Ja, über der Punkt han ich dr Jaffe jetzt nonig ghört rede und ich glaub, du hesch da zimi Rächt (hett nüd dr Gurgelhals mal was ähnliches über Genrebegriff gseid? Das z.B. "RPG" immer denn benutzt wird, um Tüüfs Gameplay ds suggeriere) . Ich han bim Jaffe eher dr Iidruck, dass er drüber nachedenke will, was für narrativi Möglichkeite Viideospiel chönd büüte, wenn si sich nüd dermasse starch an Film oder Büecher orientiered. Er het das mal zimli pointiert im ne Interview uf gametrailers gschildered, aber ich find grad das Video nüm...zwirrlibatz hat geschrieben: s'Problem isch, dass me immer grad vo GUETE Gschichte redt. Es gaht doch zersch mal darum, öb Videospiel es geeignets Medium isch zum überhaupt e Gschicht verzelle. Und das isch es natürli genauso wie jedes andere Medium au, Film, Buech, Musik, Oper, Malerei, Poesie.... und chan derzue no d'Interaktion büüte.
Aber leider wird i dene Diskussione grundsätzlich mit emne Qualitätsastieg vo Videospieli- zu Filmgschichte als Grundsatz hantiert, ohni das überhaupt emal nahzdänke. Sit Jahre ghörsch immer wieder diesunddas Spieli hett e "filmriifi" Story und das isch Zuekunft vo interaktivem blablalaber. Wtf söll das bedüüte? Wenn es Spieli e bsunders gueti Gschicht hett, wär sie also filmtauglich? Als öb das es Qualitätslabel wär und au em himmeltrüürigscht Film e gueti Gschicht per default gäh wär. Und als öb en Film (oder Buech oder etc....) e gueti Gschicht bruucht zum "guet sii". Det wird ständig en komplett scheppse Dänkschtrang nahplapperet. Wiiters isch z'beobachte, dass grad die unter dem Punkt meischt globte Spieli die dümmschtplumpschte und prätentiösischte Gschichte verzelled (ebe die vo Dir gnännte defizitäre mit em "deep shit"), wahrschiinli will die sich überschätzende Spielimacher da ebe nöd wiiters nahdänked und gueti Gschichteverzeller sich wohl eh i andere Medie versueched. Aber natürli gitts Spieli mit guete Gschichte, will d'Form fum Medium das nöd behinderet.
En Huuch vo dem, was er meint, chunnt mr im Schluss vo God of War 3 mit übr.
Det, wome so lang chan sim Verlange nach Rache am Zeus nachegaa, bis mer d Nase voll het. Ich han zwar gfunde, die Szene funktioniert nüd so guet, wil me eher so lang dr Zeus prügled, bis mr checkt, dass mr ufhöre chan, als das mr ufhört, wil mr denkt: "So, jetzt hanis dem Sack zeigt".
