The(G)Forum

soodeli

zuetate aka du bruuchsch:
- tôfu [豆腐], (de chli herter ir konsistänz mit em karierte netzli muschter uf de oberflächi -> [木綿] momen)
- râyu [ラー油], ds pikante chilli sesamöl us china
- schwarze pfäffer us de mühli (peugeot bevorzuugt)
- thonfisch us de dose
- caesar salad soose


de tofler usnineh und uf de schniidebrätt lege:


in alli richtige mehrmals mit em scharfe mässer eis durezieh, bis mer chlini praktischi quadratischi würfeli het:


d stückli denn in en täller inikippe:


nach beliebe d râyu drüber tröpfle (je wie pikant mers gärn het), so zwüsche 10~20 sprützerlis und denn ca. 1min la iizieh:


nacher de büchsethon drüber:


guet pfäffere die sach (au wieder nach eigetem gschmack):


zum schluss na de ceisersööze drüber und guet isch:


ganz guet umerüehre die sach, et voilà:


än guete zämmen

ich han dae pfeffer vergaesse!!



danke, geili ahleitig.

lol nid wenig pfeffer isch da druff

Sylvara hat geschrieben:lol nid wenig pfeffer isch da druff

ja ich hans ebe gern chli pfäfferig. aber ebe chan ja jede sälber chlii uusprobiere

wenns nacher guet umerüersch merksch eh nüm so viel vom pfäffer sälber, und s râyu isch ja au na da wos den übertöönt ir schärfi

kamme statt säsar au bruno bananis spezial salat sauce neh oder wer das herte stilbruch?

ui en hochstehendi chuchi

en sibele drihacke wär sicher no guet

evo hat geschrieben:en sibele drihacke wär sicher no guet

gaanz huuchünn gschnitte so dass mer schier chan dureluege = perfekt.


wege dinere bruno salat soose, ich weiss das infall nöd, da ich die nöd känne. ich han das rezept mit caesar salad soose entworfe, so kännis und so liebis

mer dörfs au gern nach eigetem gschmack und erdünke abändere.

Tofler, wieder einisch ässle sött ich.

bruno's isch die best und eigentlich einzig 'wiiss' fertig-sosse, wo esse chasch. uf jede fall bi üüs.

Sylvara hat geschrieben:bruno's isch die best und eigentlich einzig 'wiiss' fertig-sosse, wo esse chasch. uf jede fall bi üüs.

so isch ihms. mer mues si aber au dezent ihsetze do dr gschmack scho rächt "stark" isch unds schnell mol penetrant wird

voll lecker mit tunfisch. nur hani nid en sehr guets sesamöl benutzt
Wirds hüt glich weider zum z Nacht ässe.

He haued no meh Rezäpt ine! Han scho lang keis Thaicurry meh gchöcherled, dete chani jetzt au kilowis Tofu inehaue!

seitan? Was isch, wo kaufe?


mit Quorn chani gar nix afange... pfui...
Voll dümmlich isch doch de Trend, dass mer jetzt so Sache Fleischersatz nennt und dass mer das denn, Vegi-Börger, Vegi-Würschtli, Vegi-Steak nennt...

Buccaneer hat geschrieben: Voll dümmlich isch doch de Trend, dass mer jetzt so Sache Fleischersatz nennt und dass mer das denn, Vegi-Börger, Vegi-Würschtli, Vegi-Steak nennt...

Es sind eifach Vegi-Plätzli. Was willsch dänn, Sterne- und Härzliforme, demits nöd uusgseht wie es Filet oder Steak?

goht mehr drum dasi extra eine uf fleisch mache. tofu würschtli/pläzli wo mit läbensmittelfarb so bruuni grill streife drufzeichnet hän etz.

Buccaneer hat geschrieben:Voll dümmlich isch doch de Trend, dass mer jetzt so Sache Fleischersatz nennt und dass mer das denn, Vegi-Börger, Vegi-Würschtli, Vegi-Steak nennt...

gar kän neue trend. und begriff wie börger, steak und wurst sind zwar deretwäg iibürgeret aber an sich ja nöd fleischbunde. dumm isch wennscho dass me's "fleischersatz" nännt. als öb me nöd beides ässe chönnt.

evo hat geschrieben:goht mehr drum dasi extra eine uf fleisch mache. tofu würschtli/pläzli wo mit läbensmittelfarb so bruuni grill streife drufzeichnet hän etz.

W0rschtform isch doch eifach praktischer zum zuebereite und ässe, als z.B. en Würfel mit 15cm Kantelängi, egal uus wälem Nahrigsmittel.

genau. wie banane.

und gurke und zuchetti.

Z Kyoto hani mal es ganzes Menu nur us verschidene Tofu-Sorte gha. Rächt krass wases da für jenschti verschideni Arte u Konsistänze gäbt. Mues mal im Nishi Shop luege was si so für Sorte hei.

Sephi hat geschrieben: Rächt krass wases da für jenschti verschideni Arte u Konsistänze gäbt.

es isch en chuchi für sich ganz elei. und nöd mal en chliini.

Tatsujin hat geschrieben: es isch en chuchi für sich ganz elei. und nöd mal en chliini.

so isches. aber d reaktione i mim bekanntekreis si immer ähnlech, wes um tofu geit: "hör uf mit tofu, i wott öppis richtigs". :typej:

kraut hat geschrieben:

Tatsujin hat geschrieben: es isch en chuchi für sich ganz elei. und nöd mal en chliini.

so isches. aber d reaktione i mim bekanntekreis si immer ähnlech, wes um tofu geit: "hör uf mit tofu, i wott öppis richtigs". :typej:

chasch ebe nid ändere.

er muess halt au richtig zuebereitet werde der tofler. und der :wasnixkenndasnixfress: isch halt au no do.

kraut hat geschrieben:

Tatsujin hat geschrieben: es isch en chuchi für sich ganz elei. und nöd mal en chliini.

so isches. aber d reaktione i mim bekanntekreis si immer ähnlech, wes um tofu geit: "hör uf mit tofu, i wott öppis richtigs". :typej:

So isches halt. Aber bin nid trurig. Meh für mich. Aber isch halt für all: Biofrass für birkestöckträgendi Hippi-Veganer...

Tatsujin hat geschrieben:richtige tofu findet mer natürlich im ch nur imene asia oder japan shop. vergiss de migros etc. seich.

im coop händs sit churzem grösseri tofu-uswahl, wo sehr guät söll si. häts scho öper vo da probiärt?
http://www.coop.ch/pb/site/medien/node/ ... index.html
http://www.coopzeitung.ch/article45420