The(G)Forum

du hexxer, du weisch doch, ob dich es game interessiert oder nöd.
de chasch au de ganz text läse.
soviel schriebe mir ja nöd.

Master(G) hat geschrieben:du hexxer, du weisch doch, ob dich es game interessiert oder nöd.
de chasch au de ganz text läse.
soviel schriebe mir ja nöd.

Es gaht nöd ums Game sondern drum, dass ich wott wüsse, was i dem text jetzt denn chunnt. wenn im header chabbis staht, denn chan ich devo uusgah, dass de rescht au chabbis und darum uninteressant isch.

h4xX0r hat geschrieben:

Master(G) hat geschrieben:du hexxer, du weisch doch, ob dich es game interessiert oder nöd.
de chasch au de ganz text läse.
soviel schriebe mir ja nöd.

Es gaht nöd ums Game sondern drum, dass ich wott wüsse, was i dem text jetzt denn chunnt. wenn im header chabbis staht, denn chan ich devo uusgah, dass de rescht au chabbis und darum uninteressant isch.

ja mass effect isch huere gäch...

Eine Warnung vorneweg: Für den Autor dieser Zeilen war der Masseeffekt bisher ein Begriff aus langweiligen Physikstunden. Dieser Artikel richtet sich vor allem an diejenigen, die noch dasselbe glauben. Aber zumindest der Autor wurde eines Besseren belehrt.

ebe...

h4xX0r hat geschrieben:

Eine Warnung vorneweg: Für den Autor dieser Zeilen war der Masseeffekt bisher ein Begriff aus langweiligen Physikstunden.

ebe...

na guet das es de begriff "Masseeffekt" ir physik gar nid gitt.

Hallo. Die Kritik richtet sech jetz nid usschliesslech a d Artikle dahie sondern Bezieht sech ganz allgemein ufe dütschsprochig Videospiel"journalismus" - i däm Sinn missbrucheni das Topic mal. 98% vom Spiel"journalismus" im dütschsprochige Ruum isch zimlech langwilig und unnötig. Das erkennt me zum Bispil do dranne, dass i vilne Reviews zum gliche Spiel wo uf verschidene Site erschiine genau s gliiche - halt bitz anders formuliert - stoht. Meischtens en Art Featurelischte à la "Steuerung klappt gut", "die und die und die Waffe gits", "vor allem optisch super in Szene gesetzt".

Werum wottme en Tegscht läse wo genau s gliiche drinne stoht wo uf tuusig angerne Site (inkl. Wikipedia meischtens) ou cha nochegläse wärde? Das isch übrigens es Problem woni mini eigete Reviews vo früener mehrheitlech nid devo usnime. Das wo in DE, AT, CH allgemein als Spiel"journalismus" verchauft wird isch oft langwilig und der Gipfel devo si ja nöd ganz zuefällig so völlig nichtssagendi Formlene wie "Genrefans greifen zu".

Ich würd mir drum ganz allgemein wider bitz meh Originalität bi Artikle wünsche. Dass sich d Autore bitz meh Gedanke derzue würde mache wie Spieli an sich funktioniere und ihri teschtete Games diräkt vergliichbare Wärch i angerne Medie gägeüberstelle. Dass sech mol öpper trout ganz subjektiv nur vo sire eigete Erfahrig und sim eigete Spielerläbnis z brichte, ohni der falsch Idruck vo Objektivität wölle z vermittle. Und dass me evtl. bitz devo loschunnt möglechscht lischtehaft alles wo im Spiel vorchunnt wölle in ein Artikel z packe sondern sich en thematische Schwärpunkt setzt bim schribe. Denn si au die stilistische und grammatikalische Fähler nämlech unger Umständ nur no sekundär. Oder zmingscht nid ou no in langwilige Inhalt verpackt.

das sött mer sich zu herze näh. de sephlor hett scho rächt!

sich eifach de NGamer als vorbild näh und guet isch.

Natürlech, da häbi ja eigch ou scho lang dr Finger druffe und has ne ou ar letschte Sitzig gseit. Wichtige Text (@sephi), eigch sött me dä grad Sticky mache im Red.Forum.

Es Problem si haut, und das söu ke Usred sondern e Erklärig si, d'Umständ. Weme näbebi zu sim eigete Job und zuesätzlech zu de restleche Hobby hurti gschwing no es Review muess härebrünzle, de ischs haut dr wäsentlech eifacher und e bitz wit ou naheliegender Wäg, sech die gängige Formulierige us de Finger z’suge und chly Features abezleiere. Derzue chunnt, dass me nachemne Zytli chly ine Trott chunnt (i gseh das bi mir ou bi, schribe ja angerwitig no Texte): Konkret wotti dermit säge, dass ds Wüsse und dr Effort, wo i derart originielli und „wärtvolli“ Artikle/Reviews gsteckt muess wärde, gloub nid uf sunderlech fruchtbare/dankbare Bode würd falle. Ganz ehrlech: I zerbriche mr ou nid dr Chopf über ne Text mit ere derart „gringe“ Relevanz, so ehrlech muess me si. Es isch so chly es „Treten an selber Stelle“, es sech bequem mache ir, beschtefalls, Durchschnittlechkeit, wöu’s für meh Resultat exponentiell meh Ufwand bruucht.

I wünschti mr ou, dass meh Muet zum säuber Dänke gfunde wird. Leider wird gärn mau i Hype-Kanon iigstumme und das mit de Wärtige isch ja nomau ganz es eigets Thema. Aber äbe, es (G)net isch imho chly die falschi Plattform, um e Wandel voraaztribe.

Super fändi Reviews uf schwiizerdütsch wo genau so sind, wie wenn mir öpper bimene bier würd verzelle, warum jetzt es spiel huere geil oder gschisse isch. und zwar die persönlich meinig vo dem tester (siehe Sephi). Eifach mal chli was anders, als de ganz Einheitsbrei.

h4xX0r hat geschrieben:Super fändi Reviews uf schwiizerdütsch wo genau so sind, wie wenn mir öpper bimene bier würd verzelle, warum jetzt es spiel huere geil oder gschisse isch. und zwar die persönlich meinig vo dem tester (siehe Sephi). Eifach mal chli was anders, als de ganz Einheitsbrei.

http://www.vjp.ch/wordpress/" onclick="window.open(this.href);return false;

t reviews vom vjp und vo mir sin öppe so

das han ich au scho mal vorgschlage gha, allerdings sind settig review nur sehr, sehr wenige leser vorenthalte.
mir händ eus de degäge entschiede. isch äbe nöd sone gueti idee, wenn es paar hits willsch. usserdem sehr müehsam zu läse.
aber witzig isches definitiv!

was waender qualititiv gueti hits oder eifach halt sovill wie möglich. au nah en frag wo meh sich sött stelle, so isch gnet eifach öpis. mängisch isch nische füres chlises portal vill besser.

ich mach kolumne, "Real Talk mit Pony". denn säg ich eu obs spil würkli guet isch oder nöd.


spoiler: es isch scheisse.

gueti editore choste - das bruucht nämlich zyt und wär i somne fall recht unverhältnismässig. idealerwiis bruucht mer garkeini, weder editor no lektore, aber reviewers sind nunmal nid automatisch grossi schriftsteller. me cha scho umemötzle, aber grad bi lüüt wo sowas nebebii und ehreamtlich mache (git kei lonh, oder?), chasch nid gross aasprüch stelle. ds GNet het ja offebar kei grossi aspiratione sich hier ds erwiitere und süsch müesst me vo grund uuf einiges ändere und geld inehebe. für das wases jetz isch, ischs ok.

mer chönt ja mol s forum komplett resette zum paar neui user azlocke

pfrag isch halt d'motivation. hett me schiiss, als "ui ui lueg en nerd" wahrgnoh zwerde und sich drum i höhöhöwitzigi reviews für de eiget lulz flüchte will, drmit me sich gägüber de möngikollege nöd muess schäme oder öb me lieber entspannt und easy kompetänti reviews schriebt, wo de läser was bringed au wenn's denn für de eint oder ander trollchopf mal bitzeli "langwiilig" sind.

evo hat geschrieben:mer chönt ja mol s forum komplett resette zum paar neui user azlocke

e fantastischi idee.

zwirrlibatz hat geschrieben:pfrag isch halt d'motivation. hett me schiiss, als "ui ui lueg en nerd" wahrgnoh zwerde und sich drum i höhöhöwitzigi reviews für de eiget lulz flüchte will, drmit me sich gägüber de möngikollege nöd muess schäme oder öb me lieber entspannt und easy kompetänti reviews schriebt, wo de läser was bringed au wenn's denn für de eint oder ander trollchopf mal bitzeli "langwiilig" sind.

bescht bitrag vo dir sit langem...

das heisst öppis.

ja lieber das schriebe wo 100 anderi sites au und besser schriibed. womöglich no ABschriibe. denn muess mer gar nümme speziell sii. mer chönnt ja au linke.

h4xX0r hat geschrieben:ja lieber das schriebe wo 100 anderi sites au und besser schriibed. womöglich no ABschriibe. denn muess mer gar nümme speziell sii. mer chönnt ja au linke.

a) gitts da en zämehang zu mim poscht?

b) schrieb du. mach. hopp hopp. zeig wie!

zwirrlibatz hat geschrieben:pfrag isch halt d'motivation. hett me schiiss, als "ui ui lueg en nerd" wahrgnoh zwerde und sich drum i höhöhöwitzigi reviews für de eiget lulz flüchte will, drmit me sich gägüber de möngikollege nöd muess schäme oder öb me lieber entspannt und easy kompetänti reviews schriebt, wo de läser was bringed au wenn's denn für de eint oder ander trollchopf mal bitzeli "langwiilig" sind.

du schlüssisch uus das höhöwitzig au chan kompetent sii. ich han lieber höhöwitzig, wo persönlich und kompetent isch, anstatt en langwiilige text, wo scho 10x gschriebe worde isch und sich öpper wo "uhuere guet druus chunnt" will es denkmal setze.

h4xX0r hat geschrieben:du schlüssisch uus das höhöwitzig au chan kompetent sii.

nei. muesch amigs jedes wort läse.

und btw => http://www.thegforum.ch/viewtopic.php?p=135724#p135724" onclick="window.open(this.href);return false;

schrieb doch paar reviews so wie du sie dir vorstellsch statt se vo anderne zverlange.