The(G)Forum

Acid hat geschrieben:Also schädlich für de Apparat? Was sind denn das für Gschmäcker bzw. uf was bassierd das, wemer z.b. en Pfäffermünz Gschmack will, oder irgendöpis anders pflanzlichs?

Schädlich für de Aparat und d Lunge.

Isch sehr sehr unterschidlich. Es sind ganz normali Lebensmittelarome wie si au i "jedem" andere Produkt zum Isatz chömed. Manchi Arome sind natürlich, anderi künstlich. Erdbeer-Arome werded (weni da richtig Informiert bin) z.B. no oft useme bestimmte Pilz züchted. Anderi Arome werded direkt irgendwie usem Original extrahiert und wider anderi sind komplett usem Labor. Ich verwende im Alltag idR natürlichi Arome vo Dragonspice...kei Ahnig ob die tatsächlich gsünder sind aber "natürlich" tönt halt eifach besser xD

pfäfferminz giz minze für oder ebe grad richtigs methol i reinform.
ich weiss gnau was i mim drin isch.

schädlich für de apparat isch ja eher luschtig. machsch ja eh jede monet ca. en verdampfer(coil)wächsel.

so... 14 Tag rauchfrei und nid einisch gluscht ufne zigi gha

congrats. wenn so wiit bisch cho, heschs eigentlich bereits überwunde

Ich rauch so all 2mönet je nach party kaländer

ich rauch gar nüme. ich bin mega

Ich räuchle mengisch au na...je nach dem wasi susch na so konsumiert han. So Amphi oder MD oder Rauch gat gar nid. S Guete isch aber, dasi am nögschte Tag eifach wider demit chan ufhöre

ich finde rauche inzwüsche absolut redundant und au gruusig dezue.
wüsst gar nöd, werum ich namal en pyro sell is muul ne? git kein grund meh de dezue.

danke dampfe.

Guet findis au nüme...s gat debi amigs eher um das typische Rauch-Chraze im Hals....Dampf isch halt scho es biz andersch, selbst mit Nikotin. Rauche an sich isch imo eh nid s Problem, sondern d Sucht und de täglich Konsum...und da hani überwunde bzw. ersetzt.

das stimmt. ich bin ja au na nach de suechi vom perfekte throat-hit.

menthol und nic git scho mal en guete kick.

probiere bald mal na capsaicin und alkohol uus.

git ja jetzt schiins au scho es fertig liq wo sell en perfekte zigi throat-hit erzüge.

Ich han mal Coffein als Ersatz usprobiert...bringts aber nid so...

Ihr töned aber au chli wiä so Lüt wo kei Fleisch meh wänd ässä, und jetzt irgendwelche Industriefrass uf de Grill legged, wills ebä eigentlich glich wänd Fleisch frässä solangs kei Fleisch isch.

Xinobrax2 hat geschrieben:

Acid hat geschrieben:Also schädlich für de Apparat? Was sind denn das für Gschmäcker bzw. uf was bassierd das, wemer z.b. en Pfäffermünz Gschmack will, oder irgendöpis anders pflanzlichs?

Schädlich für de Aparat und d Lunge.


Isch sehr sehr unterschidlich. Es sind ganz normali Lebensmittelarome wie si au i "jedem" andere Produkt zum Isatz chömed. Manchi Arome sind natürlich, anderi künstlich. Erdbeer-Arome werded (weni da richtig Informiert bin) z.B. no oft useme bestimmte Pilz züchted. Anderi Arome werded direkt irgendwie usem Original extrahiert und wider anderi sind komplett usem Labor. Ich verwende im Alltag idR natürlichi Arome vo Dragonspice...kei Ahnig ob die tatsächlich gsünder sind aber "natürlich" tönt halt eifach besser xD

Bisch denn sicher du verwächslisch nid chli öpis, bezüglich Öl und so? Ätherischi Öl söttet eigentlich rückstandlos verdampfä, und au wenns Öl heissed, händs kei Fett. Wasmer vo Pflanzä schmöckt (oder besser riecht) sind eigentlich vor allem ätherischi Öl, und gwünnä tuetmers dur Wasserdampfdestilation, direkt us de Pflanzä. Insofern isch eigentlich e Phytoinhalation (öb jetzt mit Wasserdampf oder "trochä") vor allem es iathmä vo ätherischä Öl, will det au e hufä Wirkstoff drin sind.

Es isch au das was d Freaks i ihrnä Dufschäleli verdampfed.

Also uf d Dosierig und weli gnau müsstmer sicher Acht geh, aber mer würs jo sehr starch verdünnä i sonere E-Cigi.



Dasses Aromä sind nimi jo scho a, aber ich frögmi halt wases isch. Aroma isch kei Substanz, irgendöpis mues das Aroma trägä.

Tatsujin hat geschrieben:
probiere bald mal na capsaicin.

chasch vo mer e capsicum chinense rauche oder bitz milder e capsicum annum.

Tatsujin hat geschrieben:
probiere bald mal na capsaicin.

chasch vo mer e capsicum chinense rauche oder bitz milder e capsicum annum.

Acid hat geschrieben:Bisch denn sicher du verwächslisch nid chli öpis...

Ja...also ätherischi Öl sind ja mal grundsätzlich fettfrei, vo dem her theoretisch dampfbar, allerdings chunts au na recht druff a, i was si glöst sind. Propylenglycol oder Alkohol wär glaubs na ok, allerdings wäri bi so Zügs glich eher vorsichtig...ich han mal glese, dass vor allem Zitrus-Arome oft so hergstellt werded, allerdings ischmer de genau Prozess nid bekannt. Uf jede Fall würdi mit so 08/15 Fläschli mit ätherische Öl nüt mische...

Acid hat geschrieben:Es isch au das was d Freaks i ihrnä Dufschäleli verdampfed.

Ich bin eine vo dene Freaks


Edit: Hans gfunde, hier: http://www.e-rauchen-forum.de/thread-18 ... #pid399494" onclick="window.open(this.href);return false;
Also schinbar wärs theoretisch bedenkelos dampfbar...ich lan trotzdem lieber mal d Finger devo ^^

Ah ja stimmt, chund natürlich au no chli druf a wiä's gwunnä wird, do hani nid dra dänkt. Wenns mit Lösigsmittel extrahiert wird müsstmer scho wüssä mit was. Bi Wasserdampf Destilisation söt aber eigentlich es sehr reins produkt usä cho, und sowieso nüt wo nid au i de Pflanzä gsie wär.

Find halt d Idee no interessant, will mer denn au d Würkig vo de Pflanzä evtl. chli mitüberchämti... Am Obig irgendwiä ä Lavendel dampfä oder so Sachä.

Rauchfrei seit acht drei

8-3?

Ich vermuete sit Geburt anno 83

lolja

er isch mega

guets video, ha natürlich au vo diacetyl ghört

ich wär aber froh er würd sini ussage nid nur mit andere vape blogs sondern ame mit unabhängige links erlütere, dass zB zigarette ebe au diacetyl enthalte inere viel höhere konzentration
oder hesch du ev. sowas xino?

Nope, ich hans nid überprüeft...allerdings hani bereits einigi Ussage i anderne Videos überprüeft und die sind korrekt gsi, darum hani das jetzt eifach mal posted. S set aber nid all zu schwer si da genaueri Infos drüber z finde...idR nenned amigs au die Blogs Quelle wo nid direkt us de "Szene" chömed.

Philder sich plötzlich nüm so good wenns um dBrichterstattig god lol

Chanmer also au guet vorstellä dass das korrekt isch, und ebä, wemers wiä de Xino macht ischs eh am Beschtä, diä einzelne Träger puur chaufä und denn Aromä womer dri vertraut.

Aber diä ganz "mümümü Zigarette sind no viel schädlicher" Schienä findi vo Afang ah scho chli langwilig, und vor allem bi so Themä isch das Argumänt absolut sinnfrei. Schliesslich schiints jo allgemein Bekannt dasses sehr wohl Liquids gid wo das Züg nid drin händ (wenn das stimmt waser seit in Europa jo diä meischtä), denn gängts also um d Frog dampftmer Liquids wo das Züg drin hed oder nid, und nid um d Frog rauchtmer Zigis oder E-Zigis.

Au wennis e bitz verstoh zum d Verhältnis welä ufzeigä, Zigi rauchä isch eifach nid e guete Masstab wenns um d Gsundheit god. Will diesbezüglich isch viles besser, und trotzdem no komplett Scheisse. Und sälbscht wenns viel weniger schlimm isch, wenns nomol chli weniger schlimm god, spricht doch eigentlich nüt dägägä.

ich finds scho, dasses wichtig isch, dass zigarette schädlicher sind, mol. will für viele isch dampfe die weniger schädlich alternative zum rauche.
ich kenn au niemert wo würd eme nichtraucher dampfe nöchlegge. de phil fahrt die schiene ja au und das findi sehr vernüftig.
ich glaub ned, dassmer säge chan dampfe isch überhaupt ned schädlich, oder? es gaht umen weniger schädlichi alternative.
und denn ischs natürlich en witz wenn es drama bi e-zigarrte gmacht wird wähme stoff wo i zigarette 500mal stärcher drin isch.