The(G)Forum

Sind d Dance Tents ab Mitternacht nachher amigs auso überfüll à la Gurte oder wie isch das ufbaut?

Gurgelhals hat geschrieben: Es isch krass, die Festivalprogramm sind efäng jedes Jahr zueverlässig zum verzwiifle. Isch das scho immer so gsi? Also das total konzeptlose Chrüsimüsi vo Durchschnittsbands?

Ähmmm ich mein das jetzt uusnahmswiis jetzt überhaupt nöd bös aber das liit vilicht eifach dra das ihr schochli älter sind als s'Zielpublikum.

Aso das Jahr ischs Programm au nüt für mich. 2010 hani no guet gfunde. dEUS hend i Sunneundergang inegschpilt, es gid nid vil bessers.

Es chömed es paar huere geili Bands wie ich finde wenns au sicher Teeniekacke drunder hett.

da En Gländ übersicht.


scho chli billig macht, eifach en acker und fertig ?!

wo isch das Dance Tent (Dance Circus) ? überfüllt ja/nein ?!

Supersonic hat geschrieben:

Gurgelhals hat geschrieben: Es isch krass, die Festivalprogramm sind efäng jedes Jahr zueverlässig zum verzwiifle. Isch das scho immer so gsi? Also das total konzeptlose Chrüsimüsi vo Durchschnittsbands?

Ähmmm ich mein das jetzt uusnahmswiis jetzt überhaupt nöd bös aber das liit vilicht eifach dra das ihr schochli älter sind als s'Zielpublikum.

Ehner unwahrschinlich, will es spieled ja genau nöd die "heissischte neue Bands, wo mir alte Seck nüme verstönd", sondern mehrheitlich Bands, wo's doch scho länger gitt und wo (unabhängig vo de Frag, öb's an sich guet oder schlächt sind) ihri beschte Ziite scho länger hinder sich händ: Killers, Chemical Brothers, Prodigy, Fantastische Vier, Bloc Party, Maximo Park, Tocotronic, Mogwai, Shins, Tindersticks, usw. Liit also wohl ehner da dra, dass ich immer no wäge de Band an es Konzert gahne und nöd eifach zum echli go kiffe und Fön & Party ha. Für Letschteres würded au irgend es paar Amateur-Provinzbands lange.

Hmmm fair, dass sie ihri beste Ziite hinder sich ha möge stimmt wohl. Aber ich gang weder go suufe no go kiffe sondern weg de Musig. Vieli vo dene Bands losi sid Jahre und hans no nie live gseh was für mich halt gnueg Grund isch zum gah. Und d'Killers biispiilswiis möged ihres beste Album voreme Wiili uufgnoh ha aber voreme Jahr sinds immer no uhuere guet gsi, darum freu ich mich nomal druff!

ziemlich am ablästere sinds uf Facebook...

mer mues zersch Getränkebons kaufe wos vordrah en riese schlange het. Es Mineral wasser kostet 5.- etc. Sound isch zlieslig... naja sind halt nur Negativi stimme aber leider isch s Wätter hüt Abe alles andere als guet

lol, fuck you wetter!
ich gahn nur für prodigy!

TypeJ hat geschrieben:lol, fuck you wetter!
ich gahn nur für prodigy!

ja ich au aber bin mir no unschlüssig wägem wätter.

Isch würkli so schlimm ? (Sturm , Hagel Gwitter) ?

Die Nacht hets ja au gha aber nur churzi Phase.

es chan recht abelah lut wetterbricht...
weni nid scho 2 mal 88.- hebel zahlt het würdi denk nid go..aber ebe

De Skrillex, was für es Arschloch mit was fürme Arschlochpublikum!

Aber d'Killers und Lykke Li
UHUERE GUET GSI!

Reinforced hat geschrieben:da En Gländ übersicht.


scho chli billig macht, eifach en acker und fertig ?!

wo isch das Dance Tent (Dance Circus) ? überfüllt ja/nein ?!

hahahha huere billig

jetzt hends wenigstens Bodeabdeckige aber schüsch en huufe fails idr Organisation.

macht mi hässig das Prodigy usgrächnet dört mues spile. Bi Däm Wättr gani wahrschinli nid.

es isch ja wiese und ken acker das jahr

Ich han nume ein Frag: Isch de Bode immerhin so, dass me d'Gummistiefel chan dihei la?

Dass es e Katastrophe wird und no dezue ane tüür, das hätt me ja vo Afang a gwüsst. Isch Open-Air und isch Züri, isch normal. Ich gange wahrschinlich würklich nume für Kraftwerk. De Ziitplan am Samschtig isch nämlich au e Katastrophe

Es isch ja nid alles abdeckt also stiefel sind sicher nid falsch wenns chunnt cho pisse

Schiiins muesmer au lang ahstah bim ihgang

Ahrg prodigy wär halt scho wiedermal geil

im ernst sie nehmet dir s wasser und de zwieback weg wenn mit dem ine wotsch? lol. die welt.

Dfrag isch öbs überhaupt wasser het zum händ wäsche after de toilet

Soulwax
Prodigy
2 Many DJ's

Ahstah bim Iegang hani nie müese.
Zwieback nehmeds der weg
Händ wäsche gaht nöd überall
Gummistiefel sind z'empfehle (wie übrigens bi fascht allne andere Open Airs au)
Regepellerine au, sind alli uusverchauft gsi hüt.
Gratis Wasser gits ufem Zeltplatz hinder em Milchstand
D'Organisation isch wükli dumm aber d'Konzert gönd guet ab!

Isch wahr dass Prodigy nur bitz über en Stund toh hei?

Sephi hat geschrieben:Isch wahr dass Prodigy nur bitz über en Stund toh hei?

Ja.

ich bin direkt froh dasi nid bi gange. Verpasst hani wohl nüt. z liislig sigs au no gsi.

Blibt nume z hoffe das die Prodigy nüme bueche und es anders Festival das tuet übernäh

wer will meh als ei stund prodigy? han die im 97 gseh und s'isch luschtig gsi für 3 lieder. BOOOOOM tschakadakatschakadaka BOOOOOM tschakadakatschakadaka chunnt pfoll pfett im prolo bmw. nachher isch zum glück de Bowie cho. für 2 stund.

zwirrlibatz hat geschrieben:wer will meh als ei stund prodigy? han die im 97 gseh und s'isch luschtig gsi für 3 lieder. BOOOOOM tschakadakatschakadaka BOOOOOM tschakadakatschakadaka chunnt pfoll pfett im prolo bmw. nachher isch zum glück de Bowie cho. für 2 stund.

laulen wobiii de Bowie isch natürli au supr!