[OT]Generelles Politik-Topic

[emP]

krässer isch eigentlich, dass wenn Du Vorbezüg hesch vo Dine Eltere, die numme langsam als söttigi Verjähre. Wenn also Dini eltere ines Heim chöme etc. cha uf das Geld zrüggriffe werde.

[Jones]

ja ig weiss. het üsi family vor 2 jahr bim notar o besproche...

[G-ay-lien]

Logisch isches schomal verstüred worde und mer muess au unbedingt beachte, dass oft Firmene, Hüüser usw. vererbt werded und verstüüred werde müend, aber t Erbe kei Cash hend, zum die Stüüre zahle => Zwingend muess denn s Objekt verchauft werde, was i gwüsse Konjunkturlage, oder aber au usenem emotionale Blickwinkel, sehr sehr truurig si chan. Historisch gseh duet en höcheri Erbschaftsstüür jedoch massgeblich dezue biiträge, dass e Gsellschaft als ganzes fairer blibt und het, denki, au Uswürkige druf, wie effizient das vererbte Kapital würklich gnutzt wird. Uf jede Fall schiintsmer sehr viel tüüfer z'gah, als dassmer eifach mit "Vermöge isch schomal bestüürt worde!" argumentiere chönt, das isch zu eifach für die Thematik.

Und Sozialhilfebiiträg sind volchswirtschaftlich würklich rächt irrelevant. Natürlich machts sich im Budget vom Staat bemerkbar, aber es isch glichzitig au no es huere guets Konjunkturpaket fürd Wirtschaft. Bi dere Diskussion gahts aber glaub sowieso eher um de Betrug, und det muessmer unbedingt au guet aneluege. Chan aber würklich nöd verstah, wenn gwüssi Lüüt verlanged, dassmer e konformi IV-Rente/Sozialhilf immer wider muess überprüefe, die Lüüt aatanze lah, t Rente schlussendlich doch chürzt usw. - das chas nöd sii. Aber ebe, oftmals hani eifach s Gfühl, dass i oisem Land irgendwo ide Justiz de Wurm drin hockt. Vielfach het t Politik inkl. Volch scho geeigneti Rahmebedingige festgleit, wo eigentlich würed nütze, aber irgendwie schiint sich denn schlussendlich doch nie was z'ändere.

[Jones]

Erbschaftsstüre gitts überall. Im Kapitalismus völlig ok.

Wenn ig di würd astelle und di mit mim Geld zahle, so hani das o scho mal verstüret, und du muesches wieder verstüre.

tuesch itz es chef/agstellte verhältnis (lohn) miteme vater/sohn (erbschaft/gschänk) verhältnis vergliche? das wird ja immer besser..

[emP]

Erbschaftsstüre gitts überall. Im Kapitalismus völlig ok.

Wenn ig di würd astelle und di mit mim Geld zahle, so hani das o scho mal verstüret, und du muesches wieder verstüre.

tuesch itz es chef/agstellte verhältnis (lohn) miteme vater/sohn (erbschaft/gschänk) verhältnis vergliche? das wird ja immer besser..

ig versueche Dir das für die verständlich ds erkläre.
Geldflüss werde oft mehrfach verstürt. "es isch ja schomal verstürt worde" gilt ja bi jedem Vermöge. So wär e Vermögenstür per se ja au scho falsch.

[Jones]

Logisch isches schomal verstüred worde und mer muess au unbedingt beachte, dass oft Firmene, Hüüser usw. vererbt werded und verstüüred werde müend, aber t Erbe kei Cash hend, zum die Stüüre zahle => Zwingend muess denn s Objekt verchauft werde, was i gwüsse Konjunkturlage, oder aber au usenem emotionale Blickwinkel, sehr sehr truurig si chan.

genau um das geits mir! das cha jede träffe! oder wenn eine es kmu erbt und ke cash het...
da findis problematisch! wenn e hirschmann 500mio vom vater erbt, isch das chli öpis anders... lol
und grad vor 0815 bürger, wo sich z'wenig uskennt, cha de äbe die löcher nid usnütze und zahlt voll...

gschieder mau börsegwinn bestüüre! da triffts wenistens nid dr normal bürger i däm usmass...

[Jones]

[quote="emP"]


ig versueche Dir das für die verständlich ds erkläre.
Geldflüss werde oft mehrfach verstürt. "es isch ja schomal verstürt worde" gilt ja bi jedem Vermöge. So wär e Vermögenstür per se ja au scho falsch.[/quote]

bi nid sicher aber d'schwiz isch doch eis vo de wenige länder, wo das het nid?
zudem isch vermögens-bundesstür ja itz würklech seeeehr töif u da zahlt dr arm bürger fasch nüt dra!

[G-ay-lien]

gschieder mau börsegwinn bestüüre! da triffts wenistens nid dr normal bürger i däm usmass...

Denn müssted aber au t Börseverlüscht aagrechnet werde chöne Immerhin kritisiert mer ja scho di ganz Ziit, dass gwüssi Management kei Risiko übernähmed, aber prächtig absahned. Wennmer Börsegwünn verstürt macht de Staat eigentlich genau selbiges au. Was übrigens keim vo ois nützt, wenn t Pensionskassene Milliarde an Staat dörfed ablifere unds denn nachem nächschte Börsecrash grad e doppled so krassi Underdeckig git, denn dörfed eifach t Arbetnehmer* wider nachezahle

Grundsätzlich chanmer devo usgah, dass t Börse s systematische Risiko fair vergüetet, wird uf das Risiko vomene Staat e Stüür behobe, denn göhnd eifach all institutionelle anen andere Ort und die wo säb nöd chönd (normali Sparer, PKs usw.) döfed denn t Stüre abzahle findi kei gueti Idee, ganz und gar nöd


*e: Im Fall vode PK vom Kanton Züri: de Stüürzahler

[Sylvara]

e lottowgwinn wird o verstüret, oder? jedi art vo zuesätzlichem iikomme söll pro person verstüüret werde, logisch. es isch e zuesätzliche gwinn, es nebe-iinahm und zudem unverdient. spielt kei rolle woher dasses chunnt. und wer erbt sowieso in dr regel grossi beträg?

erbschafts- und vermögensstüür endlich agmesse apasse und es wär scho einiges widr im lot. es 'bruucht' garniemert unbegrenzts vermöge. ds gegeteil allerdings scho.
es hätt für alli gnueg, wenn paar mensche nid so unglaublich masslos und gierig wäre. so simpel isches tatsächlich - o wenn mer's ewig in hochgstochne polit-diskussione cha zerrede.



ahja und ds märli vom normalverdiener, wo dür ebschaftsstüür oder höcheri iikommens-stüür sött benachteiligt sii, isch scho sit vorgester nurno peinlich.
langsam chönnt mer meine o dr letzt tubel het verstande, warum bürgerlichi parteie tiefi stüüre propagiere und wem dasses tatsächlich nützt. und nei, mir ghöret all nid derzue - aber o d'mittelschicht tuet sich schwer das ds begriife.

[Moff]

D'svp behauptet halt sie seig fürd mittelschicht bzw. ghöri selber dezue. de millioneschweri giezedanner zB.
Wobi das bi dere vermögensverteilig nidmal meh falsch isch. mir sind alli underschicht und nur na wenigi sind uf de obere siite vode scher

[G-ay-lien]

JEDI Partei behauptet si seg für t Mittelschicht, well sich di ganz tatsächlichi Mittelschicht, en Teil vode Oberschicht und beinahe di gsamt Underschicht mit "Mittelschicht" aagsproche fühlt
Es isch eifach echli truurig, dass vili Lüüt nöd recht realisiered was t Parteie überhaupt mit gwüssne Manöver veraastaltet. Di absolut Mehrheit sött eigentlich gägä Stüürsenkige sii, aber di meischte fühled sich trotzdem wahnsinnig vil geiler, wenns plötzlich 100.- weniger Stüüre zahle müend, welli Konsequenze das denn effektiv hät.. naja, was sölls..

[Sylvara]

Di absolut Mehrheit sött eigentlich gägä Stüürsenkige sii, aber di meischte fühled sich trotzdem wahnsinnig vil geiler, wenns plötzlich 100.- weniger Stüüre zahle müend, welli Konsequenze das denn effektiv hät.. naja, was sölls..

aber das isch ja u.a. ds problem vo links-parteie; du muesch meh als 1 gedankegang mache, zum so zämehäng ds erkläre. es isch ebe nid ganz eso eifach, plakativi sprüch ds klopfe à la 'tiefi stüüre für alli' (olol)...du muesch vomne wähler uusgha, wo sich paar minute zyt nimmt ds verstah, wieso er nid dervo profitiert und sini 100 franke lächerlich sind im vergliich derzue, was dr staat denn verlüürt. und warum genau eso wiedermal profit privatisiert und verlust verstaatlicht werde, zu sine ungunste.
das isch viel e grösseri heruusforderig zum politisiere. und dr 0815-wähler het nunmal nid die grösst attention span. zudem find ich zb. d'SP megafail wenns drum geit volksnah ds kommuniziere, anstatt wie e club vo intellektuelle trottels... aber ebe, d'SP isch o scholang kei "arbeiterpartei" meh, wenn dir die lüüt so aaluegsch.

es isch eifach konsevativ d'sii; viel schwieriger isches änderige herbiizfüehre und lüüt indirekti zämehäng uufzzeige.

[thaeye]

okokok, widr mal die bös rechte und die guete linke. ihr sind unglaublich. egal. machet ihr ruhig wiitr, änderet sich glich nix. lol.

[Sylvara]

wenns eso eifach wär, wüsst ich amigs sofort wie wähle
links und rechts bezeichnige sind eh tumm.

[thaeye]

s grosse problem vo de linge internationale szene isch die *unverrrückbari* globalisierigsvorstellig. lueg mal im eu parlament (barroso en ehemalige maoist, cohn bendit au en schlimme finger), s EU Parlament isch klar links grichtet, sie haend da vill verbockt, mit eme parlament ähnlich zur schwiiz wär villes nöd so passiert. die einzige konservative sind ja d UKIP us de UK und das au als einzige Oppositionspartei im EU Parlament.

egal, es isch eifach grösser als nur rechts-links.

rechts wird au als links verchauft, links als rechts. d parole tönet amel guet, d uswürkige meistens uf de gegesätzlich siite.

[Moff]

Nur willmer d'svp als gröschts übel vo dem land erkennt ischmer na lang kein linke oder gege rechts. sp findi au ultrascheisse aber i keinschter wis gföhrlich

[Moff]

Ja guet es bitzli scho mängisch

[thaeye]

d svp isch nie s gröst übel i dem land. da gits vill schlimmers. immerhin gits die partei doch scho au scho jenstes und dank ihre simmer nöd id eu. immerhin was.

svp und gföhrlich :typej: sry machsch dir grad chli eifach. git regierigsssystem i dene muesstisch du jetzt mitere voll svp regierig lebe.

[Sylvara]

s grosse problem vo de linge internationale szene isch die *unverrrückbari* globalisierigsvorstellig. lueg mal im eu parlament (barroso en ehemalige maoist, cohn bendit au en schlimme finger), s EU Parlament isch klar links grichtet, sie haend da vill verbockt, mit eme parlament ähnlich zur schwiiz wär villes nöd so passiert. die einzige konservative sind ja d UKIP us de UK und das au als einzige Oppositionspartei im EU Parlament.

gseh ich genau gliich.
wenn bi üüs wettsch sozialdemokratisch wähle, aber zb. nid id EU wettsch, hesch es riese problem.
und persönlich find ich überhaupt nid, dass das unvereinbar isch.

und ich finds ebe garnid guet, wenn mer nur wege dem den SVP "mues wähle"; e riese fark sind so unheiligi allianze.

[thaeye]

deshalb probier ich wahlgschäfter z wähle und nöd parteie. es isch kompliziert worde. min 1. prio isch halt würkli de eu biitriit, will so wie die ufgstellt sind, chöntets de ganz kontintent europa is verderbe riise. es isch für mich s wichtigst thema, drum wähl ich svp i dene belange. git anderi bereich wo sie für mich aber völlig denebet liget.

s politische system da isch scho nöd so schlecht, klar gits polemisierige etc. aber das isch i oppositionssystem den nah vill verreckter.

[G-ay-lien]

Lulz, die guete linke?

Sorry, falls ich das Bild vo mir hett sölle vermittle, dass ich de linke Parteie zugneigt bin. Aber ich haltes für sinnvoll, wemer gwüssi Aspekt differenziert betrachtet und nöd eifach enere Partei nacheplappered. All Pol-Parteie sind für mich total unwählbar, wells vil zu oft uf "schwarz-wiis"-Denke uselauft bzw. das de Ursprung isch, imo.
Leider, zumindescht isch das mini Meinig, hend oisi Mitte-Parteie CVP und FDP massiv verseit. Händ oftmals nur drüber debatiert, öb si sich de Meinig vode Rechte oder de Linke sölled aaschlüsse, anstatt selber Idee und Initiative ane'zbringe. S Themegebiet bzw. t Chernkompetenze vode FDP würed waaaaaaaahnsinnig vil Materie büüte für sinnvolli Debatte, aber es lauft ja ide letschte 4 Jahr nur uf t Usländer use Es isch eigentlich recht truurig, aber ebe, im Endeffekt bini denn doch au froh, dass t SVP dominiert het ide letschte Jahre. T EU glicht enere Verbrecher-Gsellschaft, grad vorher isch mer uf wikipedia ufgfalle, wo ich mich über Guernsey informiert han:

... Obwohl Guernsey nicht EU-Mitglied ist, wird es dennoch von der EU gezwungen, sich ihren Regularien zu unterwerfen. ...

Das findi en absoluti Katastrophe, aber so funktionierts ebe. S Problem isch, dass so viel Lüüt t Grundidee vode EU so guet findet, dassmer nüm über di tatsächlichi Umsetzig dörf / chan diskutiere. Als Gegner wirdmer oft ine argi rechti Position gstellt, mängisch wird eim sogar Rassimus und Fremdefeindlichkeit understellt, debi isch t Souveränitat vomene Staat nöd eifach es rechtspopulistisches Schlagwort..

[Moff]

Wenn dich mit de einzelne persone usenandersetzisch merksch dass au bide sp une allgemein linke scho gar ned all für en eu bitritt sind. de han ich au nie welle.

[Acid]

Ich bin jo nid de Meinig das Stürä irgendes Problem werded lösä... aber ebä, im Prinzip immer s glichä Thema.

[G-ay-lien]

wenn bi üüs wettsch sozialdemokratisch wähle, aber zb. nid id EU wettsch, hesch es riese problem.
und persönlich find ich überhaupt nid, dass das unvereinbar isch.

Hani gar nie drüber nachedenkt, merci!
Ich denke söttig überleggige sind denn au usschlaggebend gsi, dass sich Parteie wie t glp und BDP (zumindescht no imene chline Stiil) hend chöne "etabliere" (bzw. überhaupt uf nationaler Ebeni ufträtte).. Da gäbts also no vil Potential füre neui linki Partei

[thaeye]

isch allgemein momentan chli in europa d stimmigslag. mit sonere partei chöntsch momentan recht stimme hole. d rechtsparteie holet die halt bi lüüt wien ich mit ihrer "klarere" positionierig. deshalb au de ufschwung in finnland etc.