The(G)Forum

Hüt morge ufem Mattmark Stausee

Dä Gletscher isch krass zruggange idä letschte Jahr

Guckt was mir heute über den Weg gelaufen ist, hatte leider nur das Handy dabei, dazu wars stockdunkel. Die Amphibie ist jedoch so auffällig, die erkennt man von weitem:

Ist auf der roten Liste unter "Verletzlich",
Die seltenste Amphibie die ich je sah wars jedoch nicht, das war eine Geburtshelferkroete mitsamt Laich, die ist stark gefährdet. Da muss man schon viel in der Natur sein um die jemals noch anzutreffen. Die Seltenheit ist etwa gleichgroß wie beim Laubfrosch, auch der ist leider jetzt stark gefährdet.

Die Intensivlandwirtschaft tut denen leider nicht gut aber die Leute wollen es ja nicht anders. Haben wohl Angst zu verhungern.

delete repeated words

Schön sone Fürsalamander, hani die letschte paar Johr es paar gseh. Hami de chli informiert wägem Gift; für Tier nid ungefährlich.

Tuene bitte mälde, gid e super App defür. Danke

http://www.cscf.ch/cscf/de/home/datenve ... --app.html

Wunderschön und faszinierend esch eusi wält. So wie vieli tierarte (zb hase, wolf, hirsch, grasfrosch usw) hend sech au vieli füürsalamander id höchi zruggzoge, wos chli weniger gstört sind und somit als art en besseri chance zum überläbe hend. Wiedermol en positive aspäkt vode klimaerwärmig..

Cha leider ke fotis meh ufelade irgendwie, ha letschti paar schöni und sälte bsuechti ort erkundet ide zentralschwiizer voralpe..
..drunder esch die einzigartig Sätteliteufi. En ort wo vergissisch, dass no uf dere wält besch. Unfassbar schön und wild..

Alles über T4 hani zfescht angst
Ich muen unbedingt mal paar Chlätterkürs mache, Sicherig, Umgang mit Seil usw.

Findsch überall (uf fasch jedere bärgchetti) wanderige au im homöopathische beriich (bis t3/t4) wo ke anderi lüt atriffsch, oder nur iheimischi. Unmarkierti oder vo locals markierti route gits tuusigi, au söttigi wo ned muesch anst ha. Da hätti paar schöni uf lager für dech..

Und für t5 oder t6 bruuchsch au ke seil, drum äbe no das "t". Eifach langsam a exponierts bzw steils gländ änetaschte, gränze verschiebed sech und sind nie igmeisslet. Be grad chli am t6-luft schnuppere die letschte toure.

Aber wenn wotsch go chlättere mit seil und so, de esch sone kurs sicher ned verchehrt. Würd mer au guet tue, be en wildsau mit seilfüerig etc..

Ah, ja eh, bsunders im Uri und Glarus hani scho Route gmacht, wo praktisch niemert triffsch und unglaublich wild, rauh und romantisch sind.
Ganz churzi Chlätterstelle sind sälte es Problem (au wänn rächt intensiv empfunde vo mier) aber dänn gits halt so Sache, wo weder Wandere no Chlättere sind.
Hätt kei Ahnig, wie ich die wür bewältige. Schlimmscht findi so Abhäng/Felsbänder wie da. Wie chasch di da überhaupt absichere? Wänn bitzli im Fels bisch, häsch wenigsch richtige Halt, aber das i dä Bilder isch dä Horror (Guet, das isch scho en Hochtour)
Und dänn begib ich mich halt lieber nöd uuf e Wanderig, wo höcher als T4 isch, will dänn ebbe zimlich sicher so Passagene ahtriffsch.

Will mich au langsam bitz meh über miine Gränze wage. Ha sGfühl, dass evtl. paar Bergstiigerkürs, wo vo dä Schwierigkeit über die übliche Wanderskala gönd, interessant wäred, i dä Hoffnig, dass ich mich im Nachhinein innerhalb dä Wanderskala sicherer fühl. Mal luege, ob die Strategie uufgaht.

i finda so schrägi, rutschigi wiesene scheisse, wia dr startplatz marbachegg zum biischpiil.

Abschüssigi traverse sind au für die meischte güebte alpinischte kes chinderspiel, schräg abstoh will au güebt sii. Defür sind so kürs scho guet, aber nur dür gwöhnig chasch au "elei" a schwierigeri sache. Die woni kenne und uf gfüerti toure gönd, die traued ned elei, weils äbe die erfahrig nie gmacht hend.
Neui routene gangi immer zersch elei, au be hochtoure, ersch denn chani ischätze wär ech da uf so route mitnime. Und im "unbekannte" gländ möchti lieber nur mini eiget sicherheit prüefe. Da fühl mi us erfahrig wohler debii..

Letschti de wiss tritt deruuf ide gägend walestöck, en t5-route mit 2er chräsmelistelle. Pflotschnass esch das schnell zum t6/3er worde. Vell erfahrig het mi det sicher deruuf bracht, und vertraue i mini fähigkeite. Wenn ned komplett be dier sälber besch, denn besch det am falsche ort. Da hätti niemols öper mitgnoh, ussert velecht de alain oder eine vo sine kollege..

Uf de meischte hochtoure oder wilde toure under 3000hm chasch dech nur bedingt oder gar ned mit seil sichere,weil bohrhake fähled oder s'gländ gar ke sicherig zueloht. Be sälber gaaar ned de fründ vo "am seil laufe". Wenns ned ganz churz esch und du s'stürze ned sooo lang güebt hesch dass sicherig reflexartig funktioniert, denn hesch de saloot wenn eine usrütscht. Würd nie im läbe amne lange seil goh wenns ned a hake oder zumindest um felszacke gsicheret esch. En andere in tod mitriisse, ganz truirigi gschichte hani da ghört..

Jetz gohts ab über giswilerstöck, schafnase und rossflüe, hütt be nässi wohl ned sones harmloses t5.

Übrigens: Feschti bärgschue (vore unbeweglich und stigiisetauglech) bruuchsch ersch ab t5. Lönd euch ned die tüüre adräie wenn ihr nur bis t4 wandered. So feschts gschmöis bruuchts ächt nur be schnee/iis, sehr steile traverse oder im gröll. Zum chräsmele uf mixed-route sinds eifach sehr chlobig..

T5 barfuess

mach paar schöni steiböck und mungge föteli

gandalf hat geschrieben:i finda so schrägi, rutschigi wiesene scheisse, wia dr startplatz marbachegg zum biischpiil.

Nüt gäge d'marbachegg du scheiss bündner!

Grisu hat geschrieben: ↑29 Sep 2021 05:47 Die woni kenne und uf gfüerti toure gönd, die traued ned elei, weils äbe die erfahrig nie gmacht hend.

Neui routene gangi immer zersch elei, au be hochtoure, ersch denn chani ischätze wär ech da uf so route mitnime. Und im "unbekannte" gländ möchti lieber nur mini eiget sicherheit prüefe. Da fühl mi us erfahrig wohler debii..

...

Wenn ned komplett be dier sälber besch, denn besch det am falsche ort. Da hätti niemols öper mitgnoh, ussert velecht de alain oder eine vo sine kollege..

Absolut, ich gahn au fascht immer allei, will miin eigene Rythmus und miis Tempo pfläge und will nöd dLascht vo dä Verantwortig träge, wo miini Uufmerksamkeit teilt.

Grisu hat geschrieben: ↑29 Sep 2021 05:47 Be sälber gaaar ned de fründ vo "am seil laufe".

Du meinsch zu zweit am gliiche Seil ahbunde? Oof, lieber nöd, nei. Wär definitv nüüt für mich.

turntablism hat geschrieben: ↑29 Sep 2021 06:14 T5 barfuess

mach paar schöni steiböck und mungge föteli

Chase nüm ufelade

Bi am Wekkend go übernachte uf dr Jungfrau, also Mönchsjochhütte. -12 Grad. Schono es schöns Erlebnis gsi. Aber ha die Höchi scho zimli gspürt leider, Kopfweh, flimmrige Auge, eifach z wenig trunke sicher ou. Nach 5 Stange Bier isches när besser gange. Ganz cooli Lüt troffe, zämä trunke, Spass gha, tiptop. Gani sicher nomou, ide Berge triffsch eifach die Beschte Lüt.

Und am Morge abe loufe bi Sturmwind und Sunneufgang isch scho episch!

Sehr schön
Ja ide Hüttene triffsch immer super Lüt. Wett au wieder mol, Isch scho 4 Jahr her sit de letschte SAC Hütte.

Wäge Bier und Höchi; gats nur mir so oder fahrt de Alkohol weniger ih je höcher das mer isch?

Berechtigti Frag. Ha eigentlich ou fasch nüt gmerkt obwohl ig recht gsüfflet ha. Derfür hani nonstop müesse Wasserlah... :typej:

Schiint sonen Höheeffekt z si.

Augschtmatthorn / Brienzergrat. En wildi Steibockkolonie läbt dert.












Ok, bitzli kackuflösig, isch halt no es alts Gayphone 6. :typej:

Uf dä Gipfel hinge simer no gstiflet. Scho chlei Bammel gha. 1 falsche Tritt und das wars wohl... Aber süsch en machbari Rute. schöni Ussicht!

Mega schön, ha Steiböck no nie uus däre Nöchi gseh. Was isch dä Uusgangspunkt gsi vo dä Wanderig?
Ha au scho rächt bränzligi Momänt gha. Sött mier ändlich es paar Grödel chaufe, wär einiges weniger präker gsi mit Grödel ah dä Scheiche.

Grödel si scho en geuti Sach, grad bi vereiste Sache. Hani aber nid brucht. Derfür isches seeehr sehr matschig gsi, was ou nid grad hilft... Usgangspuckt isch Lombachalp. När stigsch zimli direkt ufe und folgsch dr Gratwanderig. Chöntisch när bis uf Interlaken tigere, mir si aber früecher zrüpgg, da es scho am Inachte isch gsi.

Aber sehr schön weme di Steiböck-/innen gseht, muesch eifach wüsse wenn z nach bisch...


Quelle

Da no Jungfrau-Chilling.


Quelle

Probiere nomou z gha im November. Vielech überläbis ja...brrrrrr....

schöni sach.