The(G)Forum

zwirrlibatz hat geschrieben: eui wohnig isch eh en fresn und saufn mit tv sündepfuhl.

lol dasch no garnüt - mir hei grossi plän! und game-&-büecherpool nid vergesse, bitte!

die negst wohnig mues für alles meh platz ha....ganz vorne ebe o chuchi. mega wär ja sone grosse ami-chüehlschrank mit iisfach, weischwiegeil!



mit LCD display

so eine liegt no irgendwo....öppe ds dümmste "chuchigrät", wo's git...für jewiils 1 tassli

emP hat geschrieben: - E Nesspresso Milchschümer

de isch uhuere krass fein. Chostet zwar 100.-, aber en sensationelle Milchschuum. Trinke amigs ufgschüümti chalti Ovomaltine

ok ich glaube das toppt dr ander toaster-eier-dingens..

Dem geile Teil,
aber mine hett no e Eierchocher-Funktion und cha no Weggli/Gipfeli ufbache und hett e Omlette-Form derbi

Sylvara hat geschrieben:mit LCD display

goil. jedefalls wenn's inventur füehrt. und online sache bstellt. das gitts nämli schiins glaubs.

ds dümmste "chuchigrät", wo's git...für jewiils 1 tassli

he, de han ich! längt föörig au für 2, 3 tassli husch z'vrbrzzzle und susch vrbrzzzlisch d'müuch halt zersch i de pfanne. ihr mit eune grät händ wohl völlig verlernt sälber z'dänke i de chuchi.

@vorteggs
viel z'kompliziert! selber denke, gaht's no?

Astroboy hat geschrieben:Dem geile Teil,
aber mine hett no e Eierchocher-Funktion und cha no Weggli/Gipfeli ufbache und hett e Omlette-Form derbi

LOL....ich wette, dr ander bstellt derfür bi amazon, suugt staub und macht d'wösch!

Sylvara hat geschrieben:@vorteggs
viel z'kompliziert! selber denke, gaht's no?

en sälberbschtellchüehlschrank nähmt ich scho.

Sylvara hat geschrieben: LOL....ich wette, dr ander bstellt derfür bi amazon, suugt staub und macht d'wösch!

Ize müesst dä no chönne glette (für öich: bügle), Mo/Do dr Ghüder voruse steue & dr Bode füecht ufnäh und i würd sofort aafa spare.

oder bsorgsch dr e putzfrau

....das erinneret mich dra, dass ich für die negst wohnig UNBEDINGT eso e automatische programm-staubsauger bruuche mini cousine het ihres huus extra ohni teppich und schwelle iigrichtet, damit das ding überall düre chunnt.

für was genau bruuchts eigentlich eier-chocher? geit's schneller als ir pfanne mit wasser und wird's besser?


oder vilicht doch das: http://www.wissenschaft-shop.de/ideen-z ... ep-ei.html" onclick="window.open(this.href);return false;

- Sieht aus wie ein Ei,
- fühlt wie ein Ei,
- kocht wie ein Ei
- und singt, wenn die Eier fertig sind!

Astroboy hat geschrieben:Dem geile Teil,
aber mine hett no e Eierchocher-Funktion und cha no Weggli/Gipfeli ufbache und hett e Omlette-Form derbi

wele hesch denn? und wo gitts?

t sylvara isch voll im maschine rusch
wenns so witer goht muess die nekscht wohnig also schone palast sih damit ales platz het

evo hat geschrieben:t sylvara isch voll im maschine rusch
wenns so witer goht muess die nekscht wohnig also schone palast sih damit ales platz het

LOL so isches!!!
equipmeeeeeeeeeeeeeeeeeeeeeeeeeeeeeeeeeeeeeeeeeeeent!

Ladet mi aui mau ii! I cha säuber ke Milimeter choche, aber schätze gueti Chuchi sehr
@Wenscher: http://www.amazon.de/Tefal-5500-Toaster ... 968&sr=8-1" onclick="window.open(this.href);return false;
Er cha aues und no chly meh .

Astroboy hat geschrieben: I cha säuber ke Milimeter choche [....] aber schätze gueti Chuchi sehr

das glaubi nid. JEDE cha choche wenner au cha probiere. viellecht nid grad e Michelin Sterne chuchi aber sicher 2-3 gueti Gricht.

Ah, i ha's wieder falsch usdrückt, du hesch das richtigerwiis korrigiert.
I cha scho choche, gloub nidmau henne schlächt,
aber i hasses abgrundtöif und es git mr gar nüt und es geit mr weder eifach vor Hand no machts irgendwie Spass no möchti mi uf däm Gebiet witerentwickle. Choche = Hass. Ässe = Liebe.

ich find choche öppis wahnsinnig geils. nur sux0rts enorm nur für sich koche. überlegge was und wie, ihkaufe, koche, jeh nach dem warte bis es fertig isch und putze/abwäche brucht locker 2 stunde und nacher isches in 10 min verschlunge

natürich gits au schnäli sache wome jeh nachdem sogar scho s züg drzue het aber im schnitt isch dr ufwand eifach meistens viel grösser. jänu, i versuech einewäg 1-2 mol pro wuche was ahständigs zmache

ich liebe choche - mit esse mani abr nid nache.
ha scho öfters denkt es wär mega regelmässig anderi z'bechoche, aber ebe...dr job vom choch isch ganz es anders paar schueh. riese stress, grässlichi arbeitszyte, wenig lohn für 99% dervo. ha vor 2 jahr d'bio vom Gordon gläse, isch zimli herte tobak. was o wenig wüsse, die meiste profi-köch chönd uf normalem weg kei chind meh züüge, wills immer am heisse herd stöh. klappt nurno IV... und e rechti männerdomäne isches - nid dass mich das bsunders abschreckt.

zrügg zum thema, paar grät wo ich sicher nie würd poste:
- schoggi-brunne
- hot dog "maschine" mit spiess rofl
- mini pizza-ofe
- zuckerwatte maschine
- tellerwärmer
- chäshobel für tête de moine....irgendwie zwar fren, aber bruuchsches 1mal in 2 Jahr oderso



die rösli sind aber ebe scho super

evo hat geschrieben:überlegge was und wie, ihkaufe, koche, jeh nach dem warte bis es fertig isch und putze/abwäche brucht locker 2 stunde und nacher isches in 10 min verschlunge

natürich gits au schnäli sache wome jeh nachdem sogar scho s züg drzue het aber im schnitt isch dr ufwand eifach meistens viel grösser. jänu, i versuech einewäg 1-2 mol pro wuche was ahständigs zmache

ich choch fasch jede tag aber gang doch nöd für jedes einzeln geköch go poschte. ich gang überhaupt go planlos guerillaposchte und vergiss öppedie s'wichtigscht und bringe drfür züg hei wo ich drvo scho iigfroore han will zviel. türli isch s'ässe de chlinscht ufwand aber dasch ok und keis problem wenn s'choche an sich spass macht.

Sylvara hat geschrieben: - tellerwärmer

hesch au une im bachofe?
wenn nei, wieso nid?
öppis vom dümmschte wot chasch mache isch uf chalti teller arichte

@topic
mir wend endlich sone geili chuchiknetmaschine chaufe! was isch guet? kitchen aid? kenwood?

Sylvara hat geschrieben:chäshobel für tête de moine

es gitt so "handchäshobel" da gitts eifach kei Rösli, aber das tuets zum esse o.




Und falls meh no schwedischi Männer im Huus sött ha (das söll ja schins vorcho):

emP hat geschrieben:
Und falls meh no schwedischi Männer im Huus sött ha (das söll ja schins vorcho):

und mir hei scho sone handhobel - allerdings nid vo ikea.


@Type
Im Bachofe isch no eis - aber standalone, nei merci. komplett unnötig wenn ds esse richtig timed isch und am tisch gschöpft wird.
wenni öppis länger wärme mues, chanis immerno uf d'platte tue oder ufem rechaud warm halte, bevor's uf teller chunnt.

:2000-watt-typej:

hani nid, bruuchi nid - aber irgendwie super glaub

reminds me, i ha scho ewig kei crema catalana meh gha...