window.open(this.href);return false;