The(G)Forum

mr.raw hat geschrieben:...Zviel worde isch es, als sie no mis Gschäft "aagriffe" hett. Ab dörte hetts mi verklöpft und ich ha se zum Teufel gjagt.

lol, sicher au die gsi wo wege dine harmlose resseldingschlampene uf dier HP es trama gmacht het

wie het si den dis gschäfft aagriffe?

du kennsch die Story no? ...ja, isch genau die

Bin ich nid 10min nach Ladeschluss dehei gsi, hetts es drama gäh. Es würde mi Fraue cho bsueche, ich wür s Gschäft für wichtiger aaluege als d Family....ich ha dehei nid "dörfe" übers Gschäft rede...vo Buechhaltig mache wämmer gar nid erscht aafange. S hett stress gäh, wenn ich mit neue Ideene fürs Gschäft kho bi....
ach, isch jo glich...

die 8 Johr unterschied hett me halt denne scho extrem gmerkt kha.

evo hat geschrieben:ui das hani jo voll überseh. gratullier der steff!

Danke, danke!

äh ja, konkratulier den au no grad. isch super oder?

Lieber zfrühe als d'schpot zum teufel gjagt!
Wänn wirsch dän du papi?

Ja, isch mega super!! Freu mi extremschtens
Goht aber no es Zittli...endi Juni. Aber Wickelkommode stoht scho und sgmeinsame rückzieh zimmer isch au scho uffgstellt. Wieso scho so früeh? Damit mir unseri 3 Katze könne dra gwöhne. Stoht scho öppis längers im Zimmer umme, isch es nümmi interessant.

mr.raw hat geschrieben: du kennsch die Story no? ...ja, isch genau die

ui, läck du mir. guet häsch dä stress hinder dir.
und hey, min brüeder chriegt au es chindli im summer. .. ah, jetz hät er grad ahglühte.

Gratulation +1 am raw

congrats steff! es nintendo lova baby me

De wird en xxl Nintendo Fan ^^
danke danke...au dir Avenger.

hey mr. raw!! wünsch dir nurs beschte für de nachwuchs, gratulier! es isch s schönschte uf em planet es chind zha!!
und dänn chund grad game und darum zum thema: die frau chasch spüele. ich gib dere beziehig au nöd meh als 2 jahr...

de topic titel regt mi uf

mr.raw hat geschrieben:
De/SIE wird en xxl Nintendo Fan ^^

nimm mal a weisch nonig was es git gratuliere dir natürlech au; chind sind super

chend send soper

Gratuliere! Und er oder sie wird en mega drive fan!

@raw: herzlichi Gratulation. Das sind ja super Nochrichtä!

danke danke

nei, isch noni sicher. düttet zwar uff en Bueb, aber ebbe...isch no zfrüeh zums genau chönne zsage.
nöggschte GN bring i denn es Fässli mit zum aastosse.

Herzlichi Grautlation Raw, guäte Mah.

Aber bi dinerä Grössi wet ich keis Chind vo dir müsse uf d'Wält bringe, wird sicher en 2 Meter Baby und d'Vagina wird also ordentlich strapaziert.

du verwächslisch mi glaubs...ich nur 1m85...

Scho? Ich han gmeint du segsch huere gross, also s'dopplete vom nussli

lol, er isch mal doppelt so breit gxi und hät denn mega abgnoh. jetzt isch er fit wiä en turnschueh.

wrestler sött er wärde!

Wer sich sowas säge laht isch
a) nöd inere gsunde beziehig
b) kein ma

c) beides zäme und het na meh irgendwelche dumme seich am laufe

Strange. Gids ächt Type, wo sich so lönnd la dri rede? Die Alt hed doch sicher au s eint oder andere Hobby wo ihm ufe Sack gaht. Stellt sie das au ab?

S Problem isch, dass game huere negativ behaftet isch. Vorallem bi Fraue: Assozials Hobby, mer verblöded, es macht süchtig, erhöht Gwaltbereitschaft etc... Hettsch en Wärchstatt und würsch stundelang chli schriniere odr am Auto umeschrüble hetti si au es Problem. Aber nid sones grosses wie bim Game. Trotzdem sött mer chönne drüber rede.

Ich finds eh komisch. die meiste Lüt i mim Kollegechreis sind -sorry- pussies. Sie sind immer in Usgang und hend nächelang duregfriered. Und denn, sobald sie verhürated gsi sind hed mer si praktisch nümem gseh. Isch denn no es Chind cho, isches au gad fertig gsi. Geburtstagsparty vom beste Kolle und Sie gönnd aber am 10ni hei... what the fuck?

Was bringts, wenn mer de Partner so extrem ischränk? Und denn sogar no s Hobby wott abstelle? Kontrollfreaks sind so Wiber und mit sich sälber extremscht unzfriede. Das mitem ischränke lauft im beste Fall paar Jahr guet, bis denn de/die unterderdrückti Person explodiert...
Sorry, dass er so öppis überhaupt akzepiert isch ja trürigscht! Wenn das so witer lauft müesst mer fast no en Gruppierig understütze wo sich für "Die Emanzipation des Mannes" isetzt!

Ich glaub ihm wär au ohni Verbot klar gsi, das er sich um sini Family z kümere hed und nid muess Ballergames vorem Chlichind zocke...

Wie stönnd d Wettquote?

weniger als zwei jahr 5
länger als zwei jahr 1
5:1
?

Ich wette uf weniger als zwei Jahr und setzte Füf Frengg

isch no guet tuet mer eifach mal chlis is blaue useplagöre.
Wieso hät sie's ihm verbote? viellicht will er, anstatt mit ihre sache gmacht hät, lieber chli vor em tv ghängt isch und gfuchtlet hät? Meinsch das findet sie als frau geil, wenn ihre jetzt denn en goof is huus staht, dass ihre alt die ganz ziit zockt? viellicht gaht er immer nach ihre is bett, sie chan denn alleige im nescht ligge und alleige iipenne.
wenn es neus game chunnt, wott er denn halt sini prio uf das game schiebe, wenn viel games usechömmed isch das no dumm.
über das mit em autoumemeche hämmer ja scho mal im alte forum gredet. de vergliich hinkt ebe chli, will mer "auto meche" nöd eifach schnell chan irgend wo ineschiebe, vor oder nach em znacht, am 22:30 bis 1:00, am samschtig morge no gschnell vor em poschte, viellicht no schnell nach em poschte, am sunntig isch denn eh amigs nüt loos etc.
isch chli eifach, sini frau als trottelchue anezstelle, ohni dass mer beidi siite ghört hät.