Seite 2 von 4

Re: Wohnigssuechi: Privathaftpflicht- oder Hausratsversicher

Verfasst: 21 Jun 2012 13:00
von Marco_in_motion
Das wo ich gschribe han isch eifach de Everyday-shizzle wo ich in Kontakt chumme, Kaution weg oder en 100er weg isch ebe scho en Unterschied.
Gitt ganz vill wo dänn rückwirkend gern öppis abschlüsse wänd :kicher: eine isch ahfangs das Jahr mal ganz suuber drundercho, hät graucht hät i dä Wohnig und i jedem Zimmer dä Parkett kabutt gmacht hät, willer kei Filzli under d'Möbel tah hät. Badwanne völlig verchräblet, Spiegelschrank kabutt, Keramik Herd komplett verchratzt usw. en riese Freestyler. dä zahlt no paar Jahr d'Sanierig ab und en andere wohnt jetzt z'fride drin :vortex:

Wändt dänn effektiv es Omi kabutt fahrsch, bruuchsch eh Kei Privathaftpflicht, das zahlt d'Haft vo dä Motorfahrzügversicherig wo obligatorisch isch. drum leistet diä au gsetzlich festgleit 100mio.wäg Personeschäde.

Jedem sini Sach wiäner sich wott versichere. Ich lahmer's ämal underschriibe dasi en Chund druff ufmerksam gmacht han und das er s'Risiko uf sich sälber nimmt.
Gitt dänn no di ganz geile Sieche wo dänn säged mer heg Sie nöd gwanrt Sie welled jetzt was abschlüsse :roll:

Re: Wohnigssuechi: Privathaftpflicht- oder Hausratsversicher

Verfasst: 21 Jun 2012 13:06
von evo
für nit motorisierti fahrzüüg zahlt t motorfahrzüügversicherig aber kuum oder?

i luege dassi in verlotterte altbaute wohne, t kratzerli im parkett sin nit so wahnsinnig wichtig.

Re: Wohnigssuechi: Privathaftpflicht- oder Hausratsversicher

Verfasst: 21 Jun 2012 13:07
von Avenger
All die Versicherige. Läck du mir. :nut:

Re: Wohnigssuechi: Privathaftpflicht- oder Hausratsversicher

Verfasst: 21 Jun 2012 13:10
von Schummelschumi
Marco_in_motion hat geschrieben:Wändt dänn effektiv es Omi kabutt fahrsch, bruuchsch eh Kei Privathaftpflicht, das zahlt d'Haft vo dä Motorfahrzügversicherig wo obligatorisch isch. drum leistet diä au gsetzlich festgleit 100mio.wäg Personeschäde.
drum hani ja gschribe mitm velo. jetzt wo d'vignette abgschafft isch muäsch sälber luäge das e privathaftpflicht häsch für so fäll.

Re: Wohnigssuechi: Privathaftpflicht- oder Hausratsversicher

Verfasst: 21 Jun 2012 13:15
von Marco_in_motion
ja das stimmt voll und ganz, für ohni Motor mousch sälber luege.

Re: Wohnigssuechi: Privathaftpflicht- oder Hausratsversicher

Verfasst: 21 Jun 2012 14:11
von geosnow
wege 100chf ind hose schiise. lack du mir, ich bin ja au nöd defür, de versicherige geld in arsch zschiebe, aber diä isch echt no wichtig. kombi mit huusrat isch weg diebstahl uswerts no guet.

mir hät huusrat scho 2 snowboards zahlt ide letschte 15 jahr 1800chf (2x200chf selbstbehalt) und en komplett neue spüelstei innere wohnig für 2500chf (500chf selbstbehalt) und 4500chf (1000chf selbstbehalt) fremdfahrzüg schade. 150chf hani zahlt pro jahr 15x. 2250-2500-1800-4500=6550 positivi bilanz. ich han mich somit ja nöd beriicheret, aber als schusel nöd krass bestraft worde. ;) jetzt hani mis velo versichert und fremdfahrzüglenker versicherig isch au wichtig. bimene fall muesch aber agäh, dass nur 0,2 / monat fahrsch und nieä regelmässig. dh. du fahrsch dini eltere nach de wiehnachte mit ihrem auto heim, und gahsch mal für es wuchenend id ikea go poschte. sus zahleds nöd.

guet, für KK hani bis jetzt nur izahlt ide leschte 17 jahr. öppe 35k.

SUVA hät aber scho 5 Täg Spital zahlt und es paar einzelni Täg. aber das isch öppe nur 15k gxi im ganze.

Re: Wohnigssuechi: Privathaftpflicht- oder Hausratsversicher

Verfasst: 21 Jun 2012 14:25
von evo
geosnow hat geschrieben:wege 100chf ind hose schiise. lack du mir, ich bin ja au nöd defür, de versicherige geld in arsch zschiebe, aber diä isch echt no wichtig. kombi mit huusrat isch weg diebstahl uswerts no guet.

mir hät huusrat scho 2 snowboards zahlt ide letschte 15 jahr 1800chf (2x200chf selbstbehalt) und en komplett neue spüelstei innere wohnig für 2500chf (500chf selbstbehalt) und 4500chf (1000chf selbstbehalt) fremdfahrzüg schade. 150chf hani zahlt pro jahr 15x. 2250-2500-1800-4500=6550 positivi bilanz. ich han mich somit ja nöd beriicheret, aber als schusel nöd krass bestraft worde. ;) jetzt hani mis velo versichert und fremdfahrzüglenker versicherig isch au wichtig. bimene fall muesch aber agäh, dass nur 0,2 / monat fahrsch und nieä regelmässig. dh. du fahrsch dini eltere nach de wiehnachte mit ihrem auto heim, und gahsch mal für es wuchenend id ikea go poschte. sus zahleds nöd.

guet, für KK hani bis jetzt nur izahlt ide leschte 17 jahr. öppe 35k.

SUVA hät aber scho 5 Täg Spital zahlt und es paar einzelni Täg. aber das isch öppe nur 15k gxi im ganze.
mir sin die 100.- total wurst im pfall. i mach das nit wili irgendwie spaare wot. ganz im gegeteil. mir isches vollkomme wurst wenni denn mehr zahle muess. nit jede rächnet si läbe so genau ab. s muess sich nit alles immer rentiere. eifach mol chli in tag läbe und sich kei gedanke über so bürokratie gugus mache funktioniert im pfall au.

Re: Wohnigssuechi: Privathaftpflicht- oder Hausratsversicher

Verfasst: 21 Jun 2012 14:28
von Skeletor
haftpflicht isch halt würklich eini vo dänä versicherige wo würklich wichtig sind. für dich und für dä, wo du mal schädige chönntsch.

mä rächnet niä mit em schlimmschte, aber irgendwas dumms chan immer passiere. und wenn kei haftpflicht häsch, chönntsch dir dis ganze läbä versaut ha. es läbä lang nachher müesse was abzahle, isch jetzt nöd sooo geil.

Re: Wohnigssuechi: Privathaftpflicht- oder Hausratsversicher

Verfasst: 21 Jun 2012 14:32
von geosnow
evo hat geschrieben:
geosnow hat geschrieben:rechne
mir sin die 100.- total wurst im pfall. i mach das nit wili irgendwie spaare wot. ganz im gegeteil. mir isches vollkomme wurst wenni denn mehr zahle muess. nit jede rächnet si läbe so genau ab. s muess sich nit alles immer rentiere. eifach mol chli in tag läbe und sich kei gedanke über so bürokratie gugus mache funktioniert im pfall au.
mir gahts nöd ums rentiere. :!: ich han eifach weniger schade gno. schlussendlich stahn ich ja nöd besser da als vorher. eifach nöd schlechter, will ich unabsichtlich schade gno han.

Re: Wohnigssuechi: Privathaftpflicht- oder Hausratsversicher

Verfasst: 21 Jun 2012 14:40
von Marco_in_motion
Es gaht ja nöd drum sis Läbe genau abzrächne, sondern lediglich darum en finanzielle Gnickbruch abwende z'chönne.
Wänns würklich tumm chunnt und Du nix däfür chasch und dänn trotzdem en riesige Schuldeberg abzahle mousch, truckt das dänn glaub ebe d'Stimmig "bim echli in Tag ineläbe".

Re: Wohnigssuechi: Privathaftpflicht- oder Hausratsversicher

Verfasst: 21 Jun 2012 14:43
von Astroboy
Zerplatz nid sini Bild

Re: Wohnigssuechi: Privathaftpflicht- oder Hausratsversicher

Verfasst: 21 Jun 2012 14:48
von evo
i dank euch wirklich härzlich für euri rotschleg und das alles isch ja au rationell nachvollziehbar. aber ebbe, s wird au ohni funktioniere.

Re: Wohnigssuechi: Privathaftpflicht- oder Hausratsversicher

Verfasst: 21 Jun 2012 14:50
von Marco_in_motion
:roll:

Re: Wohnigssuechi: Privathaftpflicht- oder Hausratsversicher

Verfasst: 21 Jun 2012 14:52
von evo
:-D

Re: Wohnigssuechi: Privathaftpflicht- oder Hausratsversicher

Verfasst: 21 Jun 2012 14:56
von Herr Rossi
evo hat geschrieben:.... sich kei gedanke über so bürokratie gugus mache.....
5 Minute/Jahr Ufwand, isch ganz herte Bürokratiegugus :kicher:
Ich läbe au gärn i Tag ine, bi nid eine vos ganze Läbe verplant, aber es würd mich trurig aschisse wenn ich mol us luuter Vergässlichkeit, Tagtröimerei oder was au immer vil Gäld müsst abtrücke weni mit extrem chlinem Ufwand dem cha vorbüüge.
Privathaftpflicht isch es Muss für mich, d Husratversicherig isch ufem absolute Minimum. Beides zäme choschtet mich ~17.-/Monet.

Re: Wohnigssuechi: Privathaftpflicht- oder Hausratsversicher

Verfasst: 21 Jun 2012 14:59
von evo
haaaallllllloooooooo ich fahre kajak und habe keine haftpflicht versicherung :scared:


filich hani jo sogar eini wils mini eltere für mi mache und ich eifach nix drüber weiss. wer en fall für dr SCHOCKER DER WOCHE

Re: Wohnigssuechi: Privathaftpflicht- oder Hausratsversicher

Verfasst: 21 Jun 2012 15:08
von evo
Herr Rossi hat geschrieben:
evo hat geschrieben:.... sich kei gedanke über so bürokratie gugus mache.....
5 Minute/Jahr Ufwand, isch ganz herte Bürokratiegugus :kicher:
Ich läbe au gärn i Tag ine, bi nid eine vos ganze Läbe verplant, aber es würd mich trurig aschisse wenn ich mol us luuter Vergässlichkeit, Tagtröimerei oder was au immer vil Gäld müsst abtrücke weni mit extrem chlinem Ufwand dem cha vorbüüge.
Privathaftpflicht isch es Muss für mich, d Husratversicherig isch ufem absolute Minimum. Beides zäme choschtet mich ~17.-/Monet.
sowiit ich mi erinnere ka hesch du famillie und kind, oder? denn würdi sowas bestimmt au mache.

Re: Wohnigssuechi: Privathaftpflicht- oder Hausratsversicher

Verfasst: 21 Jun 2012 16:45
von Marco_in_motion
Wieso? Es funktioniert doch au ohni :vortex:

Re: Wohnigssuechi: Privathaftpflicht- oder Hausratsversicher

Verfasst: 21 Jun 2012 17:37
von evo
aber denn hesch verantwortig für anderi :shock:
aber jha, s würd au denn ohni funktioniere. schwör auf sucuk

Re: Wohnigssuechi: Privathaftpflicht- oder Hausratsversicher

Verfasst: 22 Jun 2012 06:35
von blackraini
:boss: :bitchpls:

Re: Wohnigssuechi: Privathaftpflicht- oder Hausratsversicher

Verfasst: 22 Jun 2012 09:38
von Avenger
Es wird Zit für es Versicherig 101 - Topic. Was bruchts, was isch durch wen i welere Kombination abdeckt, bruchts Reiseannulationskosteversicherig mit rega etc. etc.

Re: Wohnigssuechi: Privathaftpflicht- oder Hausratsversicher

Verfasst: 22 Jun 2012 09:45
von geosnow
paraplegiker stiftig, rega, privathaftpflicht wenn velo fahrsch, im Gschäft unfall KVG plus. dh für extremsportarte, und das isch au wandere ide berge. huusrat für eusi gamesammlig und diebstahl.

Re: Wohnigssuechi: Privathaftpflicht- oder Hausratsversicher

Verfasst: 22 Jun 2012 10:03
von Herr Rossi
evo hat geschrieben:sowiit ich mi erinnere ka hesch du famillie und kind, oder? denn würdi sowas bestimmt au mache.
chind, ja, wohned aber nid bi mir.
die beide versicherige hätt ich aber au oni chind.

bim ne kolleg hets mol brönnt im chäller (mehrfamiliehuus, ursach nie klärt), sini sache won er im chäller gha hed sind alli total verruesset und unbruchbar gsi nochär. winterpnö, winterchleider, schluuchboot etc....
er hed alles sälber müsse zahle. er hed gfunde, dass müssi d gebäudeversicherig übernäh. sini persönliche sache sind aber äbe nid abdeckt, nur schäde am gebäude.

es würd mich so aschisse, nid mol sälber schuld und alles bläche :yuno:
geosnow hat geschrieben:.... für extremsportarte, und das isch au wandere ide berge...
Is that so? :?

Re: Wohnigssuechi: Privathaftpflicht- oder Hausratsversicher

Verfasst: 22 Jun 2012 10:40
von Marco_in_motion
Avenger hat geschrieben:Es wird Zit für es Versicherig 101 - Topic. Was bruchts, was isch durch wen i welere Kombination abdeckt, bruchts Reiseannulationskosteversicherig mit rega etc. etc.
Schaffe siit 8J. druff, fräg eifach, de Nerv doch au?

Und Wandere isch kei Extremsportart, das wäred Sache wiä Bungeejumping, Downhillbiking, Cliffdiving, Fallschirmspringe, so Zeug halt. Tauche auno (nöd schnorchle i de Ferie) Was Du meinsch isch villicht so Bergtourezeugs oder Gege? Wänns so Reinhold Messner mässig abgaht mit Chlättere und so dänn wirds eifach als erhöhts Risiko ahglueget, gitt aber im Max. en prozentuale Zueschlag im UVG, wännüberhaupt. Däzue chunnt no das jedi Versicherigsgsellschaft das echli anderst ahlueget ufgrund vo Ihrne Schadestatistike. Es wird underteilt in erwünschtes und unerwünschtes Risiko.

Re: Wohnigssuechi: Privathaftpflicht- oder Hausratsversicher

Verfasst: 22 Jun 2012 11:57
von geosnow
unfall isch ja idr im gschäft versicheret, aber genau das isch es ja. ide berge isch es no schnell extrem. wenn zb en bergführer vonere wanderig abratet und du glich gahsch. oder mountainbike ufemene trail und nöd nur downhill, denn isch das au extrem, oder mit de schii in tüüfschnee. diä versicherig choschtet s geschäft 1chf/monat/MA meh.