zwirrlibatz hat geschrieben:Super! Und dä Groove mit dere Basslinie drunder und die Frippsaagi drüber. Überhaupt isch Heroes mini fave Bowie Platte. Nur Knüller druff. Dänn Low, Station und Monsters. Lodger isch erschtuunlich schwach will doch au us dere ziit. Hett aber immerhin Boys Keep Swinging, DJ und Look Back in Anger.
Top 4 sind bi mir identisch. Reihefolg änderet aber immer wieder chli: Mängisch chan ich mich mit em fragmentierte Ufbau vo de Low nöd eso afründe, mängisch hanget mer de Heroes (de Song) zum Hals use, will ich en scho 349587938475345 mal ghört han (und was de Secret Life of Arabia am Schluss verlore hätt, hätt sich mir au nie erchlärt), de Scary Monsters hätt gäge hine use mit em Kingdom Come en Totalusfall. Aber de Station to Station: Jede einzelni Song en Hit
D'Sache us de Ziggy-Phase los ich defür eigentlich fascht nüme. Det singt er no chli z'quäckig und das ganze Glamtheater isch dänn irgendwie doch chli affig vergliche mit de Station bis Scary Monsters-Phase. Ussert: D'Diamond Dogs Die find ich inzwüsche überraschend guet. Rächt ziellos, zwüschet Stuehl und Bank und mit ere verdrogete, kabutte Atmosphäre. Isch frisch. Und am Schluss no de 1984-Disco. Wiu!
Und s'Neuere dänn ab Outside wieder. Logisch. "Neuer." Rolf. 1995. :altwärde:
Re: ZOMG David Bowie!!!
Verfasst: 12 Jan 2013 13:14
von zwirrlibatz
De Secret Life of Arabia würkt fählplatziert, aber sie händ wohl nüme meh Songs gha. Vilech gschiider de Heroes zmitz i d'Siite 2 zwüsche Neukölln etc und de Secret wiiter füre tah... Aber da cha me hüt ja sälber mache.
Bi Low lieb ich d'Produktion. Wie i dä Buurehuuschuchi ufgnoh. Rumpeldröms. Ziggy los ich au nüme. Isch abgseh vo paar Highlights wie Five Years zimli normale Hardrock. Diamond Dogs müesst ich mal wieder... die und Young Americans händ mir nie gfalle. Grad DD isch doch au so Normalorock...?
Alles ab 1995 isch neu. Willkomme im Klub :typej:
Re: ZOMG David Bowie!!!
Verfasst: 12 Jan 2013 13:41
von Gurgelhals
zwirrlibatz hat geschrieben:Diamond Dogs müesst ich mal wieder... die und Young Americans händ mir nie gfalle. Grad DD isch doch au so Normalorock...?
Ebe grad nöd. Also ussert de Titeltrack und de Rebel Rebel (wo nöd würklich en Song, sondern es Riff isch), das isch Standardrock. Aber susch sind das verdrogeti Ballade (Rock'n'Roll with Me), vedrogets Rocktheater (We Are the Dead, Big Brother), verdrogeti Songsuite (Sweet Thing/Candidate/Sweet Thing (Reprise)) und ebe no komische Proto-Disco (1984). Ich mag s'Kabutte und Unschlüssige vo dem Album. Mit eim Fuess isch er no im 70er-Glam/Hardrock und mit em andere scho uf halbem Wäg zu de Station to Station, nume weiss er das det nonig. Und halt au ziemlich grumschelig. Er spielt ja fascht alli Gitarre sälber druf und er hätt ja au sälber produziert (bim Mixe hätt ihm dänn no de Visconti ghulfe). De Mark Prindle verglichts mit de Goats Head Soup vo de Stones als eini vo dene Mitte 70er-Katerplatte und das triffts imho no guet.
Bi de Young Americans schaff ich's amel bis Sekunde 5. Dänn chunnt das Schwuchtelschnäbisaxophon ine und ich mues sofort abstelle.
Re: ZOMG David Bowie!!!
Verfasst: 13 Jan 2013 17:58
von zwirrlibatz
Ich glaub die verschlurft Verdrögtheit hett mich glangwiilet. Hm, aber wie bi vielem wird ichs bim zweite Versuech evtl besser finde. De Goats Head Soup Kater Vergliich isch no clever.
Ah da fallt mir ii: Ich han David Live 74 und kenn s'meischte DD Material vo det und gar nöd "im Original". Die Platte gilt schiins allgemein als ehner misslunge und mich packt sie au nöd und vilech isch das de Grund.
Re: ZOMG David Bowie!!!
Verfasst: 13 Jan 2013 20:11
von zwirrlibatz
the beauty and the beast wiki hat geschrieben:The opening music, a disjointed combination of piano, guitar, electronics and voice rising steadily to a crescendo, has been described as sounding like "Bowie is about to turn into The Incredible Hulk before your very ears"
Re: ZOMG David Bowie!!!
Verfasst: 13 Jan 2013 20:56
von Gurgelhals
rolf, d'Produktion uf de Heroes isch scho chli monströs. Total überladeni Arrangements uf de A-Siite, aber nöd im klassische Sinn vo "bombastisch" sondern vo "de Bowie, de Eno, de Visconti und de Fripp sind im Studio und nerded det komplett ap". Einersiits super will total hinüber, aber mängsmal wünsch ich mir dänn doch, dass me de Fripp oder susch irgendes einzelns Element echli besser würd useghöre so wie dänn uf de "disziplinierter" arrangierte Scary Monsters. Aber für das gäb's ja susch au no d'Low mit ihrem chli "trochenere" Sound. Bi de Instrumentals uf de B-Siite isch de Fall dänn aber imho defür ziemlich klar: Heroes > Low.
Gurgelhals hat geschrieben:rolf, d'Produktion uf de Heroes isch scho chli monströs. Total überladeni Arrangements uf de A-Siite, aber nöd im klassische Sinn vo "bombastisch" sondern vo "de Bowie, de Eno, de Visconti und de Fripp sind im Studio und nerded det komplett ap". Einersiits super will total hinüber, aber mängsmal wünsch ich mir dänn doch, dass me de Fripp oder susch irgendes einzelns Element echli besser würd useghöre so wie dänn uf de "disziplinierter" arrangierte Scary Monsters. Aber für das gäb's ja susch au no d'Low mit ihrem chli "trochenere" Sound. Bi de Instrumentals uf de B-Siite isch de Fall dänn aber imho defür ziemlich klar: Heroes > Low.
A-siite, det händ 3 wahnsinnigi Genies freii Hand gha. Ich finds super, wie sie die Popstrukture vo überragend komponierte Songs im Grundsatz stah löhnd und d'Weirdness hemmigslos drüberschlirgge. D'Bombastik isch s'Resultat drvo wie jede Song uf 2 Schiene fahrt und die sich beid weigere, für die ander en Kompromiss ihzgah.
Scary Monsters hämer grad geschter zliisli uf de Autobahn glost und will me eso i dene Böxli vorallem em Fripp sini Attacke ohni harmonischi Unterstützig vo de Backinginstrumänt ghört, hett sie grad en anderi Qualität brcho. Uf ihri Art isch die aber ebe au überlade und umso radikaler und vo dem her nämli no löblich isch da de Schritt zu Let's Dance gsi. Ich han die aber nöd, für die Hits gitts ja youtube.
Low hett 2 schwächeri under de A-Siite Stuck, Be My Wife und Breaking Glass riissed da aber alles use. Öb B-Siite Heroes > Low, na chan ich nöd klar zuestimme. Will Low isch da konsequänter, alli 4 Stuck gäbed ei Symphonie. Aber Heroes hett im einzelne die stärchere Stuck, die chömed würkli wie en Spaziergang am 3 am Morge dur es gruusig nasschalts Berlin.
Us dem han ich irgendwo in ere andere Doku mal Usschnitt gseh. SÄG NEI ZU KOKAIN!
Re: ZOMG David Bowie!!!
Verfasst: 17 Jan 2013 10:58
von Gurgelhals
The producer also hints that Bowie is planning to release another album after The Next Day hits the charts in March: "We recorded 29 titles. We have at least four finished songs that could start the next album. If all goes well, we will be back in the studio by the end of the year. He's back. Bowie has found out what he wants to do: he wants to make records. Nothing else."
Us dem han ich irgendwo in ere andere Doku mal Usschnitt gseh. SÄG NEI ZU KOKAIN!
D'Konzertusschnitt vo de 74er Tour tönet da aber massiv besser als uf äbesäbere Liveplatte.
Bowie has found out what he wants to do
öppe afa zyt xi.
Re: ZOMG David Bowie!!!
Verfasst: 17 Jan 2013 17:01
von zwirrlibatz
Gurgelhals hat geschrieben:
zwirrlibatz hat geschrieben:und da verzellt er au, dass ihm damals bowie und eno aglüüte und is studio bätte händ, ihm det gseit er söll gitarre iischtöpsle und eifach druflose spiele wenn er jetz dänn grad The Beauty and the Beast (bescht text jemals übrigens) s'erschtmal ghöri. und so ischs denn au uf s'album cho.
zwirrlibatz hat geschrieben:Lodger isch erschtuunlich schwach will doch au us dere ziit. Hett aber immerhin Boys Keep Swinging, DJ und Look Back in Anger.
und Red Sails natürli. dä bescht da druf! die erschte 4 stuck sind so dänn gahts sie endli bitzeli ab.
de Boys Keep Swinging video isch super will und irgendswie au
Gurgelhals hat geschrieben:Shit, möglicherwiis s'beschte Interview ever. Grad nach dem mit em König Robert Smith
au vo TFI? häsch link? findenüt.
Nei, das dt. Festival-Interview vom letschte Jahr (glaubs ZDF oder WDR oder so), wo er nach ere Viertelstund d'Interviewsituation total vergisst, eifach afangt plaudere und am Schluss no seit, dass es is England bald e Revolution gäh wird und meh ihn zum König chröne wird
Re: ZOMG David Bowie!!!
Verfasst: 25 Jan 2013 11:21
von zwirrlibatz
ah das han ich glaubs gseh... ja er isch guet druf det. und im obige seit er was wunderbars. die erscht platte chäm ihm wie 3000 jahr her vor. und drum dänn "i feel like i've lived for 3000 years". super.
Re: ZOMG David Bowie!!!
Verfasst: 26 Feb 2013 11:56
von zwirrlibatz
ich weiss nöd wänn ich sletschtmal (falls überhaupt jemals) en musigvideoclip dermasse mit em chinnlade usklinkt gluegt han:
Video isch super. Song findi aber ehner chli hm... Isch so e Rocknummere wie er sie au uf de Reality bracht hätt, sprich: einersiits könnerhaft produziert und arrangiert (kei Pro Tools-, Autotune & Loudness-Bullshit, sondern altbewährts 1a-Studiohandwerk), anderersiits haut eim de Song an sich dänn aber nöd würklich vom Hocker. De Where Are We Now hätt mich i däre Beziehig meh überzüügt.
Re: ZOMG David Bowie!!!
Verfasst: 27 Feb 2013 13:02
von zwirrlibatz
Han en zum erschte mal scho mit Chopfhörer gloset und da haut er mich um. Ich finds es schtarchs Lied. Komposition und Produktion mag ich da gar nöd tränne. Bi 4'30" hetts en grosse Momänt dank em (vilicht sogar ächtem) Mellotron. D'Gitarrespränkel gäbe schöni Farbe durchwägs und er singt us tüüfschtem Innerschtem. Aber isch türli guet müglich dass es ohni Video und dänn uf em Album näb de andere Songs gar nöd so allesüberstrahlend sii wird. Mittlerwiile findi au de Where are we now super.
Die find ich inzwüsche überraschend guet. Rächt ziellos, zwüschet Stuehl und Bank und mit ere verdrogete, kabutte Atmosphäre. Isch frisch. Und am Schluss no de 1984-Disco. Wiu!
Willkomme im Klub :typej:
dänn gahts sie endli bitzeli ab.
und irgendswie au 
