OSX LÖI

[Guave]

bevor wieder eine NACH em Event frogt:

Es gitt en LiveStream hütt.

[Gurgelhals]

iPhoto

Wo isch de Leu?

[Gurgelhals]

blablabla...Souschal Trottelwörking...blablablabla

[Chäller]

was lauft? mergets OSX und iOS?

[Chäller]

ah nei...has zerst falsch verstande.



MISSION CONTROL!

[Chäller]

I am thrilled to be here

[Guave]

Fullscreen

Sie verwände das Wort wie das die neuscht Erfindig vo der Welt wär

[Guave]

Aber das Mission Control isch also no recht frisch.
Eso wird ich "Spaces" öfters Bruche als mit dene 4 Ebene wo jetzt existiere.

Usswähle welles Browserfenschter wo de willsch, usseme Cluster. Schon nid unfrisch. Natürlich nur wenn 20 Fenschter offe hesch.
Bisher hani genau wege der Übersicht nie mehr als 5 Fenschter offe.


Der Appstore wär natürlich DENN geil, wenn z.b. Pages kaufsch und somit grad alli Versione besitzisch. iPad, Mac und iPhone.

[blackraini]

App Store für Macs :typej:

[ritschi]

so öppis wetti scho lang für windows. aber im osx funktioniert so öppis natürlich eh viel süberer...

[Guave]

im Ubunto laufts au scho super

[ritschi]

lolbunto

[Guave]

Firme wie Microsoft oder Adobe wärde niemals uff die MacStore uffspringe.
Für so Firmene isch 70/30 eifach lachhaft.
Nur dass sie im Appstore sind, wird MS wohl kuum 30% an Apple abgää, wenn sie uff eigenem weg normal könne verdiene.
Valve wird sicher au nid welle iistiege und 30% abgää. Do wird mit Sicherheit e Sondertarif ussghandlet, oder sie bliebe weg vom AppStore. Für d Entwicklet vo Angry Birds mag das Millione vo Dollar generiere, da sie e total neue Distributionsweg händ, mit Millione vo Grät. Das isch e riesige neue Markt und do kasch mit 70% läbe. Wenn aber scho etabliert bisch mit Mac Software, gsehts total anderscht uss.

[ritschi]

oder verlangsch eifach det 30% meh und es wird vo dumme glich kauft

[Acid]

D Frog isch: Wiä vil chömets denn jetzt über? Mac duet jo eigentlich vor allem öper schädigä, nämlich jedi Stufä vo Zwüschähändler.

Natürlich Adobe vertickt ihres Züg au scho jetzt über s Internet direkt, Aber sie verchaufeds au im Einzelhandel. Öb im Verglich zu det 70/30 sonen schlächtä Deal isch weissi jetzt aso nid...

Und sie müend scho au luege dassi vorhandä sind. Klar im Bereich Photoshop hed Adobe ehnder weniger Konkurrenz (und wenn denn sowieso vo serignä wo grad ganz Gratis sind), aber ich glaub es gid hüt scho so einigi wo z.B. Aperture chaufed, und nid willses besser findet als Lightroom, nid wills das usprobiert no vil devo ghört hend, sondern will eifach bi Apple stoht das Aperture super isch, unds bim Computer chauf für en Ufpris grad mitüberchunsch wenn wilsch. Wiä das denn würd usgseh wenn bi somenä Store nur Aperture vorhandä wär... do müends scho luege. Und ebä, Apple wird suscht scho öpis usmertä.

[Skeletor]

ich chum ja nöd so druss bi so sachä, aber isch das nöd rächt gaggi da? ios in osx?

[Chäller]

ich chum ja nöd so druss bi so sachä, aber isch das nöd rächt gaggi da? ios in osx?

????

[Chäller]

http://www.apple.com/chde/macosx/lion/

[Acid]

mini Begeisterig haltet sich also zimlich in Gränzä...

[Mastler(P)]

mini beg

[Gurgelhals]

De AppStore richtet sich ja au gar nöd a bzw. gäge Adobe, Microsoft & Co., sondern a chlini Shareware-Entwickler (vo dene gitt's i de Mac-Welt bekanntlich en Huufe und d'Programm sind oft au würklich guet & priiswärt). Die chömed da e Plattform über, so dass sie nüme sälber vertriibe müend und die potentielle Chäufer ihri Software viellicht au echli liechter findet. D'Frag isch ehner, öb Apple da eine uf Nazi macht und nume die Software akzeptiert, wo dänn au exklusiv über de AppStore verchauft wird. Das wär ziemlich Arschloch.


Die ganze Technik-Details zum Leu chömed dänn wohl a de nörchschte WWDC (ca. Juni 2011). Launch dänn wohl so August/September...

[Guave]

Do wird no einiges an Änderige koo um e Update z rechtfertige.
Da ich aber sehr gern mit Expose schaff, wird das Update sicher öppis für mich wärde.

Wenns nid viel neus bietet usser jetzt däm do und mehr als 100.- koschtet, überleg ich mers aber sicher.
Aber es wird sicher no öppis gää wo als "knaller" verkauft wird.
zum bispiel wireless sync mit allne iOS Grät isch zwar scho lang überfällig, aber eso würd sich Lion natürlich no besser verkaufe.

[O_O]

Bitte kei Beleidigunge im Technikforum. Es artet sust nur uus.

[Guave]

Das isch e wittverbreiteti Meinig über MacUser, ja

[O_O]

Das het jetzt nüt mitem mac ztüe.