[OT]Generelles Politik-Topic

[Jones]

i ha äbe chli angscht, dass d'frou clinton dert witer macht, wo dr obama ufhört i sache keil zwüsche schwarz u wiis schiebe...
es isch no nie so schlimm gsi sit jahrzähnte i sache rasseunrueh. dr mit abstand gröschti teil vo dene fäll isch dür d'media produziert. und d'administration steit no derhinger...

innepolitisch momentan rächt es grosses problem findi...

aber i stimme grundsätzlech am xino zue, dass es würklech nid eifach isch z'entscheide, was die grösser katastrophe fürs land wär...

[Moff]

wie meinsch, durd medie produziert? entsprichts ned de tatsache, dass unschuldigi schwarzi unverhältnismässig oft vo de polizei umbracht werded?
und was söll d'administration besser mache?

[Herr Rossi]

Hesch e fundierti Quelle mit Zahle, wo ersichtlich isch das d Primate öfters umbrocht wärded als d Bleichgsichter? Huch, da hesch ja grad d Antwort uf dini erschti Frog... Manipulation as it's best

[Moff]

wie du sicher festgstellt hesch han ich die frag ja em jones bereits gstellt.
er macht ja schliesslich auf de vorwurf, und du impliziersch es ja au, über das wüsse z'verfüege.

[thaeye]

tatsach isch das underem obama d rasseunruhe extrem zuegnah haend. wieso echt?

[Acid]

tatsach isch das underem obama d rasseunruhe extrem zuegnah haend. wieso echt?

Internet und Smartphones, z.B.

[thaeye]

klar ja. s internet wird ja fängs für alli schlechte entwicklige uf de welt vorgschobe.

[Moff]

wüsseder was i dem topic mit euch so richtig scheisse isch?
das andurende wieso echt? was meinsch denn du?

heb doch eifach es paar eier ide hose und säg wasd denksch, aug, anstatt irgendwelchi ussage mit frage impliziere wod nachher wieder verwässere chasch. aber gilt lang ned nur für dich.

was wotsch gnau säge? dass meh schwarzi verschosse wärded sitem obama oder was me drüber brichtet wird oder beides?

[Acid]

klar ja. s internet wird ja fängs für alli schlechte entwicklige uf de welt vorgschobe.

Ich weiss nid wiä druf chunsch, aber ich red eigentlich nid vonere eifach grundsätzlich schlechte Entwicklig.

[Herr Rossi]

Was luegemer überhaupt det übere? Üs sett das en Dräck interessiere, mer münd be üs äneluege. Huere Mongogsellschaft simmer worde, nid mal de Moff chund meh drus was lauft. Schlimm!

[Moff]

über wa würsch du gern rede, rossi?

[thaeye]

wüsseder was i dem topic mit euch so richtig scheisse isch?
das andurende wieso echt? was meinsch denn du?

heb doch eifach es paar eier ide hose und säg wasd denksch, aug, anstatt irgendwelchi ussage mit frage impliziere wod nachher wieder verwässere chasch. aber gilt lang ned nur für dich.

was wotsch gnau säge? dass meh schwarzi verschosse wärded sitem obama oder was me drüber brichtet wird oder beides?

wenn sich öper positioniert da drin, bin ich das. im ernst, entüüschisch mich.

[Jones]

wie meinsch, durd medie produziert? entsprichts ned de tatsache, dass unschuldigi schwarzi unverhältnismässig oft vo de polizei umbracht werded?
und was söll d'administration besser mache?

nei entsprichts nid!
das isch das wo d'lüt gloube ufgrund vo de behinderete mainstream medie. da wird brichtet bevor fakte ufem tisch liege und stimmig gmacht. und WENN fakte ufem tisch liege, wärde sie oftmals wäg glah...
generiert halt meh klicks, meh geld und entspricht dr agenda vo gwüsse medie...

wenn e schwarze harvard professor keni bewies derfür findet, haute ig das für ussagechräftiger als wenn medie durend eisitig über gwüssi sache brichte...

http://www.nytimes.com/2016/07/12/upsho ... .html?_r=0" onclick="window.open(this.href);return false;


was d'administration sött besser mache? ufhöre mit:

1) jedes mau wenn e schwarze kriminelle erschosse wird, muess dr herr obama as pültli stah und e red halte, wie schlimm das doch isch und wie rassistisch die cops alli si. o hie wird oftmals völlig usbländet, vo wäm das d'gwalt ursprünglech usgange isch.
2) support für "organisatione" (eigentlech isches meh e bewegig) wie BLM, obwohl die aktiv zum mord vo poliziste ufrüefe (https://www.youtube.com/watch?v=b-dr_IhQu-I" onclick="window.open(this.href);return false;)
3) iladig vo BLM "aktiviste" is wisse hus oder vom al sharpton, e schwarze wo nüt anders macht als hass predige.
4) grosses schwiege, wenn cops "assult style" (also nid ufgrund vomene "normale" fall wo sich e kriminelle mit waffegwalt gwehrt het) exekutiert wärde. wenns nid grad 5 ufs mal trifft wie in dallas oder z'grosse NYPD betroffe isch, ghört meh vom wisse hus idR gar nüt. isch ja egal, isch ja nur en familievater gsi, wo einzig und allei ufgrund vor tatsache, dass er e uniform agha het, uf offener strass vo hinde erschosse worde isch.

was macht das ächt bi de wisse mittelschicht füre idruck?
was meinsch warum isch das land so gspalte wie fasch nie zuvor?
warum chunnt eine wie dr trump so wiet?

trump/clinton isch es anders thema... hei beidi massiv dräck am stäcke. clinton wird aber uf die thematik obe bezoge so witermache wie obama oder gar no schlimmer... ob das das land nomau 4 bis 8 jahr mag verchrafte? obs e trottel wie dr trump mag verchrafte?


da no öpis interessants, wo vo de medie o gärn verschwiege wird... wie viu vo dene 0.77 wisse, wo schwarzi tötet hei cops si, seit die statistik nid us. dörfti wohl dr chlinscht teil si...

[Moff]

ich glaub i dene fäll wode obama as pult staht isch ame scho klar gsi, wo die gwalt her cho isch, nöd?

aber ich wott namal druf zrugg cho öb schwarzi ned unverhältnismässig oft erschosse werded vo de polizei.
es sind ca. 13% schwarzi ide usa, sinds dementsprechend au 13% schwarzi under de opfer vo de police shootings oder gits det en nennenswerti abwichig? um das gahts ja schliesslich.

[Herr Rossi]

Google my ass....
Da Moff
http://www.dailywire.com/news/7264/5-st ... dler#modal" onclick="window.open(this.href);return false;

Wer glaubt es würd irgend e Unterschied mache wer gwählt wird isch i mine Auge ignorant. Es gid e Agenda wo uf Inträsse ufbaut.

Währigsdominanz (Öl), Kontrolle vo Förderig, Transport und Vertrieb vom Öl

Das wo mir i dür Medie mitbechömed sind nur logischi Konsequenze us dene Inträsse. Solang sich die Inträsse nid verschiebed wird sich au politisch nüt chönne verändere. Drum isches egal wer Präsident isch oder wird.

[Moff]

dailywire isch ned grad das, was ich fundiert nenne würd, schrib isch nur will du das obe verlangt hesch und susch mal gern geg dummi medie schüssisch

aber ebe, es sind proportional dütlich meh schwarzi, nämlich dopplet so vieli wo erschosse werded. das löst die reaktione us. und natürlich gahts problem vil witer als das, schwarzi werded id armuet drängt und det bhaltet und werded au meh kriminalisiert, isch ja bi eus mit iwanderer ned unähnlich.

zum thema es spielt kei rolle: ich deke innepolitisch chas sehr en grossi rolle spiele, im gegesatz zu anderne da gsehn isch grossi underschied bide republikaner und de demokrate ide sozialpolitik und allei de neu scotus awärter chan da einiges bewirke.

für eus wirds aber chum en rolle spiele, das gsehni au so.

[Jones]

ich glaub i dene fäll wode obama as pult staht isch ame scho klar gsi, wo die gwalt her cho isch, nöd?

aber ich wott namal druf zrugg cho öb schwarzi ned unverhältnismässig oft erschosse werded vo de polizei.
es sind ca. 13% schwarzi ide usa, sinds dementsprechend au 13% schwarzi under de opfer vo de police shootings oder gits det en nennenswerti abwichig? um das gahts ja schliesslich.

nei isches äbe genau nid immer gsi! grad die fäll wo massiv mediepräsenz gha hei so dass dr obama het müesse anestah, si überhoupt nid immer so klar gsi. für das gits ja e strafungersuechig u die isch nie i 2 täg erfolgt...

und es geit o nid drum wie viu % vo dr bevölkerig schwarz si sondern vo de kriminelle. das isch e riese ungerschied... cops loufe ja nid am morge zum hus us u dänke 'hüt erschiessi mau schnäu e unbescholtne schwarze'. so situatione entstöh zu 90%, wenn lüt nid mache, was dr officer seit. händ zu de hoseseck use, sich nid wehre bi verhaftige etc.
dr Platz zum gege d'polizei z'kämpfe isch z'gricht und nid d'strass...
aber wenn als Präsident so zeiche setzisch, muess meh sech nid wundere wenn meh und meh schwarzi genau i sones verhautensmuschter gheie und sich d'gwaltspirale endlos nach ufe dreit...

die statistik seit meh us als die reini statistik wieviu % vor gsamtbevölkerig schwarz si...

https://ucr.fbi.gov/crime-in-the-u.s/20 ... s/table-43" onclick="window.open(this.href);return false;

[Jones]

und bevor eine chunnt u seit, ig ungerstelli de schwarze höcheri kriminalität. i ungerstelle das dr ungerschicht. dass dert überproportional viu schwarzi si, isch nid d'schuld vo dr polizei...

[Moff]

ja guet, aber die fäll wos id medie mached sind ja so guet wie immr vo unbewaffnete

ich glaube wenn en schwarze mitere waffe sn polizischt bedroht und er en den abknallt gits chum en ufschrei? oder gsehsch du das andersch?

bim thema underschicht bini diner meinig, hani ja selber au gschriebe. aber dass schwarzi gnauso überproportional en teil vode underschicht sind, isch ebe gnau so teil vom problem. wobi ich diner meinug bin, dass d'polizei det selbstverständlich nüt derfür chan. aber die protest, BLM etc. richtet sich ja au lang ned nur gäg polizei.

[Jones]

ja guet, aber die fäll wos id medie mached sind ja so guet wie immr vo unbewaffnete

ich glaube wenn en schwarze mitere waffe sn polizischt bedroht und er en den abknallt gits chum en ufschrei? oder gsehsch du das andersch?

charlotte? hesch mau chli verfolgt? er schwarze cop erschiesst e schwarze kriminelle mitere knarre. nei kes fucking buech wie sis mami gseit het...

und was heisst unbewaffnet? ferguson? da het dr 190cm/150kg m. brown am halb so schwäre cop d'pistole wöue entrisse... was wär ächt passiert wenns ihm glückt wär? genau das wo z.b 3 mönet vor ferguson ame andere cop passiert isch. er wär tot gsi. nur wärs denn nid i d'medie cho...

[Xinobrax2]

und bevor eine chunnt u seit, ig ungerstelli de schwarze höcheri kriminalität. i ungerstelle das dr ungerschicht. dass dert überproportional viu schwarzi si, isch nid d'schuld vo dr polizei...

S isch doch en Tüfelschreis...genau wie i de Schwiz. Woni im Knast gsi bin hets mi zerscht au chli überrascht, wieviel Usländer det drin sind...aber denn hani festgstellt, dass fasch alli wege Straftate drin sind, wo ca. 80% vo mine Schwizer Kollege au scho begange hend...si sind halt eifach mitere Verwarnig devo cho. Ich bin det drin au eidütig besser behandlet worde...die hend mir sogar Büecher und Zigis bracht Wer bis 24 nid hin und wider mal gege s Gsetz verstosst het doch en Dachschade...es isch längerfristig völlig sinnfrei sonig Lüt no me vo de Gsellschaft abzkople als sis sowieso scho sind. Unter dene Vorussetzige isches schwer innerhalb vo de Gsellschaft ufzstige...und vergliche mit de USA gats üs no verdammt guet. Wie chuntmer überhaupt uf di bescheuert Idee Gfägnis z privatisiere?

[thaeye]

schwarzi werded id armuet drängt und det bhaltet und werded au meh kriminalisiert, isch ja bi eus mit iwanderer ned unähnlich.

das isch jetzt aber würkli lächerlich.

die arme iwanderer werdet alli id kriminalität drängt, wills i de schwiiz so vill bösi mensche git. seg mal i wellere schwiz lebsch du? so vill secondos wos gschafft haend. sind fruehner de guisi mit de locke ufem pauseplatz gsi und jetzt de abteiligsleiter i de versicherig.

[Xinobrax2]

Ich verstane nid so ganz, warum du sini Ussag lächerlich findsch. Er het doch recht. Du hesch ebefalls recht...ich gsen zwüschet eune beide Ussage gar kein Widerspruch.

Ich glaub allerdings nid, dass mir alli bösi Schwizer sind...mir sind schlicht und eifach ignorant was d Problem vo gwüsse Gsellschaftsschichte betrifft. Mer chent aber au argumentiere, dasmer üs s Recht uf die Ignoranz verdient hend...blibt nur d Frag für wie lang und mit welne Konsequenze...

[Moff]

ich verstahne ned, wo du en widerspruch gsehsch zu minere ussag?

es isch uf jede fall so, dass für die meischte blue collar jobs, wo schwizer ned mached, arbetschräft usem usland inegholt werded. ich schaff selber imene betrieb mit hunderte söttige lüt. dementsprechen bestaht eusi underschicht us vielni immigrante und d'kriminialitäts statistike spieglet das wieder.

dasses secondos besser mache chönd mueschmer ned verzelle, ich han ade kanti und ade uni gnueg söttig kenneglernt. aber ich bezwifle kei sekunde, dasses die einiges schwieriger gha hend als ich wo useme wohlhabende schwizer hus chume.

[Moff]

ah de xino het grad glichzitig gliche gschribe, guet

ja guet, aber die fäll wos id medie mached sind ja so guet wie immr vo unbewaffnete

ich glaube wenn en schwarze mitere waffe sn polizischt bedroht und er en den abknallt gits chum en ufschrei? oder gsehsch du das andersch?

charlotte? hesch mau chli verfolgt? er schwarze cop erschiesst e schwarze kriminelle mitere knarre. nei kes fucking buech wie sis mami gseit het...

und was heisst unbewaffnet? ferguson? da het dr 190cm/150kg m. brown am halb so schwäre cop d'pistole wöue entrisse... was wär ächt passiert wenns ihm glückt wär? genau das wo z.b 3 mönet vor ferguson ame andere cop passiert isch. er wär tot gsi. nur wärs denn nid i d'medie cho...

ich han das wohl ned so präsent wie du, ich glaube in ferguson ischs nur ussag vom polizischt gsi, nöd? und charlotte het sich nach dere enthüllig dmeinig rasch gänderet.

ich hab ja recht aktiv im GAF, wo extrem links und anti-cop isch, ersch recht für US verhältnis, und au det hetmer verständnis für polizei wenn de täter bewaffnet isch, kei frag

die schlimme fäll sind bide unbewaffnete