R: BDs, Kameras, Comics, Fotibänd, Filmplakat, Zahläblock

[Acid]

Naja... ca 4 Stutz pro Rollä isch nid nüt. So viel jetzt aber au wieder nid. Ich mach fascht nur uf Film. Und im Verglich zumene 4x5 Sofortbild wo 1 Foti fascht 10.- Stutz choschtet isch Chlibild eigentlich no rächt Günschtig.

Und wemer no chli nach guete Priisä luegt, unds eim au glich isch mol chli uf abglofnä Film fotografiere chundmer teilwiis sogar sehr viel günschtiger weg. Und de isch oft genau so guet wiä de Neu.

[Genfer]

Chunt drufa was für film. Ich han meischtens...äh was han ich amigs gha...ilford 400, 800 ISO oder Kodak T-Max
7.50 bis 9.50 für en 36er
Entwicklet han ich sälber wän ich zyt gha han und dän s'fotipapier Weiss nüm wälles aber au vo Ilford isch alles zäme velicht
so zwüschet 0.30 rp bis 0.50 rp zum eimal abdrucke...summiert sich dän scho wämer ächli öpis macht. Däfür isch klar
dass es viel meh schpass macht. Au im Labor bin ich immer gern gsi. Han hüt au kei platz meh für es labor.
Chönt aber ide region go, aber das muesch reserviere und alles mitneh...isch eifach ufwändiger und nöm schpontan.

[Acid]

So, hüt obig laufed d Auktionä denn wieder us.


@Genfer: Ja, de chundmer aber also au scho ehnder für 7 über wiä für 9... ich han hald no gern diä billigere. Foma z.B., nid nur wills billiger sind. Oder wemer China Film will, chamers au no billiger ha. Oder ebä, abglofni War chaufä vo öperem wos nüm will. Chund aber au immer chli druf a wiä Sicher dassmer si mues, dass s Bild würklich so wird wiemers dänkt... wemmer mues denn isch China und au Abglofni War echli es Risiko. Mir persöndlich isch das aber relativ Glich eigentlich.

Analog Printä tuen ich au nid im Moment, au kei Platz. Tuen Scannä. Allerdings isch digital au nur im Bezug uf d Film billiger... wemer vo Prints reded, so isch en guete Printer au nid grad billig, geschweige denn vo de Tintä, und au de Pris für s Papier chan eim fascht echli nervös machä...

[Genfer]

Ich schtell mir scho vor dass en guete printer tür isch, wobi ich no nie glueget han. Ich würd eh nur s&w usdrucke.
Papier han ich au no nie glueget.
Ich han mich au scho lang nüm mit fötelis usenander gsetzt. Aber letschter zyt han ich wider richtig luscht übercho und
han mir vorgnoh wider meh zyt und gäld it d'fotis z'inveschtiere (han mir scho es neuis objektiv kauft, Sigma 10-20mm he,he,eh).

Ich han no viel sache won ich mol set iscanne (film und fotis) han mich aber nonig drum kümmeret. Irgendeinisch mach ich's dän.
Han jetzt gseh dass es bi euis en foticlub git. Chan sie dass ich döt mitmach und dän au eis zwoi kürsli mach (nötig wärs scho).
Die händ au gueti usrüschtig (analog und digital, labor und drucker) won ich chönt benütze.