The(G)Forum

ritschi hat geschrieben:

hanf hat geschrieben:schlafphasewecker funktioniert nöd. wie zur höll sökll en wecker zueverlässig merke i welere schlafphase du bisch...?

viele dank für dini experte meinig!

ich studier psychoscheiss. schlafphase chasch du nur mit EEG messe, aber niemert will mit suugnäpf am chopf schlafe...

thaeye hat geschrieben:schlafphasewecker? oi chame scho jede marketingbrunz atrülle.

das isch doch au s'konsum-junky-forum. nüt neus. di meiste chaufet jede monet en neue pc oder flachbildschirm und verchaufet en am monetsändi wieder... en schlafphasewecker wär da doch mal ä willkommeni abwechslig...

hanf hat geschrieben: das isch doch au s'konsum-junky-forum. nüt neus. di meiste chaufet jede monet en neue pc oder flachbildschirm und verchaufet en am monetsändi wieder... en schlafphasewecker wär da doch mal ä willkommeni abwechslig...

iphone 1,2,3,4,5,6,7,8,................

de shady isch volll debiiii mitem schlafphase itunes app mit update uf facebook zu sine schlafgwohnheite. fröget ihn er weiss es.

ich mach timer ufem fernseh. nützt bi mir am beschte.

ich han sit afang jahr an liechtwecker und am afang demit sehr gueti erfahrige gmacht, ich bin abem liecht bereits ufgwacht und bin sofort fit gsi zum ufstah, isch würklich en phänomenale unterschied gsi. vorem liechtwecker han ich ca. 45 minute jede morge na gsnoozet nachem erschte lüte (und all 8 minute wieder lüte). mitem liechtwecker bini grad ufgstande.

iets nach 10 mönet bini dra gwöhnt und es het sich relativiert, es isch zwar immer na bedütend besser als vorher aber es het scho nüm de ganzi topfit effekt.

übrigens schlaf ich ca. 5 stund pro tag und han bereits 3 verschiedeni wecker i verschiedene egge vom schlafzimmer positioniert, die ghör ich am morgen aber alli schon lang nüme, meischtens, mis hirn filteret die grüsch vollkomme use.
han scho paar so "gag" wecker probiert aber keine het annähernd die würkig gha wies licht. druf cho bini will en kolleg au druf schwört sit langem.

Moff hat geschrieben:vorem liechtwecker han ich ca. 45 minute jede morge na gsnoozet nachem erschte lüte (und all 8 minute wieder lüte).

Das findi also völlig OK. Bi mir isches auscho vorcho dasi so 4-5 Stund gsnoozet han. 45min. sinds amene nid all zu miesä Tag
Ich frög mich teilwis öb das ächt mini Nochbärä ghöret, und wenn ja, öpsmi am liebschte würed uf de Mond schüssä.

Weni mues sicher verwachä, denn tueni näbäm Wecker im Natel au de bim Telefon stellä, dassi mues Ufstoh. Chund allerdings au vor, dassi denn sofort i min Bürostuel hock und nochli witer penn.

Früener hani es zitli lang so en richtigä alltertümlichä Wecker gha mit zwei Schällä und somene Schlagteil. Das isch absolut krass gsie, hann us gsundheitlichä Gründ denn wieder devo Abstand gno.

S beschtä isch sowieso wemer verwacht, willmer gnueg gschlofä hed...

Avenger hat geschrieben: Edit: Het mol eine die Sleep Cycle App fürs iphone probiert?

Ja.

Avenger hat geschrieben:Taugt das öppis?

Nei.

Aber vil Lüt schwöre druf dasses würkt - oder redesechs ii.

Liechtwecker tönt no interessant, muesi evtl. mal usprobiere.

Acid hat geschrieben:
S beschtä isch sowieso wemer verwacht, willmer gnueg gschlofä hed...

Das fändi mal e gueti Basis, für es neus Gsellschafts- und Wirtschaftssüschtem.

ich han sit fascht emene Jahr en Schlafphasewecker. Das isch kei Marketingbrunz. De Wecker funktioniert wirklich mega. Han no nie verschlafe dermit.

Er weckt dich früheschtens 30 Minute vorhär uf die sanfti Tour, was zu 95% funktioniert. Für de Fall dass in dere Zit nid ufwachsch tuet er di spätestens zu dem Zitpunkt wo ige hesch mit emene närvige Sound wecke.

technisch funktioniert das so:

Schlafphase wächslet sich automatisch ca. alli 30 min ab. Das heisst, 1x alli 30 min ischmer in ere Schlafphase wo es ufwache optimal wär. In sonere Phase ischmer körperlich unruhig. Sobald mer innerhalb vo dene 30 Minute vor däm zitpunkt womer spätestens möcht gweckt wäre en schnälli Bewegig mit der Hand macht, wird durch en Bewegigsmässer womer imene Frotteearmband treit während em schlafe, d'Ufwachmelodie usglöst.
s'coole isch, dass die in dere Phase nid mol lut oder lang muess sie. Es längt es bsunders Grüsch. Am beschte isch wemer immer sgliche wählt, dermit sich s'Unterbewusstsi iprägt dass mer denn ufwache möcht.

es söll sogar funktioniere mit 2 Lüt im gliche Bett wo sich beidi zu unterschidliche Zite mit unterschidliche Ufwachmelodie chöne wecke. Jede söll nur bi sinere eigene Melodie ufwache. das hani allerdings no nid sälber teschtet.

Vyse hat geschrieben:

Acid hat geschrieben:
S beschtä isch sowieso wemer verwacht, willmer gnueg gschlofä hed...

Das fändi mal e gueti Basis, für es neus Gsellschafts- und Wirtschaftssüschtem.

gloub die im zältlager ufem lindehof mache das so. het ja gnue anderi, wo schaffe!

Müesstet dänk all mitmache, dänn würs sich sicher irgendwie iipändle. (has aber jez nonig so genau überdänkt).
sry, back on Topic.

Jones hat geschrieben:

Vyse hat geschrieben: gloub die im zältlager ufem lindehof mache das so. het ja gnue anderi, wo schaffe!

Ich glaub nid das gueng schaffä und gnueg schlofä en Widerspruch sind... isch rein natürlich bedingt gar nid möglich.

btw, es paar schlafphasewecker händ en pulsmässer, wo der as händglänk tuesch.
ich chauf mer wohl en liechtwecker. hoffentli gwöhn ich mich nöd drah wie de Moff.

Moff hat geschrieben:ich han sit afang jahr an liechtwecker und am afang demit sehr gueti erfahrige gmacht, ich bin abem liecht bereits ufgwacht und bin sofort fit gsi zum ufstah, isch würklich en phänomenale unterschied gsi. vorem liechtwecker han ich ca. 45 minute jede morge na gsnoozet nachem erschte lüte (und all 8 minute wieder lüte). mitem liechtwecker bini grad ufgstande.

iets nach 10 mönet bini dra gwöhnt und es het sich relativiert, es isch zwar immer na bedütend besser als vorher aber es het scho nüm de ganzi topfit effekt.

ich würd mal versueche, d'farb z'variiere..wer weiss? z.b. mit dünnem baschtelpapier.
weisch wie geil?? i hellschtem grüene liecht ufwache und sich imene wald wähne. oder rot. oder violett. oder blau o_O oder verschiedefarbe o_O

wahrschinli würd s'baschtelpapier verbränne, aber ich probiers glaubs mal us.

LIECHTWECKER AHOI, WIE EN LIEBE LÜÜCHTTURM WO MICH US EM EWIG SCHIINENDE FIEBERSCHLAF USEHOLT

es git sicher liechtwecker wo das scho abaut händ, ich selbst han de billigscht kauft willis eifach mal ha welle usprobiere. iets woni weiss dasses klappt wird de nächscht sicher en bessere.

Der fliegende Wecker verfügt über einen Propeller, der bei Ertönen des Alarms in die Luft fliegt. Der Alarm lässt sich dann nur wieder ausschalten, wenn man den Propeller einsammelt und wieder auf die Uhr steckt. Aufstehen ist also garantiert!

oder de mousch wecker

Diesen Wecker musst Du 30mal stemmen, um den Alarm abzustellen. Falls Du wie soviele Probleme mit dem morgendlichen Aufstehen hast und zusätzlich schon immer mal wieder etwas mehr trainieren wolltest, ist dieser Wecker wie für Dich gemacht: Um das Klingeln auszuschalten, musst Du den Wecker in Form einer Hantel 30 mal hoch und runter stemmen.

super wär sicher o eine, wo eim wasser über de chopf schüttet!

ritschi hat geschrieben:min chef schwört uf sone schlafphaseuhr (wird aber o sicher z'türste kauft ha) und isch immer topfit.

mir bringts nüt, wöu i immer genau zu bestimmte ziite wot ufwache und nid so "ungfähr denn ufwache" lieber bis zur letschte minute.

zum optimale zitpunkt gweckt bisch saelbscht 30min vorhaer (mehr isches nie) fiter und besser gluunt als wenn ufe punkt usem tiefschlaf grisse wirsch.

The Sheep hat geschrieben:Am beschte isch wemer immer sgliche wählt, dermit sich s'Unterbewusstsi iprägt dass mer denn ufwache möcht.

da hemmr bereits ds gröschte problem ar ganze gschicht.

ritschi hat geschrieben:oder de mousch wecker

Diesen Wecker musst Du 30mal stemmen, um den Alarm abzustellen. Falls Du wie soviele Probleme mit dem morgendlichen Aufstehen hast und zusätzlich schon immer mal wieder etwas mehr trainieren wolltest, ist dieser Wecker wie für Dich gemacht: Um das Klingeln auszuschalten, musst Du den Wecker in Form einer Hantel 30 mal hoch und runter stemmen.

eher was für de NERV

dem au rächt guet.

ritschi hat geschrieben:

Der fliegende Wecker verfügt über einen Propeller, der bei Ertönen des Alarms in die Luft fliegt. Der Alarm lässt sich dann nur wieder ausschalten, wenn man den Propeller einsammelt und wieder auf die Uhr steckt. Aufstehen ist also garantiert!

sehr super!

Ich musste eben LOLEN! Nerviger geits glaubs nüm.

Öppe uuf dä gliiche Nervskala.

http://www.youtube.com/watch?v=Ar0HFbEOrQ0&t=1m4s" onclick="window.open(this.href);return false;