The(G)Forum

60h und no keis endi in sicht und gfühlt d hälfti vode map immer no grau.
vermisse s explore i dem spiel. im RDR2 hets so viel details geh zum entdecke. schad, isch das i dem spiel nid au so.
chli meh abwechslig wär würklich unterhaltsam, z.B. mal en hangrutsch wenns regnet, en blitz wo ischlaht, etc.

das stimmt. empfind ich genau so.

ich han jetzt 93 stund gspielt und bruche en pause.

wirdes aber definitiv beände. motivation isch nöd wäg, ich chan eifach ned 1 spiel sooooo lang spiele.

guet, dass ubisoft grad gseid hett, dass es grössers update chunt, mit neue parkour-animatione und -bewegige.
und de DLC sig au scho glii nache...

Year 1 Roadmap:

https://www.thegnet.org/post/assassin-s ... ch-roadmap

Mai:

- neue quest "das werk des luis frois"
- neue parkour-animationen (side-eject, back-eject, vertical jump)
- kodex-aktualisierungen mit historischen fakten
- fotomodus update mit tag-nach-wechsel

Juni:

- neue quest
- neuer verbündeter für die ninja-league
- neuer schwierigkeitsgrad
- neues alarm-system für die open-world
- neue spieloptionen wie kopfbedeckung on/off in cut-scenes

2025:

- new game + modus
- erweiterungen "die klauen von awaji" mit 10 stunden inhalt
- komplett neue region awaji

Weitere Inhalte sind für 2026 geplant

da chunt no einiges...

bin bi fast 70h und nahezu fertig. glaub ich zumindest. d quests vo de bewohner (x bandite töte) usw. mach ich glaubs nöd. map isch immer no viel dunkel, han aber die meiste fragezeiche usw. mal agstüüret.

d highlights im game find ich:
- kampfmodus/waffeuswahl
- bogeschusstechnik mit umgebigsverlangsamig
- samurai modus mit umgebigsverlangsamig, super kampfanimatione wenn viel gegner glichzitig chömed
- endi vode yokai mission
- di etwas ander meditationsüebig

so fertig
gäbt zwar no sidequests, aber was nützed eim scho immer neui waffe. han s ganze spiel dure nid uf d stats vode waffe glueget und eifach immer level bedingt gwechslet. au nie bim schmied gsi. generell im hide out nüt usprobiert. waffe vom yasuke hani s gwehr und d kühle nie gnutzt.
git ja denn no glegeheit, wenn de dlc chunt.

wie chame medidation als highlight aluege? chnöpfli drucke? QTE sehr highlight!

thaeye hat geschrieben: ↑05 Mai 2025 12:09 wie chame medidation als highlight aluege? chnöpfli drucke? QTE sehr highlight!

nei nur eini devo, wos e überraschig git. will da aber nid spoilere.

https://www.play3.de/2025/05/15/ubisoft ... itergehen/

wie akündigt, au das spiel riists nöd......wennd nöd mal verchaufszahle suuber uswiise

scho bitz ruff die zahle... aber keis wunder, wenn soviel chole für service-games usgisch und sie dänn niemert spielt. de shitstorm im internet und die sexuelle aschuldige hälfet au ned

trotzdem wänds de fokus wiiterhin näb open-world-games uf service-games legge. verstah das wer will. nur wills mal mit For Honor und Rainbow Six Siege zwei Hits gha händ... vielleicht auch glück gsi. de moment hett damals passt. hütt funzt das nüm so eifach. ich mein die beide spiel sind scho über 10 jahr alt! 10!

und open-world ja. sicher. gaht vermuetlich immer. aber service games??? de drops isch 2025 eifach glutscht.

machet lieber paar knackigi single player games!
choscht weniger. gitt chole. ufwand-ertrag, hallo!?

s'image wür sich au verbessere. ohni MTs und shit. grad wenns entli mal es neus splinter cell mache würet zum biespiel. würd sich verchaufe wie warmi weggli.

Master(G) hat geschrieben: ↑15 Mai 2025 14:21 machet lieber paar knackigi single player games!
choscht weniger. gitt chole. ufwand-ertrag, hallo!?

glaub nöd, dass die weniger choschted, im Gägeteil. Ufwand/Ertrag vo Service-Games viel besser wenn en Erfolg produziersch imo.

"im gägeteil" ? also meh ? chum!

ich glaub fix, dass die weniger choschtet.
lueg mal d'choschte vome durchschnittliche lineare single player action game für xbox 360 damals.

beschts biespiel Claire Obscure. Gsehsch es ??

nimm eifach es "oldschool-konzept" und mach hübscheri grafik, bitz besseri physics und aktuelli gameplay-mechanike dri.
sones spiel chasch in 1-2 jahr max. produziere! hütt mit AI unterstützig no viel schneller!

früner sind neui spiel in viel chürzere intervall usecho...

biespiel spinter cell:

splinter cell 1 - 2002
Pandora tomorrow - 2004
chaos theory - 2005
double agent - 2006
conviction - 2010
blacklist - 2013

und jetzt luegsch uf verchaufszahle und produktionschoschte... merksch was ?

und no was: s'churze, single player, story game wär es schöns gägemodell zu dene unfassbare umfangriiche triple-a produktione und gäb entwickler au möglichkeite zum experimentiere. was widerum tolli neui idea ufe plan bringe würd, was wiederrum entwickler motiviere würd. kein entwickler will 20 jahr de gliich brunz mache.

da chunt wieder Claire Obscure als paradebispiel. entwickler sind glangwiilt gsi und sind vo ubisoft gange und das spiel gamcht. und lueg de erfolg und lueg was e kostet hett und wieviel chole die jetzt gmacht händ...


es guets thema. chönti stundelang rede drüber. merksch?

Zum glück bringeds ja i de nöggste fpr jahr öppe 2000 witeri AC Ableger use. Das wird s userisse

Master(G) hat geschrieben: ↑15 Mai 2025 14:39 .. merksch was ?

ich dänk mir do halt immer, es isch unbestritte dass si alli möglicht viel gäld verdiene. meinsch nit dass die ganze "expärte" wo sich mit däm tag für tag usenandsetze und au die interne zahle zur verfüegig hän das besser chönne ihschetzte was nach plan mehr gäld bringt als irgendwelchi gamer wo in dr mittagspause grad biz ind tastatur haue? überspitzt gseit

evo hat geschrieben: ↑15 Mai 2025 15:45

Master(G) hat geschrieben: ↑15 Mai 2025 14:39 .. merksch was ?

ich dänk mir do halt immer, es isch unbestritte dass si alli möglicht viel gäld verdiene. meinsch nit dass die ganze "expärte" wo sich mit däm tag für tag usenandsetze und au die interne zahle zur verfüegig hän das besser chönne ihschetzte was nach plan mehr gäld bringt als irgendwelchi gamer wo in dr mittagspause grad biz ind tastatur haue? überspitzt gseit

Ja mer gsehts ja immer wieder wie die das chönnd.
Das sind Schlipsträger. Die lueged Date so a:
Ui alli Kids zocked Fortnite wie blöd. Lass üs das mal mit minimalem Ufwand kopiere.

Ich glaub t tastaturhelde mache sich das biz zu eifach.

ich glaub nöd.

die gsehnd äbe vor luuter bäum de wald nüm.

ja denn schribet ne schnäll es mail dassi das wüsse.

evo hat geschrieben: ↑15 Mai 2025 17:06 ja denn schribet ne schnäll es mail dassi das wüsse.

Pfff, wenn denn schick i de CV und stell mich als Obermotz zur verfüegig

JUST DO IT. :nike hööckli:

Master(G) hat geschrieben: ↑15 Mai 2025 14:36 lueg mal d'choschte vome durchschnittliche lineare single player action game für xbox 360 damals.

jä so, ich han uf die andere ubi open world games agsproche, wo es vermöge choschted ide entwicklig.
so es generisches 10-20h sp-game dürfti dütlich günstiger sii und ich bin voll bi dir, häti au gern meh devo.

evo hat geschrieben: ↑15 Mai 2025 15:45

Master(G) hat geschrieben: ↑15 Mai 2025 14:39 .. merksch was ?

ich dänk mir do halt immer, es isch unbestritte dass si alli möglicht viel gäld verdiene. meinsch nit dass die ganze "expärte" wo sich mit däm tag für tag usenandsetze und au die interne zahle zur verfüegig hän das besser chönne ihschetzte was nach plan mehr gäld bringt als irgendwelchi gamer wo in dr mittagspause grad biz ind tastatur haue? überspitzt gseit

problm isch, de plan gat halt nöd immer uuf und villi i de videospielindustrie sind wohl inere rechte bubble au ideologisch und drum nömm fähig d richtig z ändere, das wird jetzt halt gsprengt mitem bewiiis "clair obscure".

wenn bi ubisoft en idee häsch, gats sicherlich zerst zum "innovation manager" , de wiidrum muess zum "creative fuzzi", de widrum zum creative director und de frögt den als erst wo s monetarisierigskonzept segi. inere chline bude sind d entscheidigsweg eifach chürzer und en "vision" chan besser is lebe gruefe werde, es werdet au "unkonventionelli" sache schneller usprobiert. villi vo dene videospielbudene sind doch eifach fängs moloch.

MOLOCH!

thaeye hat geschrieben: ↑16 Mai 2025 05:04 wenn bi ubisoft en idee häsch, gats sicherlich zerst zum "innovation manager" , de wiidrum muess zum "creative fuzzi", de widrum zum creative director und de frögt den als erst wo s monetarisierigskonzept segi. .....

genau das meine mit "vor läuter bäum de wald nüm gseh"