The Prestige [Achtung Spoiler]

[Mastler(P)]

Ig vermuete ig chume nid drus bi dem Film

das vermuet ich also au.

villicht lueg en au bald mal wieder. eine vo mine alltime favs. nolanler
jepper s buech glaese?

[Vyse]

D Maschine muess ja funktioniere, suscht wäre in dem Käller nid all die Wassertanks mit sine "Zwilling"

Der Hugh isch eifach z dumm zum em Bale sin eifache Trick mit em Zwilling z schnalle und er grifft zu drastische Mittel um ihm nid nur ebebürdig z sii, sondern ihn irgendwie z überbiete.
Isch au scho e zittli här, aber er isch ja nid zum Tesla wege der Copy-Cat Maschine, sondern nur für "Effects". Aber denn het er gschnallt das die Katz klont worde isch.

Het der Tesla am Aafang überhaupt gwüsst, dass sini Maschine als Näbe-effekt au no klont? Nid oder?

Weiss nöd, ob ers gwüsst hät, dass siini Maschine klont, uuf jede Fall isch sie chli schlächt kalibriert gsi, all das klonte Züügs isch usserhalb vo siim Labor im Garte glandet.
Aber dä Witz isch ebbe genau dä, dass dä eint siini Klon nach jedem Vorfüehrig im Wassertank versuufe laht und dä ander dä Trick mitm Zwilingsbrüeder duurezieht.

[emP]

ja, das isch das, was Euch de Käpt'n Obvious verzellt hett.

[zwirrlibatz]

da no es review vo eim wo nöd grad viel kapiert hett: http://www.spiegel.de/kultur/kino/0,1518,457946,00.html

[zwirrlibatz]

jepper s buech glaese?

buech?

noni dämfall.

[zwirrlibatz]

sehr sehr viel wo ihr euch frööged und wärweised, bzw de schlüssel zum verständnis drfür, wird scho i de allererschte 3 minute erchlärt vom Cutter. nur passt me det logischerwiis noni würkli gnue guet uuf. drum 2x luege. das au will jenschti dialög dänn en ganz andere sinn mached will me anderi/meh background imfos hett.

3 tips:
- en Borden gitt em Danton mal es schlüsselwort.
- de Danton zeigt sin trick emne erstarrte sponsor und de seit drufabe waseliwas...?
- was seit de Cutter am richter über d'maschine wo's d'sache göhnd go aluege?

es wird eim ca 10mal gseit "are you watching closely?". alles isch offesichtlich und me wird ständig abglänkt und achtet sich uf s'falsche. wie im richtige läbe.

[Mastler(P)]

es wird eim ca 10mal gseit "are you watching closely?". alles isch offesichtlich und me wird ständig abglänkt und achtet sich uf s'falsche. wie im richtige läbe.

[zwirrlibatz]

wobii e paar sache werded also offesichtlich allerzvorderscht ohni ablänkig zeigt, wo e paar lüüt da offebar müeh händ 'mit. wohl will d'ablänkige szeneübergriifend nahwürked. macht de film grad nomal besser. oder s'seit nur öppis über d'lüüt us.

[zwirrlibatz]

und dänn hetts drfür öppis komplett gaga unlogisch hanebüchens wo me aber eifach so akzeptiert. immer überall. nonie en kritik über das gläse. ok suspension of disbelief isch i däm film nöd würkli es thema. vilech hett de nolan aber sogar das no äxtra inetah für sin gwunder öb...

no rächt früeh, wo borden & danton ersch fängs ghilfe sind für de alti magier mit de frau im wasserchaschte. det hinkts nämli doch öppis gäbig.

[Guave]

Aber dä Witz isch ebbe genau dä, dass dä eint siini Klon nach jedem Vorfüehrig im Wassertank versuufe laht und dä ander dä Trick mitm Zwilingsbrüeder duurezieht.

S krasse isch ja, das er nid sin Klon umbringt. Er bringt sich sozusage jedes mal selber um.
Wo er s erschte mal in d Maschine gstande und im Garte glande isch, het der Film bereits der Klon verfolgt. S unklonte Original isch no immer in der Maschine.

Ich muess dä Film nomol luege, denn ich frog mich jetzt grad ob s "Original" überhaupt weiss das die Maschine klont. Oder ob nur der Klon das weiss, well er mit all dene Katze im Garte glande isch.

[zwirrlibatz]

Wo er s erschte mal in d Maschine gstande und im Garte glande isch, het der Film bereits der Klon verfolgt.

bitte wer was wo?

[Mastler(P)]

löl

[zwirrlibatz]

well er mit all dene Katze im Garte glande isch.

das passiert? han ich mich jetz nüme gerinneret.

[zwirrlibatz]

Aber dä Witz isch ebbe genau dä, dass dä eint siini Klon nach jedem Vorfüehrig im Wassertank versuufe laht und dä ander dä Trick mitm Zwilingsbrüeder duurezieht.

are you watching closely?

[Vyse]

Grad nöd eso, versueche uus dä 2-3 Jahr alte Erinnerig rekapituliere, aber sisch sicher Ziit en wieder mal zluege.

[emP]

well er mit all dene Katze im Garte glande isch.

das passiert? han ich mich jetz nüme gerinneret.

nei das passiert nid. de Guave träumt. oder viellecht ha ig nid gluegt was passiert.

[Acid]

Ich find de Film Gnadälos überbewertet, und ich bin au de Meinig das de übernatürlich aspekt en billigä und störende Usweg isch.

Aber de Film isch tatsächlich wiä en Zaubertrick, er loht de Zuäschauer de ganz Film Rätselraten, und länkt demit devo ab dasser suscht gar nüt z bütä hed.

[zwirrlibatz]

Ich find de Film Gnadälos überbewertet, und ich bin au de Meinig das de übernatürlich aspekt en billigä und störende Usweg isch.

Aber de Film isch tatsächlich wiä en Zaubertrick, er loht de Zuäschauer de ganz Film Rätselraten, und länkt demit devo ab dasser suscht gar nüt z bütä hed.

häsch en 2x gluegt? s'gaht nöd ums rätselrate an sich. das sälber isch au nur de ufhänger. und de übernatürlich aspekt isch eis erzählinstrumänt vo vielne, wo au wieder (siehe untere poscht, das da isch editiert) ein flashy ablänker isch.

[zwirrlibatz]

was isch und was nöd, was wichtig isch und was irrelevant, was me glaubt z'gseh oder z'verstah und was me verpasst und vo was me grad drum überzüügt isch, wird bewusst nöd i de entsprächende dütlichkeit und/oder luutheit inszeniert wie i anderne film, was normalerwiis es no-go isch und drum völlig ungwohnt und irrefüehrend. wenn's chlöpft, passiert öppis wichtigs, quasi. de film bricht mit all dem vorsätzlich. drum die erschte 3 minute monolog vom Cutter. muesch mindsette, susch chunnt me ebe zu dim fazit.

[Acid]

Ja hanen 2 x gseh. Mit rätselratä hani unter anderem au ugmeint was du seisch, tüschig, ablänkig, etc. etc.

Es isch en Zaubertrick. wiä gseit. Das isch alles guet und recht, aber vil blibt devo nid übrig.

[zwirrlibatz]

Ja hanen 2 x gseh. Mit rätselratä hani unter anderem au ugmeint was du seisch, tüschig, ablänkig, etc. etc.

Es isch en Zaubertrick. wiä gseit. Das isch alles guet und recht, aber vil blibt devo nid übrig.

na für mich halt scho. nimmi grad mit is richtige läbe. de ganz karsumpel vo ursache vo wahrnehmig und beurteilig und konsequänz drus wie felsefeschte überzügige intressiert mich sehr.

nomal de da vo vorher, de seits ebe guet:

In lesser hands, The Prestige could have become an empty exercise where the twists and turns might seem at best arbitrary or, at worst, manipulative. Thankfully, the editing and imagemaking is so precise, and the screenplay so beautifully layered, that the finished result tickles the audience with anticipation and bewilderment. The Nolans and their talented cast never play the viewers for suckers, even when fooling them right in front of their eyes.

i dem film gitts ja ebe nöd nur eis wilds umegefuchtel mit chliinschtbeschtverschtecktischte wahrheite. vieles wahrs isch hundertpro in front, anders imne nur ghuuchte, halbusgschprochne satz. anders wird nie nödemal annähernd bestätigt aber für vieli lüüt, au da ine, isch das dänn wieder trotzdäm en indiskutable fakt. das isch de genius vo dem film.

ich han jedefalls ersch bim 2te mal jenschtes (andersch) verstande.

[Acid]

Chund halt wahrschindlich au bitz druf a, was für e Istellig dasmer gha hed, bevormer de Film gluegt hed. Ich mein wemer de Asatz zum erschtä mol richtig dänkt, denn isch de Film vilicht scho es rächts erläbnis. Wemer das allerdings vorher scho tuusigmol dänkt hed, denn isches ebä nüt neus, und funktioniert zerscht nid glich guet wiä bi anderä, überrascht aber den im nochhinein au weniger.

Drum giltet das i dem Änglischä Review nur bedingt. Für mich sind diä schönä Bilder und Kullissä, eigentlich diä ganz Ufmachig vo Afang a nüt als Leeri Hülsä gsie und händ mi niä grossartig beidruckt.
Das söll nid heissä dasses nid bi mir au so einigi vo denä Aha Moment geh hed (und diä wili dem Film au gar nid neh), nur vilicht halt vilicht nid so vil und nid so grundlegendi.
Das zumindescht en Erchlärigsversuech wonich mir mach, weilich mich jo au Frög werum so drüber gjublet wird, unds mich relativ chalt lohd.

[zwirrlibatz]

gjublet wird doch aber nöd über die diä schönä Bilder und Kullissä...

[Guave]

well er mit all dene Katze im Garte glande isch.

das passiert? han ich mich jetz nüme gerinneret.

Nei isch nid richtig.
Der Tesla het mit Zylinder teschtet obs die verkohlt, wo denn aber der Jackman koo isch, het er en Katz iinegstellt zum teschte ob die überläbt.

D Katz isch denn zwische de Hüet umegloffe und er het das entdeckt bim verbiilaufe. Vor luter schwarzer Farb hani mi aber falsch an die Katze erinneret. Aber s Resultat isch ja s gliche.


Ich muess no mal luege, vieles isch mer falsch in Erinnerig. Er het die Maschine glaub au nid grad selber teschtet sondern wirklich nur d Katz. DIe het er denn bim weglaufe zwische de Hüet gseh.

[zwirrlibatz]

Er het die Maschine glaub au nid grad selber teschtet sondern wirklich nur d Katz. DIe het er denn bim weglaufe zwische de Hüet gseh.

de Angier hett die maschine bim Tesla bstellt will und nachdäm... das schiint irgendwie rächt underzgah.