The(G)Forum

äntlich ha hüt dmail becho das mis DK2 ship wird . Status isch ready gsi hüt am 6.00 am morge, moll luge hüt mittag .

Ich bin grad am überlegge, obs möglich wär es Rift wasserdicht z mache. Falls ja, chentmer zeme mitere Taucherusrüstig e zimlich geili Space Simulation mache. Weiss öpert, wie sich sonig Tracking-Sensore unter Wasser verhalted?

Die settet sich theoretisch glich verhalte. Geili Idee!

Min Schwager isch ebefalls Informatiker und i sinere Freiziit mengisch no als Tauchlehrer tätig...ich besprich das glaubs mal mit ihm. S Position Tracking chent aber na schwirig werde...

Chli über de Erde schwebe
Oder via Google Earth durch e Stadt tauche

Shit das wär huere geil!
Tue säuber o touche u sowas würdi de auso nid ungärn usprobiere...
Wobi dass d'unterwasserwelt an sich so geil isch, dass es fasch schad wär ine screen inezluege...
Okay... Meh chönnt das ja denn ime trüebe dräckstümpel mache de würds sinn ergäh... Hehe

Er het en Pool....aber wenns Konzept an sich würd verhebe chentmer zimli vil interessanti Sache demit mache. Abgseh vo Space Zügs au eifach nur Tauchsimulatione...mit chli Heifisch, schöne Riffs usw. Ui....spontani Idee für de Titel: Oculus Riff...das wär unfassbar originell. Durch alti Schiffswracks z tauche chent au na interessant si. Aber ganz so simpel wirds glaubs nid. Eifach nur schwebe über de Erde isch schnell mal programmiert...aber alles andere brücht Position-Tracking vom ganze Körper und das isch bereits über Wasser zimlich müehsam...

Äntlich ischs do s DK2 isch am 13.08 cho hüt . Ha Diversi Demos us Probiert, zum Laufe brocht hani:

Demos

Tuscany Demo
Room Scene Demo vo Oculus Isch fascht wie im Heavy Rain
Island scene Demo
Millenium Falcon Demo Flackeret e bizzeli meh ka im em Millenium falke umme laufe
ArchiVision Architecture Package Kitchen Arichtiktur Demo wo me ka e chuchi aluge meh folgt no.
Room Scene v4 Demo

Full Games

Euro Truck Simulator 2 Oculus Rift Beta ( goht nur über STEAM ) Funktioniert mit allne funktione vom DK2 ha 2 stund zockt ohni übelkeit ohni Fähler.

Nonig zum laufe hani :

CouchKnights Demo vo dr GDC vo Epic Chame z zweit zocke eine mit em DK1 und eine mit DK2
Helix Rollercoaster wo uf emene reale Rollercoaster us schwede glaubs basiert bim vorgänger isch mer extrem übelworde

Wenn dr öppis wänd wüsse zu DK2 versuch ich euch uskunft z geh so gut ich ka.

Zum Thema Uflösig meh seht praktisch keini Pixel meh es isch jedoch je nach Demo unterschiedlich, wenn lowres Texture benutzt worde sind denn seht me d pixel besser, bi Highres Texture fascht nümme, nur wemme genau anelugt.

Sobald meh content verfügbar isch mäld ich mich wieder.

Wenn gwünscht kann ich au no Pics poste vom DK2.

Wie sich jetzt usegstellt het, verbaued si im DK2 Screens vom Galaxy Note 3. Selbscht d Touch-Funktion hends drin la De einzig Unterschied isch, dass si en uf 75 Hz ufetakted für s low persistence.

Btw, hets jetzt definitiv kei Unity Lizenz debi?

Hey PicardB, luegder s Elite:Dangerous mal a Es isch absolut fantastisch!

@Xinobrax2:

1. Unity Lizenz definitiv nein
2. Danke für e tip lugi grad Morn a

Schöne 1.August

DolphinVR het schinbar es DK2 Update übercho Froi mi scho uf s Wind Waker zeme mitem 1st Person Mod


Quelle

Hmmm, scho unterwegs?
Ich han ne Mail bekomme, dass bald abgebucht wird, aber Lagerstatus ist immer noch "im Zulauf"

Di meiste wos grad am 1. Tag bstellt hend hends mittlerwile übercho. Di andere kriegeds uf jede Fall no im August. Wer jetzt eis pstellt wird im September beliferet.

Verstehe, Danke

Spielzeug für's Wochenende

Cool, Donkey Kong 2 CE

Oooooh yiss! Hüt morge status wechsel vo "pending" zu "processed" übercho. Wenn alles klappt, sötti mis DK2 in es paar Täg da si!

Okay, let's check:
Elite:Dangerous Beta: Check
Assetto Corsa (leider no kei DK2 unterstützig): check
Ersatz: Live for Speed: check
Euro Truck Simulator: check
Katheter/Infusion: noch zu besorgen
Setup: Check!!!




(Edit: würd natürlich entweder HOTAS und Bluetooth-Keyboard i de mitti oder lenkrad und (nicht im Bild) pedale montiert ha, je nach Spiel).

Let the Games begin, yeah!

Scheibe, ich bin so gspannt wie damals als Chind vor wiehnachte. S'DK1 hät mi scho gfläscht, aber zum game häsches nonig bruuche chöne. Was ich so über s'DK2 gläse han (insbesondere Elite:Dangerous), sött's scho zum (zwar nonig perfekte aber) bruuchbare game lange.

ich bstell mer glaubs au sones ding!

muesme en huere nerd si zum mal chöne z'game oder isches relativ easy?
so alla patch über s'game und finito?

langed e gtx780?

@TypeJ: momentan isch's no es rechts gebaschtel um's DK2 zum laufe zbringe, aber Oculus isch recht am fiile a de software, und d'demo und games entwickler sind au recht drah, ihres züüg as DK2 aazpasse. Aber wenn jetzt bstellsch wirsch's DK2 wahrschinlich oktober oder so überchoo, und meh und meh software sötti denn apasst sii zum relativ simpel zum laufe bracht zwerde.

Wie gseit, mis DK2 sött erscht i de nöchschte täg cho, drum chani nonig us eigene erfahrig rede, aber was i gläse han isch's no lang nöd eifach plug and play. S'git aber uf reddit und uf oculus tonnenweise Infos, wie mer's züg zum laufe bringt. Und wie gseit, je längers DK2 i de händ vo entwickler isch, desto meh ahpassti software wird's geh. Mer muess sich eifach bewusst sii, dass es nonig die fertig, consumer-ready version isch, und s'einigi hürde z'überwinde git. Aber mit es bitzeli wille, sich iizläse und zyt z'investiere, isch's minere meinig nah meh als wert.

Zu de GraKa: jap, mit enere gtx 780 sött'sch sehr guet bedient sii.

cool, ich bstelle glaub, lol

han aber bits angst vor dem da:

Da die virtuelle Realität die visuelle Tiefe vorgibt, das Display aber immer den gleichen Abstand zum Auge hat, hatten wir nach dem Absetzen des Rift DK2 einige Minuten Fokussierungsprobleme.

Hmm, dass mit de fokussierigsproblem hani zwar es bitz, aber nöd würkli dramatisch kha bim DK1. Au nach enere zweistündige session mit em DK1 hani mi nachem abneh vo de brülle gschnell wieder a die normal optik gwöhnt kha. Und nach es paar mönet mit em DK1 hani au kei veränderige bemerkt i minere optik.

Vorteil vonere VR brille zumene normale monitor isch aber, dass d'auge nöd immer id nöchi (monitor) luege müend, sondern quasi "entspannt" uf wiitsicht (unendlichkeit) fokussiert sind.

Müesst mi aber no gnauer iiläse zum meh chöne säge.

TL;DR: i dene mönet woni's DK1 kha han, hani au nach längere sessions kei länger als ganz churzi aapassigs"problem" mit de sicht kha nach em abneh vo de brülle.

ah fair, tönt ned eso schlimm!
has etz eh bstellt, geil

Tipp: Tested mal Cyber Space

S isch zwar e zimlich simpli Demo aber de Effekt isch super...

TypeJ hat geschrieben:ah fair, tönt ned eso schlimm!
has etz eh bstellt, geil

Usserd, dass Dich d'Wartezyt fascht um de verstand bringe wird, hehe. Ich han di letschte wuche fasch nüm uusghalte.

@xino: yeah, uf de Cyberspace-Chilbi-ding freu mi mega. Hehe, vor allem, Nichtsahnendi kollege plötzli us de schaukel spicke und dur d'gegend flüge lah wird witzig.

Rollercoaster gits na vil, aber nur bi Cyber Space dreitsder würklich de Mage ume. Chasch di au nid degege wehre...kei Chance