The(G)Forum

bescht: http://www.youtube.com/watch?v=fSuIZ11J ... re=related

super. immer wieder.

Ich bin jez zimli offiziell inere Band
Klar, nöd ganz das, woni schlussändlich spille will, aber es isch scho rächt e Heruusforderig mitzhalte und absiits vom Standartgeschrummel en individuelle Impuls chönne mitinnezverwürkliche.

Git grad verdammt vill züebe für mich, aber sisch ok, es isch anders Üebe als für sich allei.
Dä Bandruum und svorhandene Equipment isch Top, leider händs au en Chüelschrank mit Dosebier im Rüümli, argh.

...und ich wünscht, ich hätts chönne erfahre mit vertraute Lüüt/Fründe Musig zmache, das fählt mier. Ich fühl mich so bunde ah miis Instrumänt, no immer bitz isoliert.

hülf

Vyse hat geschrieben:Ich bin jez zimli offiziell inere Band

gits vo dene scho ufnahme? wenn ja, gisch link?

Nja, isch also nüüt meega Hochstehends i dä Uufnahme (und mier pers. gfallts nöd) aber dänks grad wäg däm gar nöd so Schlächt für mich zum iistiige. Cha ja immer abspringe.

Zum Glück hät dä eint neui Lüüt gsuecht zum e anderi Richtig iischlah und vom punkige chli wägzcho. Spilled also zimli öppis anders als bi dänne Uufnahme, zudäm singt no es Meitschi mit.


http://www.myspace.com/theguestsarehere/music/

Vyse hat geschrieben:zudäm singt no es Meitschi mit.

isch zwar es klischee, aber i ha mau ire band gspielt, wos wägemne meitschi zur uflösig isch cho. sei gewarnt!

schlimmer isch wenn es meitschi nur mitsingt, wil sie ebä es meitschi isch und z.B. d Fründin vo öperem i de Band, leider aber am Mikrophon null Usdruck hed. Denn hedmer nur d Hoffnig dassis sälber schnalled (was no schwierig isch), oder dass sich diä beidä möglichscht schnäll tränned, willmer suscht i diä unagnehmi Situation chunt, denä diä ungschminkt Wohrheit mitteilä zmüese.

lol, danke für eui Besorgnis
Sie isch mit keim Bandmitglied inere Beziehig und singt au nöd durchgehend sondern understriicht nur gwüssi Passage zämme mitm Typ, tönt teilwiis würkli no rächt guet.

Vyse hat geschrieben: Sie isch mit keim Bandmitglied inere Beziehig

no nid!

i siebe vo acht bands sind bi mir fraue drbii gsi und die händ herter und weniger zickig gschaffet als d'manne. jungs chönnd drfür gross plagööre.

Paar interessanti Tipps/Erfahrigsbrichte i dem Topic, super!

übrigens absolut pflicht will lehrriich und inspirierend:

http://www.amazon.co.uk/Might-Get-Loud- ... 108&sr=8-1

En würkli sehr Inspirierende und vor allem unbeschriibich beläbende Film.
Ghört dihei iis CD/Platte- und nöd iis Filmregal.

äbefalls: http://www.amazon.de/Rockmusik-machen-f ... 3527704760

türli gäbs au nume "gitarre für dummies" aber grad querbeet über alli instrumänt chli was wüsse hett nonie gschadet. s'isch au nöd öppe wiememeinechönnt für afänger sondern deckt alles ab vo "kabel? weles kabel?" bis zu jeder erdänkliche spieltechnik i allne jemals entdeckte skale. da lernsch no als greise has was.

Paar Frage zum Musigmache/Gitarre

und da alli antworte wo de bruuchsch:

http://www.youtube.com/watch?v=RHSvjS4JQSQ" onclick="window.open(this.href);return false;

alli clips luege. en clevere mänsch verzellt über musigmache. und werum me was wie guet macht und was guet überhaupt heisst.

http://www.thescoopnews.com/news/briefs ... ass-player" onclick="window.open(this.href);return false;

sie hetts nöd anders verdient.

zwirrlibatz hat geschrieben:http://www.thescoopnews.com/news/briefs ... ass-player

sie hetts nöd anders verdient.

kraut hat geschrieben:

Vyse hat geschrieben:zudäm singt no es Meitschi mit.

isch zwar es klischee, aber i ha mau ire band gspielt, wos wägemne meitschi zur uflösig isch cho. sei gewarnt!

ich han beidi sängerinne vo eusere band dated und d'band isch au weg dem hops. sie hät nachher lieber gitarre als bass gspielt...

finger weg

Sali,

Spielsch du es Instrument? Weles? Wie lang scho? Chasch güt?
Oder gits es Instrument wo gärn würsch spiele? Spielsch viellicht sogar innere Band?

Warum hesch afa spiele? Hend dich dini Eltere zwunge oder hesch sälber d Initiative ergriffe.

Ich chan leider keis Instrument spiele. Gott i sinere Weisheit hed mich mit null musikalischem Tälent gsägnet, und gnau us dem Grund, würi gärn chöne Musig mache. Mer wett ja immer das, womer nid hed, nid chan. :typej:

Ich wär ja nur scho froh, wenni chönnt flötle. :typej:
Guet, ufem Didgeridoo chani chli umedödle, aber vo Zirkularatmig wömmer gar nid rede...

Instrument woni gärn chönnti Spiele: Dudlersack, Gige, Didgeridoo, Bass-Gitarre

han nuno e schnörregiige dihei, han mal sax agfange spile aber nur 2 -3 jahr. han früener gern p-funk gloset und vorallem JB wo de maceo parker sax spillt, dä maceo hani immer mega gfunde und denn hani halt au welle afange solo spile, bin id musig schuel gange, die gits aber glaubs nümm. atm oder so het si gheisse, isch grad bim bellvue gsi,
hüt spili nix mehr ussert arcadegames

arcadegames

Schnorregige chasch spiele? au no es geils Instrument. Saxophone hed mir nie würkli gfalle. Aber isch sicher verdammi schwirig zum chönne spiele. Warum hesch ghört?

grifftabele isch easy zum lerne, was mir chli müeh gmacht het isch tön z`ghöre und unterscheide und en suubere ton us em saxophon useblase, es isch es holzblasinstrument wo muesch zerscht das holzplättli e halb stund id schnörre näh zums ufweiche, s zwerchfell trainiere isch mit miner raucherlunge au nöd löcke, han denn irgendswie nümm so luscht gha altosax z`spile und mir denn en roland sp 808 kauft. nanig so lang ischs her hani das sax im ricardo vertschuutet

Giige & Didgeridoo sind nöd grad die Liechtischte, wenn au us verschiedene Gründ. Vilech lieber mal mit Gitarre oder Klavier afange wenns nöd so wichtig isch weles Instrumänt's schlussändlich sii dörf. Dudelsack isch glaubs (!) nöd schwer, im Gägesatz zum Didgeridoo bruuchts afaik kei Zirkularatmig. Ich han eis es Wiili aber weder Nerve no dr Wille gha und hans amne Motiviertere verschänkt. Schlagzüg isch krass. Das muesch wele, will täglich siebe Stund muesch üebe für all die Unabhängigkeite vo Chopf, Hand und Fuess z'automatisiere und uf de Bühni bisch meischtens gliich de Typ hine im Schatte. Drömmers händ min grundsätzlich Reschpäkt.

Ich bin mit elfi Fän gsi und han für mis Alter extrem unpassendi Musig fanatisch glost http://www.youtube.com/watch?v=rC4qmoqNULI" onclick="window.open(this.href);return false; aber gar nöd drmit grächnet, jemals Musig z'mache. Irgendwänn hämer i de Schuel e Band gründet und 3 Wuche spöter en Gig gha. Sithär gahts nüme ohni. Jetz spiel ich hauptsächli Bass & näbesächlich Gitarre (wie jede Bassischt, umgekehrt gitts das komischerwiis sälte) sit ewigs. Han 4- und 6-saitigi Bäss, 6- und 12 saitigi Gitarre, e elektrischi Sitar, e paar Synthesizer (u.a. http://www.youtube.com/watch?v=L7Tir9ewgks" onclick="window.open(this.href);return false; ) und jenschtes Audiosoftware. Han ca 7 Bands gha wemme die amigs interne Umbsetzige nöd no äxtra zellt. Momentan han ich 3.



vlnr: Fender VI Bass, Rickenbacker 4003, Danelectro DC 12string, Jerry Jones Babysitar
vorne: Epiphone Coronet 1963

nöd ufem Beld: DC 6string, Stingray Bass & Squire Jazz Bass, Moog Taurus

"Talänt ha" wird überbewertet. Me hett das nöd eifach so oder ebe nöd. Wichtig isch uuuuuviel uuuuuverschiedeni Musig lose zum es Gfüehl für Rhythmus und Harmonie zbercho. Dänn lernsch das au no meh oder weniger analytisch je nach musikalische Absichte und de Räscht isch üebe, üebe, üebe und uf die andere Instrumänt lose und sich vorallem druf achte, weli Note meh NÖD spielt. Die sind genauso wichtig. Und ebe da => http://www.thegforum.ch/viewtopic.php?f=13&t=2017" onclick="window.open(this.href);return false; De chönnt imfall sehr super werde zum Lerne und das ersch no grad mit Spass, wills sofort nach öppis tönt und me umgäh vonere Band mit allne Instrumänt üebt. Isch viel besser als isoliert und nur ufs eigene Instrumänt konzentriert.

Geil en elektro Sytar. Voll freaky shit . Wow inere Band speile! De chan mer immer Grupis knalle Bescht

Min Vater hed alles kreative Talänt ide Familie a mini Schwöster vererbt. Er spielt chli Gitarre und Klavier. Und für das, dass er das nie "richtig" glernt hed und nie "richtig" spielt, chan ers verdammt guet und Künstler isch er au no. Und mini Schwö spielt Klavier. Ich han irgendwie nur destruktivi Gen becho. Lieber öppis kaputt mache

Rythumsgfühl hani nur sowit, weni chli tanze im Usgang, dases no easy usgseht. Klar glaubi, das mer mit üebig so Mängel chan überwinde, aber mir gaht das irgendwie ab. Takt? Note? En Molodie nur scho nachesumme chani fast nid.
Han Gläse Dudelsack spiele sig schwiriger als mer meint. In Schottland seid mer, mer chan erst richtig Spiele, wenn mers scho sit sibe Jahr macht und das ide mindestens sibte Generation. Zerst wür mer bis zu zwei Jahr uf some Flötli (Practice Chanter) übe bevor mer denn an Sack gaht. Viel möcheds früeher, aber es gid halt au mega viel "möchtegern"-Dudler.

Naja, viellicht hol mer mald Blockflöte vo minere Schwöster Zum es Instrument richtig afange mit de entsprächende higabe hani momentan kei Zyt. Gad en sehr hektische Läbensabschnitt. Viellicht fangi irgendwenn ja mal eis a, wer weiss Aber müesst halt scho eis si wo fäged und mi in Bann zieht!


Ja gib doch mal dini "Tourdate" dure