Mastler(P) hat geschrieben:vilicht küsst si ja scheisse.
möglich, glaub aber eher nöd.
-ihre letscht fründ isch au ähnlich alt gsi wien ich. ka wieso, aber das chönnt es indiz sii, dass er erfahre isch und sie drum wäg ihm im küsse au es normals wänn nöd höchs level übercho hät. ussert er isch au scheisse gsi.
-sie isch sozial sehr versiert, kännt extrem viel lüüt, etc. dänn knuutschisch schnäller mal, als wänn eher en introvertierti person bisch.
aber wer weiss, vlt. häsch rächt.
Vyse hat geschrieben:Weisch würkli, dass schlächt im Küsse bisch, oder isch das diini Befürchtig uufgrund em Erfahrigsmangel?
ich weiss es nöd. aber die eint düütsch wonni ändi 2010 küsst han, hät bim küsse müesse churz abbräche und kichere, will (das will niemert läse):
ich d'zunge z'tüüf innegschteckt han). obwohl ich de tipp, d'zunge nöd z'tüüf inneschtecke scho vorem bsuech bi de düütsche gwüsst han, bin ich wohl zwiit innecho. und sie hät mer dänn no 1-2 wiiteri tipps gäh.
sitdem isch nüt meh gsi.
sBescht wär natürli, wännr dSchlampephase wür naholle. Fräch si, entschlosse und vill ummemache, dänn chönntrs evtl.
lockerer näh. Wänn en erfolgriichi Schlampe bisch, dänn weisch, dass du sälber uuswählsch.
Dä Perschpektivewächsel git eim e enormi, inneri Glasseheit.
Aber Danek, wänn so dä Bammel vor em Küsse häsch (eigentlich ischs so öppis intuitivs, es gaht vo allei, wänn bitz Fiingfühl häsch),
mach doch irgendwo Inserat uufme grosse Internet-Stadtportal. Nachhilf im Küsse gsuecht oder so. Gisch churz e Schilderig vo diine Situation und evtl. wirsch e Knutschkumpelin finde.
wänni jetzt jünger als 27 wär (also nöd 30i), würdi mich ohni z'zögere i sone phase begäh. im momänt hanni leider kei bock, will ich die meischte fraue wo i clubs verchehred numme sexuell attraktiv find, und nöd romantisch attraktiv. und ich lieber im wald go tanze gan als imene club.
aber wänn das mit dem meitli da nüt wird, chönnti mers no vorschtelle e slut z'werde, jo. einersiits us rationale, didaktische gründ (siehe dini usfüehrige), anderersiits us emotionalem fruscht. ich bliib sicher no 1-3 mönet in züri oder pändle zumindescht mindeschtens no es paar mönet zwüsched bern und züri..und in züri häts ja gnueg glägeheit für e schlampephase.
das mit em inserat hanni scho 2007 überleit, aber nie gmacht. wänn mit em meitli nüt wird, wirdi 100% sones inserat mache..bzw regelmässig.
wenn ich so positivs feedback.. oder ebe signal (
) bemerk werd ich automatisch lockerer und gib mer nüm gross mühe sondern spill nur no.
word. min situationebeschriib obe isch aber rückblickend nöd ganz korräkt. ich han i dem momänt nämli nöd gmerkt, dass die zwei sätz wo sie gseit hät (dass ihre ex au 29i gsi isch..und ob ich es problem hett mit ihrem alter) signal sind. schlimm, oder? ich han zwar gwüsst, dass s'setting (allei i de natur hockend, dämmerig, quakendi frösch) ideal isch für intimitäte, aber d'signal hanni verpasst. schuscht wäri glaubs au viel viel lockerer worde..ich mein, die zwei sätz sind so düütlichi verbali signal. numme es "ich find dich toll" oder es "küss mich" wäred düütlicher.
Genau die, wo unfähig oder zhochnäsig sind, Rückmäldig zghäh, chönnt mier dä Buggel abrutsche.
Die, wo prinzässlimässig irgendwo sich imne höche Türmli verschanzed, nöd mal uus em Fänschterli uuseluegt und findet: "Ich bin eroberigswürdig und du muesch zerscht zu mier uufechlätere".
Ich ha weder Ziit no Nerve für so Spiel, miinetwäge chann sich irgendöpper ander abmüeh.
Entweder me hät Freud mitenand zinteragiere, uuf wälere Ebeni au immer, oder me lahts bliibe.
ou gueti iischtellig, wird ich wohl au übernäh. defür muen aber min signaldetektor besser werde. atm en delay vo 3-4 schtunde. erscht diheime bim rückblick hanni gmerkt, wie offesichtlich si gsi isch.
