The(G)Forum

de pinnakel, de höchscht, gröschtes chino, das hett de jesus de maria magdalena gsunge:


Quelle

wie han ich de chöne vergässe:


Quelle

Captn Obvious: Cake - I Will Survive
<3 I sehr mediokri Band mitemne fantastische Cover, wo e Milliarde Mau besser isch als's Original und ig ou nachm 1000. Mau lose super finge.

Quelle

find ich nöd annähernd so guet wie s'original. da fehlt jede schmerz, jedi seel. die blodere das ja nume ab mit örben cool hipness. zomg ab 3'30" wirds ganz schlimm. nö-öh. fail. xgüsi. das hett d'gloria no anders gschmättert.

Jedem das seine. Dini Sichtwiis verstani, aber für mi: nö-öh. I finge die distanziert-cooli Lässigkeit mit triefendem Spott/Hohn äbe geil. Vgl. Silver Jews & so. Vilecht e Alters-/Erfahrigsfrag, vilech nid.

ich hätt letschters au gseit aber mal wele sii lah.

eini vo schöne Sache am alt werde (omg) isch d'Iisicht, wie beknackt und läbensqualitätverschlächternd distanziert-cooli Lässigkeit mit triefendem Spott/Hohn isch.


(wobii ich silver jews etc scho immer schlimm gfunde han)

Mini Läbesqualität isch so unfassbar höch, es bruucht das gloub dass ig chly am Bode blibe

Cool, verzellsch mier was sGheimnis isch? Miini isch unfassbar schlächt.

Vyse hat geschrieben:Cool, verzellsch mier was sGheimnis isch? Miini isch unfassbar schlächt.

holschder endlich dä iriver!

konsum hilft. wia alkohol au. schgeile!

Vyse hat geschrieben:Cool, verzellsch mier was sGheimnis isch? Miini isch unfassbar schlächt.

Dasch e komplizierti Frag und soviu wieni mr mängisch iibiude chani gar nid derfür. Rahmebedingige, Entwicklig, Resilienz und so. S'isch sicher mau e Aafang, dr Wandel als beruhigendi Konstante und nid dr konstant Wandel als beunruhigend ds gse. Also z'Strebe nachm "bessere Sein" als Weg wome immer ou scho chly isch aacho und nid als Ziel ds gse, wo me nie wird erreiche, obwohls so isch. FUCKING ABSTRAKT ISCHES, sorry. I höre uuf. Töne ja wiene Glückskeks.

Merci, isch gar nöd abstrakt, ergitt für mich ämli vill Sinn.

zwirrlibatz hat geschrieben:...mit triefendem Spott/Hohn...

Wänn's es das wenigschtens wär, aber die Milchkafi-Bands sind ja ebe grad nöd anöchernd zu dem fähig. Das isch weder Spott no Hohn und scho gar nöd triefend, sondern eifach billigi Pseudo-Ironie vo Lüüt, wo Ironie als Schutzschild statt wie sich's eigentlich ghört als Präzisionswaffe isetzed

Wahr. Muess mich präzisiere. Inszenierti distanziert-cooli Lässigkeit isch arschloch. Triefende Spott und clevere Hohn oder wasimmer ghör ich i besagtem Lied eh au nöd.

Okay. Nennet mr paar vor cleverem Spott und triefendem Hohn strotzdeni Bands, wo weder sperrig noch krachig si - merci.

Astroboy hat geschrieben:Okay. Nennet mr paar vor cleverem Spott und triefendem Hohn strotzdeni Bands, wo weder sperrig noch krachig si - merci.

De Song da wär z.B. es absoluts Lehrstuck:


Quelle
Das isch Ironie, wo de Name würklich verdient. De Klassekämpfer als widerliche, neurotische Perversling. Uf so öppis mues me z'erscht emal cho

Ok, dasch es guets Bispiu. Und öpper us mim Umfeld isch per Zuefall es Zytli im witere Umfeld vom Cocker gsi ds Paris vor paar Jahr. In "Ächt" sig er würklech enorm schüüch und unufällig, was i krassem Kontrast steit zu sire Live-Präsenz - ds Barcelona ischer e uhuere Entertainer gsi.
Aber Pulp kenni scho. Need moaaaaaaaaaaaaaaar!

verdammti sissies!

Dis durchschaubare Zelebriere und Ungerstriiche vore sehr eisitige, längwilige und vor allem: erbärmleche "Maskulinität" isch ziemlech gähn0rig. Da sött di mau öpper chly sensibilisiere!

Astroboy hat geschrieben:Da sött di mau öpper chly sensibilisiere!

ja was sött ma nit alles, gell. zelebriera, daschwohr. bim grossteil vu da wöschlümpa wo miar täglich im wäg ummaträumend bruuchts wieder aständigi rolle(vor)bilder und weniger facebooksissies.

Astroboy hat geschrieben:Okay. Nennet mr paar vor cleverem Spott und triefendem Hohn strotzdeni Bands, wo weder sperrig noch krachig si - merci.

Ich gseh da kän Zämehang. Krach und Sperrigkeit isch es oberflächlichs Stilmittel wo für d'Haltig vom Künschtler no gar nüt seit. Vo dem her weiss ich gar nöd wo afange mit Nänne. Sich mal quer dur die britisch Musig sit de 80er lose isch sicher mal guet, det ghört d'Hochnäsigkeit ja prinzipiell zum guete Ton. En Teil drvo isch denn au clever.

Dänn würde ein zwei Nase sicher no de Zappa nänne. Und alles wo de John Lydon d'Finger drin hett. Oh und Ween natürlich. Und The Fall, was vilech aber scho z'sperrig isch.

gandalf hat geschrieben:

Astroboy hat geschrieben:Da sött di mau öpper chly sensibilisiere!

ja was sött ma nit alles, gell. zelebriera, daschwohr. bim grossteil vu da wöschlümpa wo miar täglich im wäg ummaträumend bruuchts wieder aständigi rolle(vor)bilder und weniger facebooksissies.

Was wiederum heisst, dass dasjenige, wo du als «schwächer» oder «minderwertiger» betrachtisch, dis Verhalte bestimmt (also hierarchisch höher isch)?

YOU HAVE BEEN DECONSTRUCTED.

Han nüd chönne wiederstaa.

Zrugg zum Topic:
Sehr guet, bringed meee!