The(G)Forum

Skeletor hat geschrieben:blair witch project!

hani den im chino gseh, isch einmalg gsi, zum einmalig im chino luege.

Lueg The Last Broadcast, weniger guet aber isch vorher usecho.

Tatsujin hat geschrieben:

Acid hat geschrieben:Also wass de Tatsujin do beschriebt, isch aber ehnder Splatter oder Gore, was aber nur en Teilberich vom Horrorfilm isch

ich han demit klar welle trenne, dass en thriller ohni das chan und au viel ohni tuet uuscho, und horror ebe meh i die richtig ghat

Jaja, hani scho begriffä... de zwirbeler heds aber denn no meh veralgemeinert wiä du, drum hani welä sägä dasses kei abschlüssendi Definition chan si. Typischä Geister Horror, zum mol es bispiel znennä, chund oft ganz ohni irgendöpis vo dem us, sind aber natürlich glich Horror Film.

Aber s ander wo du gseit hesch stimmt scho. De Horror Film got i de Regel eher richtig Exploitation (natürlich nur ufeme bestimmtä Bereich, en Action oder en Sexfilm chan jo au i diä richtig go, bzw. gots fascht immer), isch also imene gwüssä Berich vor allem Shock und Effekt Kino (öb jetzt dur bluetigi Bilder, oder "Verschreckeffekt" isch mol dahingestellt), während de Thriller ufere weniger offesichtlichere und sanftere Ebeni arbeitet...

Skeletor hat geschrieben:blair witch project!

Da hani defür zum gähne gfunde..

das verstahni nöd. hesch en allei glueget am abig?

Skeletor hat geschrieben:das verstahni nöd. hesch en allei glueget am abig?

ich also au nöd, s'problem isch wahrschinlich dass es bitz drufahchunt.... wo dä film usecho isch, isch diä Art Film eigentlich ganz neu gsi, wie au s'Konzept drum ume.... und darum isch er doch so krass inecho...

hüt nach fourth kind, rec, rec 2, paranormal activity isch es scho nümm soooo dä schocker aber s'endi isch ziemlich legendary gsi im kino.

Ig ha ne damals im Kino gseh und nid verstange wieso um de so e Hype isch gmacht worde. Er het scho siner beklemmende Momente gha (vor allem die letzte paar minute), aber ou ziemlich viel leerlauf. 7/10 hätt ig ihm damals geh, will die art vo film isch neu gsi.

sorry de film luegt me allei und nöd im kino.

Shadow hat geschrieben:

Skeletor hat geschrieben:das verstahni nöd. hesch en allei glueget am abig?

ich also au nöd, s'problem isch wahrschinlich dass es bitz drufahchunt.... wo dä film usecho isch, isch diä Art Film eigentlich ganz neu gsi, wie au s'Konzept drum ume.... und darum isch er doch so krass inecho...

hüt nach fourth kind, rec, rec 2, paranormal activity isch es scho nümm soooo dä schocker aber s'endi isch ziemlich legendary gsi im kino.

lool es isch mit abstand de "glaubwürdigscht". chasch nöd mit rec vergliche.

Skeletor hat geschrieben:sorry de film luegt me allei und nöd im kino.

Logisch isch besser alleini und nid im Kino. Aber lueg wenn de isch usecho:

USA 25 January 1999 (Sundance Film Festival)
USA 16 July 1999 (limited)
USA 30 July 1999
Switzerland 28 October 1999 (German speaking region)

Damals si d Filme no nid weltwiit glichzitig usecho. Wenn hie e Film gloffe isch hesch de scho als Region 1 DVD chönne chaufe. Aber au das hesch der müesse überlege will für e Import-DVD 50 Stutz hesch müesse bleche. Hesch halt im Kino glueget. Isch denn no billiger gsi als es DVD.

nur bringt de film imene kino gar nix. wenn ich de nöd allei in rueh glueget hett, wers glaub au nüt gsi.

Ich han en guet gfunde im chino. es isch au ganz ruhig gsi denn und ich han mich absolut chöne is gschehniss ineversetze.

ah ja lol, the ring hät mir doch no gänsehuut gmacht. ich weiss gar nüm wieso.

Skeletor hat geschrieben: ich weiss gar nüm wieso.

wiel er eventuell gruselig isch?

[rec] (original) und s'ändi vo blair witch und de ringu 1 & 2 (jap original natürli) und de paranormal aktivität find ich alli sehr gfürchig.

Ah ja, übrigens zur Info: praktisch alli Film mit Geischter, no übler so Dokus über Spukzüg (ganz egal wiä glaubhaft oder nid), chani nid usstoh. Grund: Willi fascht i d Hosä mach.

muesch mal d doku bezüglich em curse of poltergeischt luegen

bescht doku überhaupt wo jede luege muess wo sich für so film intressiert:

http://www.imdb.com/title/tt0259182/
http://www.youtube.com/watch?v=xLcbgz1oJJs etc...

Tatsujin hat geschrieben:muesch mal d doku bezüglich em curse of poltergeischt luegen

besser wahrschindlich dasis siloh um was gots... eifach drum dass öber gstorbä isch... mit so Züg chani denn no ehnder umgoh.

Mues au sägä dassi de erscht Poltergeist Film relativ eifach han chönä weg steckä. Relativ wenig unheimlichi Sachä, so dasses sogar für mich keis Problem gsie isch. diä anderä hani allerdings nid gseh.
Und natürlich alles billigä wiä Boogeyman oder so isch eigentlich au kei Sach. det heds zwenig Atmosphärä, und au niemert wo behauptet das wär würklich passiert, unds beschriebt das eim d Phantasie durä god.



@zwirrlibatz: Diä hani au gluegt, diä isch würklich nid so schlächt. Grad für Lüt wo viel vo denä Film hüt lueged und absolut lahm findet, zum z verstoh werum das ebä evtl. vor so und so viel Johr ganz andersch usgseh hed.

Acid hat geschrieben:@zwirrlibatz: Diä hani au gluegt, diä isch würklich nid so schlächt. Grad für Lüt wo viel vo denä Film hüt lueged und absolut lahm findet, zum z verstoh werum das ebä evtl. vor so und so viel Johr ganz andersch usgseh hed.

vorallem zeigt er werum die hütige film lahm sind. speziell d'remakes.

Acid hat geschrieben:

Tatsujin hat geschrieben:muesch mal d doku bezüglich em curse of poltergeischt luegen

besser wahrschindlich dasis siloh um was gots... eifach drum dass öber gstorbä isch... mit so Züg chani denn no ehnder umgoh.

hui nei, da isch scho no chli einiges meh passiert :fiiir:

Aber machmi nid no gwundriger... suscht sigt d Neugier wieder einisch meh über s bessere Wüssä