The(G)Forum

h4xX0r hat geschrieben:

derinderinderinderin hat geschrieben:Ig isse kei Fleisch, aber derfür Fisch. Was tue ig bim Poll wähle? Technisch gseh isst e Vegetarier drum kei Fisch.

du verwechslisch glaubs vegetarier mit veganer

eher nid

Korrekterwies chönnt ich mich als Pesco-Vegetarier bezeichne

Tatsujin hat geschrieben:

evo hat geschrieben:iss mol schildchrot

Schildchrot? What's that?
You know what a turtle is?
Of course!
Same thing.

Klingenseckler!

ev. dr falsch ort für so öppis, aber gliich - http://www.amazon.com/Eating-Animals-Jo ... 0316069906

mit abstand ds beste buech won ich zu dem thema bisher ha glese und belüchtet vo allne siite (also nid eifach pro-vegi mit sendebewusstsii, sondern umfangriichi usenandersetzig mit fleischkonsum allgemein und kulturell). und fantastisch gschriebe derzue, lohnt sich scho wege dem.
ich weiss gern was ich isse (inkl. hintergrund dervo) oder wieso ich öppis nid isse.

Ha's grad bschteut, danke füre Tipp.

Ich bins grad am läse. Aber uf Dütsch.

Astroboy hat geschrieben:Ha's grad bschteut, danke füre Tipp.

Mir chöi de e tuusch mache nachdems fertig gläse hesch (mit B.A.f.H.)

Ds isch gloub eis vo de Büecher, woni bi mir wott bhaute . Hamer ou grad d'Hardcover-Usgab kouft; ha gärn bundnigi Büecher ir Hand.
Aber i cha dr's schüsch gärn mau uslehne.

Astroboy hat geschrieben:Ds isch gloub eis vo de Büecher, woni bi mir wott bhaute . Hamer ou grad d'Hardcover-Usgab kouft; ha gärn bundnigi Büecher ir Hand.
Aber i cha dr's schüsch gärn mau uslehne.

's gseht halt besser us im regal

:typej:

ig hasse hardcovers. total unhandlich. egal. heisst dä typ würklich "Safran"? LOL

Ig ha ja ou e Kindle für au das Züg, woni 'eifach so' lise. Z'Argument vor Unhandlechkeit isch vo mir uus gse füre reisend Zuestand valid,
aber s'git doch nid viu bessers, aus im Sässu z'hocke mitemne schöne, schwäre Hardcover ir Hand.

Zrügg zum Fleisch: Chürzlech grad es Wiudsou-Kotelett gha, isch besser gsi aus erwartet, bzw. sogar erstuunlech fein.

ig lise das Buech lieber nid. Ignorance is bliss.

emP hat geschrieben:Ignorance is bliss.

I don't know what this means but I'm happy.

d'fraag isch halt immer ob ds individuelle 'glück' dr massstab vo allem isch. oder i dem fall 10 minute fleisch uf dr zunge.

für mich ischs ebe o sehr eifach uf fleisch ds verzichte. i has zwar gern, aber es spricht für mich mittlerwiile viel zviel dergäge. und ich ha kei 'fleisch heisshunger' oder andere habakuk, wo lüüt zum teil bhauptet. mir bruuchet kei fleisch - es isch e reini fraag vor entscheidig, gwohnheit und persönlichem genuss. zu däm sött mer wenigstens chönne stah.

Aber du issisch ize ömu nid ke Fleisch me wäge däm Buech wo du (und ig ize ou) bschteut hesch?
Wöu schüsch lisi's drum nid

(Spass beiseite, i kenne d'Thematik ja; ha e Vegetarierin im Huus)

nei ich ha scho immer sehr wenig fleisch gässe, vilicht 1mal i dr wuche. dr letzti schritt isch denn sehr eifach gsi und für das gits sehr vieli meh und weniger privati gründ. es buech bruchi nid zum mir werthaltige vorghä. aber es het mich nomale bestätigt.

wie gseit werdet verschiedni haltige belüchtet und es chöme o kontroversi meinige zu wort. wohlgemerkt bezieht er sich bi einigem o uuschliesslich uf d'USA, wo im vergliich zur CH unter aller sau isch was tierhaltig aageit. für mich vorallem interessant sind o die kapitel, wo fleischkonsum us dr sicht vo sozialer oder kultureller sicht aalueget.

ich halt das für keis missionarischs buech, wie er selber seit "I do not want to influence decision but inform it". und wer sich mit offne auge (was ebe sehr oft nid dr fall isch) für fleisch esse entscheidet, de söll das mache. es git halt eifach e realität i dem ganze, o wenn mer zB. mitem töte vo tier per se keis problem het, wo ich selber als konsument nümm mag ignoriere. und es isch ebe o sehr schwierig i dem bereich weize vo spreu ds trenne.
und ebe, o vom literarische standpunkt ischs eifach es fantastischs buech, das chunnt no derzue. Ich ha no 2 wiiteri büecher vom Safran und er isch e bitz a mad genius.

Chäller hat geschrieben:Ich bins grad am läse. Aber uf Dütsch.

aha, demfall also:

Chäller hat geschrieben:Grund: s'Buech.

ich bruch fasch jede tag es tier zum aesse. komplett uf fleisch verzichte choent ich noed.
Grund: d'Gschmack.

eis sehr grosses problem wär ja scho nur us dr welt, wenn d'lüüt überall bereit wäret für fleisch agmessni priise ds zahle. aber dr konsument (weltwiit) wott unmenge vo fleisch zT. täglich und das zu witz-priise, wo jede wo e bitzli überlegt merkt, dass billigs fleisch e rechnig isch wo nid uufgeit. und unter dem liidet sowohl tier wie o indirekt d'mensche und d'umwelt.

d'schwiiz isch ja warschinlich das land mit de höchste fleisch-priise wenn mer's so vergliicht. lieber 1-2mal ir wuche für es guets fleisch aaständig zahle, als 7mal für billige dreck, wo nebst dr ganze problematik o eifach gruusig isch. o so chamer schomal öppis biiträge.

Mastler(P) hat geschrieben:

Chäller hat geschrieben:Ich bins grad am läse. Aber uf Dütsch.

aha, demfall also:

Chäller hat geschrieben:Grund: s'Buech.

ähm...nei!

tu jetz noed so, isch noed schlimm.

Sehr gern ess ichs, sollte aber weniger.

Grund: d'Tierli.

Mastler(P) hat geschrieben:tu jetz noed so, isch noed schlimm.

ich han letst Dunnstig mitem Buech aagfange

Sylvara hat geschrieben:d'schwiiz isch ja warschinlich das land mit de höchste fleisch-priise wenn mer's so vergliicht. lieber 1-2mal ir wuche für es guets fleisch aaständig zahle, als 7mal für billige dreck, wo nebst dr ganze problematik o eifach gruusig isch. o so chamer schomal öppis biiträge.

chunnt halt au drufa wo dassds chaufsch. bime detailhändler wo no 82374656 anderi wännd mitverdiene oder grad bi de metzgerei, wo s'fleisch sälber verarbeitet. mir chauffed no hüffig im lädeli vome schlachthof. extrem günschtig und superfein.

Sylvara hat geschrieben:eis sehr grosses problem wär ja scho nur us dr welt, wenn d'lüüt überall bereit wäret für fleisch agmessni priise ds zahle. aber dr konsument (weltwiit) wott unmenge vo fleisch zT. täglich und das zu witz-priise, wo jede wo e bitzli überlegt merkt, dass billigs fleisch e rechnig isch wo nid uufgeit. und unter dem liidet sowohl tier wie o indirekt d'mensche und d'umwelt.

d'schwiiz isch ja warschinlich das land mit de höchste fleisch-priise wenn mer's so vergliicht. lieber 1-2mal ir wuche für es guets fleisch aaständig zahle, als 7mal für billige dreck, wo nebst dr ganze problematik o eifach gruusig isch. o so chamer schomal öppis biiträge.

Das isch dä Punkt und irgendwelchi militanti Vegis söttets in Erwägig zieh, dass mit em Missioniere vo Fleischverzicht nur Widerstand uuslösed, aber en Uufmerksamkeit uuf gmässigte Konsum,
vill meh Ghör wür finde. Wäred dMänsche bereit, sälte mal Fleisch zässe und ihre Ahspruch ahd Qualität zFordere, dänn gächts au de Tierli besser (oder zumindescht wär de Fleischbedarf ja gringer, dPlatzverhältnis besser und so zumindescht dMöglichkeit grösser, für es besseri Haltig), bis zum Ziitpunkt, wos würed gschlachtet werde.

Das isch vo mir uus gse genau dr richtig Asatz.
Dr Dialog, mit guetem Fachwüsse ungerleit, empathisch, verständnisvoll und ohni Holzhammermethodik, isch vo mir uus gse oftmals 1000x zwäckdienlecher aus
genau das militante Sändigsbewusstsii. Allerdings stelli, mitem zuenehmende Ernährigsbewusstsii ou ir breite Bevölkerig, hie gueti Tendenze fescht.

Leider hei viu Vegetarier(inne) eifach dr Wunsch, müglechst unbehelliget z'wärde, wöu sie vielfach schlächti Erfahrige mit de (numerisch) no viel witer verbreitetere Fleischmilitaros gmacht hei. Wie gseit, e offene, fründleche Dialog wär hie viu besser, bruucht aber viu Energie und Verständisbereitschaft.

Wie dir ja inzwüsche wüssed, issi ig kei Fleisch, mini Fründin scho.

Ig zu miner Fründin a der BEA: "Gsesch das härzige Kälbli? Genau das Kälbli wirsch in 2 Wuche esse. Tue di bi ihm entschuldige." Sie hetts nid so luschtig gfunde