zeromeier hat geschrieben:schad isch, und das mein ich ernschthaft so, dass ich da es Thema bringä wo offesichtlich kein Mänsch chan drüber rede.
Doch, ich. Han eifach bisher kei Ziit gha. Item: Mir gaht's nöd drum, e grundsätzlichi Istellig zu Wält und Videospieli in Frag z'stelle, das söll jede mit sich sälber usmache. Jessesgott, ich spiele ja au kei Videospieli, zum mich Wiiterbilde und en bessere Mänsch z'wärde, für das gäbt's glaubs effizienteri Mittel
De Punkt isch meh d'Frag, öb me "trotz" so ere Istellig dänn doch au i de Lag isch bzw. sich chan überwinde, dezue öppis is Forum z'poste, wo für anderi User au informativ / interessant / neu / nahvollziebar isch. Du chasch das ja z.B., mit dir chan me diskutiere, tiptop, überhaupt keis Problem. Das isch Kommunikation. Anderi chönd das aber offesichtlich nöd.
Nöd Kommunikation isch, eifach ganz spontan de ultrasubjektivi Blödsinn, wo eim grad dur de Chopf gaht, 1:1 is Forum z'poste ohni sich z'fröge (geschweige denn z'intressiere), öb das dänn für die andere nahvollziehbar und interessant isch. Es fürs Forum typisches Bispiel (im beschte sidusson-Stil): "Super spieli, ich underhalte mich bestens, lulz, 9/10." <- absolut null Information, e Verschwändig vo Speicherplatz und Bandbreiti. Für das gitts Twitter und ähnlichi Internet-Abfallprodukt.
Nöd Kommunikation isch au, wänn me e möglichi Diskussion bim chlinnschte Widerspruch mit em Nöd-Argument "Isch eh Gschmacksach" reflexartig abwürgt. Wieso dänn überhaupt mitenand rede, wänn's eh nume Gschmacksach isch und e Verständigung entsprächend unmöglich isch? Wo isch de Sinn devo, in es
Diskussionsforum z'poste, wänn me effektiv eh nume mit sich sälber redt und offesichtlich null Inträsse dra hätt, was die andere z'säge händ (bzw. nume Inträsse, insofern die eige Meinig bestätigt wird. Da dezue de anderi üeblichi Diskussionsverlauf im Forum: "Wiuwiuwiu super Spieli!!!" "Find ich au, du bisch super!!" "Mega, mir sind beidi super!!!" "Ich finds im Fall blöd." "Du bisch tumm." ":gorel:")?
Da drum gaht's mir. Um Gspröchs- und Diskussionskultur. Im Grund gno staht da dezue ja alles scho i de
*offizielle G-Forum Netiquette*
:
3. Teile etwas Neues mit! Dein Artikel wird einem grossen Publikum zugänglich werden. Teile daher etwas Neues mit, wenn Du einen Artikel schreibst! Mache Deinen Standpunkt klar, und drücke Dich verständlich aus. Durch schlüssige Argumentation können von vornherein viele Missverständnisse vermieden werden.
Voilà, da händ mer's. Weiss nöd werum sich d'Admins ufreged. Es sind ja ihri eigene Regle, wo me dra erinneret...
Jedefalls vo dem abgleitet ganz churz es paar Feststellige im Bezug uf d'Entwicklig im Forum:
1. Das Forum hätt i däre Beziehig früehner es wesentlich höchers Diskussionsniveau gha. Me hätt doch no mitenand diskutiert, statt dass eifach jede für sich ellei sin Furz ablah hätt.
2. Die Tatsach ellei hätt das Forum einzigartig und attraktiv gmacht. Es isch im Videospielforum-Einheitsbrei positiv hervorgstoche.
3. Entsprächend macht d'Tatsach, dass s'Pendel scho sitt einiger Ziit i die ander Richtig schlaht, das Forum weniger einzigartig und attraktiv. Es wird immer meh zu eme langwiilige 08/15-Forum. Wog 2.0.
4. Entsprächend stönd eigentlich d'Admins, aber au d'Mods und d'User i de Verpflichtig, wänn me dir Entwicklig wott korrigiere. Da chan me halt nöd eifach es Feature degäge programmiere, das mues me welle kultiviere. Ich leischte jedefalls min Bitrag, anderi mached das au, aber offebar langet das nonig. Aber viellicht wott's en grosse Teil vo de Community ja gar nöd korrigiere (was us minere Sicht eifach unvernünftig isch, will ja dänn d'Einzigartigkeit und d'Attraktivität vom Forum verlore gaht). I dem Sinn wär's viellicht au mal interessant z'ghöre, was d'Admins sowie anderi User sich eigentlich für es Forum vorstelled.
...und wänn das jetzt nöd als "konstruktivi Kritik" wahrgnoh wird, dänn liit de Fähler würklich nöd bi mir.
lueg mir isch die diskussion z dumm. sie chönt mit dem forum und portal mache was waend. isch ihres biz. wenn sie s gfüehl haennd us monetäre gründ öpis z verändere, tja den halt. natürlich gits binere veränderig immer gwünner und verlürer, ach bin ich schlau hüt.
stimmt zu 100%. jetzt nach dem weise satz chasch dich hüt abig bidä fifa liga amälde, isch megen.
)