The(G)Forum

Spielt sich wükli super und es gseht wunderschön uus! Nume d'Ladeziite reged mi recht uuf!

säg nüt! wartisch ewigs...
aber süsch findis o rächt geil bishär...

jup, Ladeziite, DAS grosse Manko bi dem Spiel...
und nach 12 Stund muessi au säge: Abwächslig chönt grösser sii. Es stellt sich scho e gwüssi Langeweile ii bi mier. Nöd so heftig wie bim Diablo, dette hani müesse nach paar Stund höre unds Spiel verchaufe, so langwiilig hanis gfunde. LOL.

12h? chunnt dämfall nöd meh?

ich bin erscht uf de Venus... aber bis jetzt isch es immer gliich. Laufsch noimet ane, wirsch überrannt, muesch di verteidige, de ghost noimet ane stecke und denn laufsch noimets andersch ane, wirsch wieder agriffe, verteidigsch dich, stecksch de ghost wieder noimets ane....... etc. etc.

Uf de Erde sammlisch Spin-Metal, ufem Mond Lücht-Zylinder, uf de Venus, lücht chugle. Immer sgliiche Schema.

und Story isch = 0 ... irgendwie... zumindescht gaht die total a mir verbi. es gitt ja nur e handvoll cut-scenes und die sind rächt blablablasius...

Gägner gitts au nur 4 Klasse mit je 3-4 Variatione. Bitz wenig irgendwie.

Vehikel hani bis jetzt 1 gseh, näb dim eigete Töff... en bitz grösserere Töff mit MGs LOL... ufem Mond.

Da hett Halo also scho einiges meh bote... nöd? Oder bin ich nur verwöhnt... ??

verstah mi ned falsch. es isch scho geil, und ich han spass! speziell de coop modus isch super...
aber irgendwie fehlt mir was woni chönt säge WWWWOAH, GEIL! ... de mit de geile Grafik isch nämli nach paar Stund au verbi...

Edit: nach de Venus chunt no 1 Planet, de Mars... und denn isch scho verbi

ne ich bin ja au uf dä venus und han ebä au gfunde, es wiederholt sich eifach zfescht. ha gmeint da chäm no meh.

d'wälte gsehnd geil us, sind schön gmacht ja. gägner häts viel zwenig, eifach viel, wenns dänn mal chömmet. 2-3 grösseri brocke, aber nüt spektakulärs. d'waffe unterscheidet sich ja au nur minim.

bin chli entüscht, total geil am afang, aber wenns nur so wiiter gaht...

Master(G) hat geschrieben:jup, Ladeziite, DAS grosse Manko bi dem Spiel...
und nach 12 Stund muessi au säge: Abwächslig chönt grösser sii. Es stellt sich scho e gwüssi Langeweile ii bi mier. Nöd so heftig wie bim Diablo, dette hani müesse nach paar Stund höre unds Spiel verchaufe, so langwiilig hanis gfunde. LOL.

bisch halt kein loot huuur. das wird s ziel sii vom spiel, bessere loot, drum gfallt dir diablo au nöd. levle isch eigentlich s VORSPIEL zum eigentliche spiel. sobald endlevel häsch gats erst richtig los. gnau glich wie bi diablo.

ja darum spiel ich jetzt mal no wiiter...
wie gseid, ha scho spass, mit kollege spiele isch geil... händ jetzt jede tag im team missione gmacht, isch cool...

max level isch ja glaub 20... dette bin ich ja gllii... und de luege mer was no chunt.

wasi au bemängle: die 3 klasse wo chasch wähle, spielet sich praktisch genau gliich. ich han jetzt en Hunter uf Level 13 und en Titan uf Level 9... ich merk also kein grosse unterschied, spielerisch... eigentlich nur optisch.

häsch ja subclass erst ab 15.

Master(G) hat geschrieben:ich bin erscht uf de Venus... aber bis jetzt isch es immer gliich. Laufsch noimet ane, wirsch überrannt, muesch di verteidige, de ghost noimet ane stecke und denn laufsch noimets andersch ane, wirsch wieder agriffe, verteidigsch dich, stecksch de ghost wieder noimets ane....... etc. etc.

Uf de Erde sammlisch Spin-Metal, ufem Mond Lücht-Zylinder, uf de Venus, lücht chugle. Immer sgliiche Schema.

und Story isch = 0 ... irgendwie... zumindescht gaht die total a mir verbi. es gitt ja nur e handvoll cut-scenes und die sind rächt blablablasius...

Gägner gitts au nur 4 Klasse mit je 3-4 Variatione. Bitz wenig irgendwie.

Vehikel hani bis jetzt 1 gseh, näb dim eigete Töff... en bitz grösserere Töff mit MGs LOL... ufem Mond.

Da hett Halo also scho einiges meh bote... nöd? Oder bin ich nur verwöhnt... ??

verstah mi ned falsch. es isch scho geil, und ich han spass! speziell de coop modus isch super...
aber irgendwie fehlt mir was woni chönt säge WWWWOAH, GEIL! ... de mit de geile Grafik isch nämli nach paar Stund au verbi...

Edit: nach de Venus chunt no 1 Planet, de Mars... und denn isch scho verbi

demfall nöd überraschend en triple A rohrkrepierer? es isch scho truurig.

es isch es diablo inere sci-fi welt. wer was anders EPISCHS erwartet haet, ja den........beurteile chames erst im end Content Bereich.

ich hoffe schwer, dass de mangel a inhalt und abwächslig de viele DLCs gschuldet isch, wo irgendwänn mal no chömed.
activision sind ja bekannt als ziemlich geldgeili möngel, wo dir farbeschemas für waffe für 2 stutz pro stuck verhöckeret LOL (siehe CoD Ghosts)
wobi, ich han no kein season-pass kauft und ich weiss jetzt au nöd, ob ich die 45 stutz söll usgäh ehrlich gseid...

Master(G) hat geschrieben:ich hoffe schwer, dass de mangel a inhalt und abwächslig de viele DLCs gschuldet isch, wo irgendwänn mal no chömed.

wieso hoffe? die DLC würsch demfall denn alli chaufe, also die verarschig mitmache?

chunt druuf ah, was genau ich überchum.

ich erwarte nomal soviel planete wie bisher, also nomal 4... und dutzendi missione uf bestehende planete, in neue areal...

wenns gnueg value für de chole gitt, denn ja, würdi de shizzle wohl chaufe... in form vome season pass....
will, gfalle tuets mer ja eigentlich scho.

Has ja scho lang gseit, mit dr Beta het mä eigendlech scho fasch s ganze Game gseh, glich machs rächt spass, und isch huere geil inszeniert, wie geil würs äch usgseh wenns nume für next gen wär gmacht worde?
Und wenn de nume au 3 Monet mau es paar neui Missione statt planete oder äbe richtig viel neuem Inhaut chunt, denn isch Destiny eigendlech zum schiterä verurteilt

Isch halt keis mp mass effect

nei isches nöd. es isch en shooter im diablo stil. loot und namal loot und chli raids.

ja aber bitz meh umfang als es HALO hätti scho erwartet, Du ned?

oder chamer Diablo au i 15-20 stund durespiele?

Git also nume 4 Planete z bsüechle? Was fürne Destiny...

Master(G) hat geschrieben:chunt druuf ah, was genau ich überchum.

ich erwarte nomal soviel planete wie bisher, also nomal 4... und dutzendi missione uf bestehende planete, in neue areal...

wenns gnueg value für de chole gitt, denn ja, würdi de shizzle wohl chaufe... in form vome season pass....
will, gfalle tuets mer ja eigentlich scho.

wie xeht d'spilizuekumft us wenn das zum standard wird? und das wirds wenn nur gnueg lüüt mitmache. DLC isch fair wenn s'hauptspiel scho verhebt wie zbsp Dark Souls, aber so wie du de da beschriebsch isch es verarschig.

Spielt niemerd Crucible?

ja diablo chasch locker sogar in 5 stund uf normal durespiele, den gits härteri Schwierigkeitsgrad wo de loot halt besser isch etc. etc. irgendwaen bisch lvl 70 und den gats nur na um de loot und verbesserig vo dinere usrüstig. destiny wird ähnlich funktioniere.

Supersonic hat geschrieben:Spielt niemerd Crucible?

doch, ich ha geschter 2 stund investiert... was willsch wüsse?
isch ziemlich chaotisch, wäg all dene spezial-fähigkeiten, triple-jumps und und...
ich has au nur gspielt, will mer dette schneller levlet unds will es paar fetti waffe und rüschtige zhole gitt.

zwirrlibatz hat geschrieben:wie xeht d'spilizuekumft us wenn das zum standard wird? und das wirds wenn nur gnueg lüüt mitmache. DLC isch fair wenn s'hauptspiel scho verhebt wie zbsp Dark Souls, aber so wie du de da beschriebsch isch es verarschig.

du das isch ja scho es paar jahr gang und gebe... jede shooter vode letschte jahr isch bim release grad mal 30% vo dem, was er nach eme Jahr DLC isch.... Battlefield... Call of Duty... you name it. Mer werdet scho länger düber de Tisch zoge, wenn so willsch.

Handkehrum choschtet söttig games zum mache jetzt eifach 100x meh als vor z.b. vor 10 jahr und irgendwie muesch de chole wieder inehole. spiili sind ja immer öppe gliich tüür sitt jahre.. das chan ned ufgah. vo dem her nimm ichs mit eim weinende und eim lachende aug.

und nomal; ich bin erscht level 13... evtl. tuets game ja würkli erscht uf ab level 20 und es chunt no viel, woni nonig känne. abwarte.
bungie hett gseid, sie wänd das spiel 10 jahr wiiter zieh. es söll quasi es WoW für shooter fans werde. also chamer annäh, dass no viel chunt.
4 planete und 6 strike missione isch ganz sicher ned sänd vode fahnestange.