The(G)Forum

zwirrlibatz hat geschrieben:waffle

rolf, isch nödmal absicht gsi und fallt mir würkli ersch jetz uf.

so guet.

genau, chaufed lieber zwei velos und gönd eue ranze go abtrainiere.

was i aber glaub, isch eher, dass de sohnemann die waffe irgendwänn langwilig findet und mit ganz andere sache spiele wott. das chunt scho guet.

Gege mengisch bisch chli tumm oder, wett dich gseh wennd mal en sohn hesch haha

zwirrlibatz hat geschrieben:ich schrieb was de rescht dänkt:

de bueb wird mal hert eis a de waffle ha.

this.



ansonste aber gute handwerkliche leistung

Shadow hat geschrieben:Gege mengisch bisch chli tumm oder, wett dich gseh wennd mal en sohn hesch haha

was dumm, ich han doch gxeit, dass das guet chunt. isch ja bi eus au guet cho.

geosnow hat geschrieben:isch ja bi eus au guet cho.

ähm, naja

da ine gahts um MIS HOBBY und nöd um min sohn.

BASCHTLE hani gschriebe!

süscht hätti SIMON gschriebe.

logisch will er au was, wenn er mich duurend am baschtle gseht.
und ich bastle ihm denn halt au was. wer das nöd so mache würd, isch en arschloch-vatter.

also spared eu bitte eui pseudo-psychologie. ihr känned weder mich guet, no mini familie, no mini erziehig, no mini läbenswiis und am allerwenigschte känned ihr min sohn.

also bitte, wer nöd was zum thema BASCHTLE, oder MOVIE- und GAME-PROPS zsäge hett, söll bitte ruhig si. ihr mached eu suscht nur lächerlich.

danke.

Wiä machsch dänn das Züüg us Styrodur? häsch eifach es paar Chlötz vo däre War und dänn mit Bilder chli abluege und hopplahü?

Glaubs gnau eso machtrs.

ich wott wieder papercraft mache wänni mal dezuechumme oder am Abig nöd uf de Frässi bin.
aber zerst wird am Grisu sis Cab neu lackiert

scho so.

zerscht mal überlegge, was mache willsch.
de en tonne referenzbilder im internetz sueche.
die bilder GUET STUDIERE, vor allem au chlini details.
denn eis vo dene bilder im verhältnis ufblase, demit ungefähr cm agabe hesch (oder evtl. findsch en wiki-itrag wo das genau staht).

schlussändlich uf en platte styrodur ufzeichne (mängisch drucki au es 1:1 bild und pause das denn grob uf de styrodur), usschniide, schliife und spachtle. (sehr wichtig)

denn am schluss amale.

je grösser es objekt, desto meh teili machsch.

a dem Halo-Gewehrli bini jetzt guet 2 wuche dra, immer bitzeli... es bestaht us genau 10 teili, woni jetzt mit Uhu-Stor (Styroporchläber) zämekläbt ha.
mängisch verstärchi au no paar teil mit laubsägeliholz, z.b. bim halo gewehrli die löcherplatte am lauf. das wär bitz dumm us styropor...

da es aktuells bild. bi grad fertig worde mit spachtle. jetzt nomal drüber schliife und de gahts ab id malerei.

ich hami vor 20 johr fürd fasnacht mol als Link verchleidet. was hätti für sone schild geh.... ich ha mins eifach us :karton: usgschnitte und e schnuer agmacht damit ichs ka hebe

Gseht echt guet uus aber wiä schniidsch das Züüg? ich mag mich erinnere wän ich jemals Styropor gschnitte han häts e dramatischi Sauerei und d'Hütte voller däne statisch ufgladne Satanschugeli gäh...

styrodur isch äbe nöd styropor.
styrodur isch sehr viel härter und hett kei chügeli. es macht au kei sauerei wie styropor (usser bim schliife, dett gitts satanische staub wo bis id underhose chund LOL).
aber das machi de gäng im fäld use bi eus, dette störts ned...

schniide tueni das mit eme hundskomune cutter (japan-mässer). für grossi fläche en grosse cutter, für chlineri en chline dünnere und für details und filigransache nimi es skalpell.
das gaht prima, wi dur butter. es macht echt spass eso zum schnitze... und mit dem material chasch fascht alles mache.

mis problem isch äbe nur, dass ich nonig weiss, wie ich das härte chan.
ich hami aber i diverse prop-fore agmolde und mal frage gstellt. es gitt lösige, muess nur zerscht usefinde, welli ich awände will.

Masatshi hat geschrieben:süscht hätti SIMON gschriebe.

tipp: wie wärs wenn de dann würdst aufhöre fotos vom goof hier rein zu stelle und uns an deim familielebe teilhaben zu lassen?

BrainBug hat geschrieben:

Masatshi hat geschrieben:süscht hätti SIMON gschriebe.

tipp: wie wärs wenn de dann würdst aufhöre fotos vom goof hier rein zu stelle und uns an deim familielebe teilhaben zu lassen?

ENTSCHULDIGUNG, aber er isch praktisch immer um mich ume, tuet mer leid. ächt.

Masatshi hat geschrieben:ihr mached eu suscht nur lächerlich.

vilech überleisch/fröögsch mal wie ich oder de bug was wie gmeint händ und wrum, statt grad wie immer beleidigt umeztrötzle.

zwirrlibatz hat geschrieben:

Masatshi hat geschrieben:ihr mached eu suscht nur lächerlich.

vilech überleisch/fröögsch mal wie ich oder de bug was wie gmeint händ und wrum, statt grad wie immer beleidigt umeztrötzle.

es interessiert mich eui meinig aber überhaupt nöd.

au dir es herzlichs tschuldigung!

Masatshi hat geschrieben:es interessiert mich eui meinig aber überhaupt nöd.

easy. aber kän grund zum töibele.

zwirrlibatz hat geschrieben:

Masatshi hat geschrieben:es interessiert mich eui meinig aber überhaupt nöd.

easy. aber kän grund zum töibele.

ich täubele nöd (oder nüm). suscht hätti das topic gsperrt glah und min kommentar nöd glöscht.
aber ich han mich besonne. es bringt ja nüt. ihr werdet immer so si wie ihr sind. das isch fair, aber leider nöd min fall.
darum nimm ich abstand und gahne au - wenns gaht - gar nüm druuf i.
ich hoffe du verstahsch das. alles andere choscht mi nur zviel närve.

du super & anderi tumm = töibele.

Marco_in_motion hat geschrieben:und d'Hütte voller däne statisch ufgladne Satanschugeli gäh...

:sagex:

Also ich bin ehrlich beiidruckt vo Dinere Arbeit. Erinneret mich chli a mini Vergangeheit, wo ich no Modällflüügerli zämebaut und agmaalet han.. Ich bin nöd so versiert mit dene vo Dir zeigte Materialie aber mir chund so spontan Epoxydharz in Sinn.. häsch das mal ufeme Probestückli usprobiert?