The(G)Forum

mach mal z tatsu-rezept, aber anstatt paprika nimmsch vil curry. isch nämlich ou sehr super zum ässle!

Machemer eigentlech für Rezäpt jewils neui Topics? Oder alles da ine?

Hüt Obe gmacht: Yakiniku don. Brätleti Rindsfilet-Streife uf Riis.

Total eifach und sehr schmackhaft, eifach de japanisch Riis brucht halt Zit, me cha ja aber ou süsch was zum Fleisch mache. Was bruchsch:

Füre Riis:
Japanische Riis, würd säge so 100g pro Person (unkocht), das git denn zimlech vil. Muesch rächt lang wäsche, wider absible, wider wäsche etc. bis s Wasser klar blauft, chan es zitli duure. Denn 30 Minute lo ligge, i dere Zit gohter bitz uf. Zum choche nachher minimal meh Wasser als Riis inen Pfanne und zum choche bringe. Sobald er chochet d Hitz abedräie, dicht verschliessend zuedecke (Deckel nie lüpfe bim Choche) und 15 minute lo chöcherle. Nachher wäg vom Herd und 10 minute lo ruehe. Dechel wäg, par mol mitere chelle umdräie dass Luft zueche chunnt, fertig. (Bonusinfo: Er chläbt, dasch guet so!). Die wo en Riischocher hend, NICE!

Fürd Marinade folgendes mische:
Drüü Viertel (3/4) Sojasauce
Ein Viertel (1/4) Riisessig
1 grossi Chnoblouchzehe dripresse
2 Ässlöffel grasplete Öpfel (ohni Schinti)
1 TL Zucker
Bitz Pfeffer

S Fleisch (idealerwiis dünni Streife Rindsfilet) drinne 15 Minute ilegge (nid salze) und denn nur churz abrate. Besser weniger als zvil. Am Schluss no paar Sojasprosse drischmeisse und par Sekunde düremischle, denn s ganze ufs inere Schale ufe Riis schmeisse und em Guete!

Zuebereitig vom Riis hani vor Harumi, s Rezäpt für d Marinade hetmer en Kolleg gäh (chönnt usem Morimoto-Chochbuech sii).

Saucisson Vaudois!

http://www.coopzeitung.ch/index.cfm?&id=49480

Es Rezept mit Pastinaken und Gelbe Rüebli.

Sehr fein & "rustikal"

Muesch mache, isch grad alles im Coop erhältlich!

hebe de no 2 Bildli inne!

Eins vo mine Lieblingsrezept:

Härdöpfelgratin:

2kg Herdöpfel (mehlig kochend)
2 EL Butter
1 Zwiebel - fiin ghackt
3dl Milch
5dl Vollrahm
2-4 zingge Knoblauch - gepresst (je nach belieben)
Salz/Pfeffer - sunnschtigi Gwürz und Krüttli nach belieben
(nach belieben goht au: Knorr Bouillontöpfli gmüess)
100g Parmesan gerieben
Butterflöckli zum gratiniere

*Herdöpfel schelle, in schiiebe schniide. Die gschieblete Herdöpfel 2x mit kaltem Wasser duurespüele (wäg dr Stärki)
*Butter in ere grosse Pfanne schmelze loh...zwiebele drii, 1 zingge Knoblauch zerdrucke...schön glasig aadünschte...
*herdöpfelschiiebe drii...kurz mitdämpfe...
*mit Milch und Rahm ablösche (d Herdöpfel sötte mit milch/Rahm knapp bedeckt sii - wenn zweni flüssigkeit eifach mit Vollrahm uffülle)...würze, evt. Bouillon drii...wie mes gern hett. (nid sparsam würze!)
schön köcherle bis d Härdöpfel gaaanz weni weich sinn.
In dr zwüschezitt e Gratinform mit zerdrucktem Knoblauch und weni Butter ussriebe.
*d Härdöpfel umschütte in die vorbereiteti Ofeform...
*Parmesan drüber streue (nid spare)... und butterflöckli verteile.
In Ofe ...220 grad unter/oberhitz ca 20 bis 40min. in dr mitti vom Ofe backe (je nach ofestärki)

en guete
drzue passt:
Rindsfilet mit Morchlesauce, Schweinsnieerstückbrote mit Thymian Jus, Rindschmorbrote Barolo.

Chan mir öpper Jamie Oliver 30 Min Rezept empfehle? Sind die au Bio?

es hett mal so guet agfange. und nüt isch worde.

"Eier findsch na guet?"

"ui Chäs, supr he!"

Zit wärs eigentlich das Unterforum wieder zue z tue.

sueche guets brownies rezept, gern mit nüss - bitte hier ine, merci!

Ohh es git ja es Rezepttopic - sehr guet!

Hilft der allwäg nid witer, aber die beschte Brownies woni je gässe ha si mit Quark gmacht worde, also zwüschedinne hets none Schicht Quark oder sowas gha und dür das sisi extrem früsch im Gschmack gsi. Wie was wo genau weisi aber nid.

mja super ich google mal nach quark brownies!

Sylvara hat geschrieben:mja super ich google mal nach quark brownies!

Öppe so wie da ufem erschte Biud heisi gloub usgseh:

http://www.chefkoch.de/rezepte/64996116 ... wnies.html" onclick="window.open(this.href);return false;

js guet, cheesecake und brownie cha ja nid schief gha
megen, das machi glii mal!

Sylvara hat geschrieben:js guet, cheesecake und brownie cha ja nid schief gha
megen, das machi glii mal!

Mache das gloub hüt Obe!