Nintendo NX - heisst jetzt "SWITCH"

[fifi]

Ha jetzt keis neus Topic welle uftue für die Frag
Cha morn die neu Version abhole. Ich ha gar kei ahnig mit all dem Digital Stuff (Schalter isch mini erscht Konsole mit online und so).

Wiä gnau chani uf di neu d'Oled zügle, damit ich d'Digital Käuf drin ha und im beste fall no Spielständ? Für Retail muesi logischerwiis d'Charte innehebe, checkt er das im nachhinein? Oder muesi beid Konsole glichziitig aha und so en sync mache ? Boah Fragezeiche über Fragezeiche.

Danke im voruus!

[LuiStyle]

Ja du muessch beidi konsole im gliche netzwerk ha um spielständ vom einte switch zum andere schiebe. Wenn eifacher wottsch ha muessch dä onlinedienst aboniere :typej:

[fifi]

Danke LuiStyle, ich ha no es youtubel video glueged.

Genau nach dem vorgange, wos grad am afang säged importiere bim initial Setup wo Sprach Ziitzone etc, guet gmacht.
Nachher welle date importiere über Settings/User wo den agisch welli konsole quelle und welli ziel isch, und genau döt hets ufghört. Er seit de account seig scho umme, was ja au stimmt du mongo Schalter aber savegames nöd. Namal Video glueged, nix anderscht gmacht. Denn hanni welle de User lösche und namal versueche, gaht au nöd Switch motzed es bruchi ein User. LECK MICH!

-Werkistelligsreset.
-Initial Setup ein neue User Namens test agleiht.
-Nachher Settings/User -> Date Importiere, und ja denn isch den döt wiiter gange ohne motze und ich bim zum nächschte Schritt cho wohne chan OLED als TARGET aghe.
-Gliche Schritt uf em alte, döt aber den SOURCE.
-Transfer glückt und nachher de dämlich test User wieder glöscht.

Gseht so us als chönnte me en User uf 2 Arte "importiere". Wieso au immer

[LuiStyle]

Sind jetzt dini save uf dä oled?
Dä user muess bi beide konsole dä glich sie! Denn chasch dä save hin und her schiebe. Zumindest bi dä lite und em switch

[fifi]

Sinds ja, han hüt mal no schnell Mushihimesama zockt. D'Scores sind ämel umme. Anderi Games hani nanig teschted, aber sött glaub scho guet si.

Nei ebe leider nümme.
Ich han bim erschte Versuech wo gscheitered isch, es so gwählt dasi die alt konsole no han und im wiitere screen gwählt dasi sie au no nutze will. Aber ebe so hät er den gmuled wohni han welle transferre will de User scho umme gsi isch.

Bim zweite Versuech, wohni über Settings/User gasch un importiersch, statt bim initial Setup de User alegge. Gihts gar kei solchi Optione, öb die alt no häsch und wotsch wiiter nutze. Chasch nur Source und Target definiere, denn haut er alles übere und löscht uf em alte System de User.

Het das eigentlich gern so gha. Janu nöd so schlimm, wär kool gsi aber gaht kei Welt under. Mit em alte luege jetzt mal mit jig und cfw

[onion]

Unbestätigt: Switch 2 angeblich für Ende 2022 in Arbeit
14.10.21 - Nintendo soll angeblich an der Switch 2 arbeiten, die 4K-Auflösung via DLSS unterstützt und Ende 2022/Anfang 2023 weltweit auf den Markt kommen soll. Das behauptet der Insider NateDrake, wie Resetera meldet.

Große Publisher und Entwickler sollen Devkits Ende 2020 erhalten haben, kleine Studios folgten in diesem Jahr. Die Entwickler arbeiten sowohl an Exklusiv-Spielen als auch an PlayStation- und Xbox-Portierungen.

Nintendo hat keine der Angaben bestätigt und den Bericht nicht kommentiert.

2022 find ich z'früeh, die chiste lauft ja immer no super.
isch aber en krasse grücht. Herbst 2023 fändi no frisch. Das mal hoffentlich mit perfekter Hardware und aständig leistig.
De hätte mer wieder mal es richtigs Nintendo-Grät nach alter Tradition. (scheiss-grafik gits ja erst sit de wii)

[siralos]

Ah endlich, habe die switch ausgelassen. Metroid prime 4 erscheint dann eh auf den nachfolger der switch.

[onion]

nach gründlicher überlegig han ich mich für märz 23 entschiede mit prime 4 als lunch-titel

[mr.raw]

Hmmm, da mir Europäer keini 6-Button MD Pad bikömme , frog i mi, ob sichs lohne wür z Japan ein bstelle. Momentan für knapp 70.- inkl. porto uff ebay. N64 Pads meischtens um die 130.- mit Porto...

[agestuffer]

Ich han bestellt vo denä ginger!!! Settti ca. in 2 Wuchä übercho. Wenn wotsch, mäldi

[fifi]

Han hüt chli am metroid wiiter gmacht, iwenn hani den chli hunger gha und was welle ässe.
In Homescreen gange, Game gschlosse.
Nachem Snack, Metroid wieder gstartet, mis Savegame gwählt und denn statt das es afange hät lade ich de screen eifach black worde.
Scho Angscht gha es heig sie bricked.
Ha den aber im Netz uf de offizielle N-Page hilf gfunde, has sie müese usem Dock neh, Joycons ahänke und denn 12Sek de Powerchnopf druckt halte. <- Hard Reset.
Es isch gstande wenns im Dock freezed söll mehr gfälligst kompatibli Orig HW benutze mit ModelNr agab, das machi ja.
Öpper scho mal gha mit em OLED Schalter???

Was mehr ufgfalle isch sie isch wo sie Schwarz gange isch, isch si zimmli warm worde. Aber evtl isch sie das scho vorher gsi.

[LuiStyle]

Hät öper dä Zelda Game & Watch bim Digitec bstellt?!?

[agestuffer]

Hät öper dä Zelda Game & Watch bim Digitec bstellt?!?

Gemäss WOG ghtis Problem mit Tütsdher Verpackig und siig verschobä wordä = nimä ah es isch bitz es Lieferproblem, wie bi de Metroid Amiibo wo halt wägä dem ganze Wält-Spedi-Problem eifach verzuug hend..

Warum, hesch vom Digitec en Abfuhr becho??
agestuffer

[LuiStyle]

Nei aber sie bechömed d‘lieferig nöd am 12te sondern erst ändi November.

[agestuffer]

Nei aber sie bechömed d‘lieferig nöd am 12te sondern erst ändi November.

Ja äbä, wie de WOG au.. De seitt es siig es Verpackigs Problem etc..

-------------

Sie haben bei uns den «Game&Watch: The Legend of Zelda» vorbestellt. Leider müssen wir Ihnen mitteilen, dass sich der Versand verzögert, da die Version mit der deutschen Verpackung später aus der Produktion kommt als angekündigt. Wir erhalten die Ware in zwei Lieferungen und laut aktuellsten Infos wird es uns möglich sein, alle Bestelllungen voraussichtlich bis spätestens Anfangs Dezember versenden können.

Wir entschuldigen uns für die Unannehmlichkeiten und wünschen Ihnen ein schönes Wochenende


----------------

[Andy]

Ich han be wog+Alcom vorbschtellt.

[LuiStyle]

Han gad ufem wog gseh das dä release uf dä 03.12.2021 gschobe worde isch! Demfall für alli

[LuiStyle]

Han die Tag Joycon vo mine Nichte müsse repariere will sie zweite nöd händ chönne spiele!
Jetzt han gmerkt das mini au kaputt sind huere seich!
Danke Nintendo für so bullshit Controller

[mr.raw]

Die sinn würklich s allerlettschte die verf... Joycons! Ha sicher scho 5 neui müesse kaufe.... klar mit spray etc d zitt no uusezögeret und au scho 2x versuecht ein sälber zflicke, bi aber z tappig für de kack! I reg mi eifach uff ab dem Müll!

[agestuffer]

Spiled doch mit Controller mann

[siralos]

Spiled doch mit Controller mann

De pro xontroller isch mega.
Hesch ou nid so a krampf haltig wie bi de joycons und buttons sind ou besser dünkts mir.

[kingcaid]

17 Stutz hädn Controller bim Chlaussale im GS köschterled. Isch tiptop, spiele nur mit Controllers ofm Swetch.

[LuiStyle]

Spiled doch mit Controller mann

Nur mit mindestens drü Lüütlis spiel ich mit dä joycon, allei immer mit ProController isch ja logo mann!
Gruess LuiStyle

[LuiStyle]

Die sinn würklich s allerlettschte die verf... Joycons! Ha sicher scho 5 neui müesse kaufe.... klar mit spray etc d zitt no uusezögeret und au scho 2x versuecht ein sälber zflicke, bi aber z tappig für de kack! I reg mi eifach uff ab dem Müll!

Was isch s’problem? Bin mittlewille recht guet mit repariere.

[mr.raw]

Spiled doch mit Controller mann

Ich zock halt meh im Handheldmodus als am TV. zbs grad aktuell de Paper Mario64. Und da ich no e perfekti Schutzhülle ha, ha ich au nie problem mit eso szocke. Aber de nochteil isch, dass me eifach viel zvieli Joycons tuet schlisse.