The(G)Forum

Gester es paar Stung gspielt, u offesichtlech hei d Server Problem gha, dr Ping isch aubä sogar bi mir ( 10Ggb Glasfaser ) uf 60 ufe gsprunge. I gloube das isch eis vo dä schönstä Lag Paradies für Lüt mit beschissnigem Internet, auso quasi fasch aune um üs umä z Europa. I verreckä so viu i eim Frame, huere viu si nid z träffe, es git sergi wo nach 5 Träffer mit erä Scar no 98% Läbe hei und e Platte hei gha, auso sprich i ha 22 Schade dealet ( das isch dr schade vo eim Schuss normalerwis ). I ha ou gester wieder öbä 5 Clips gmacht. Einä mit dr PBX a die 10x troffä uf 30 Meter Distanz, ufghört schiesse wüäu är 2 mau hät müesse tod si, disä steit no, u killt när mi, mit no 14HP, u ä Platte heter keini gha, i weiss nid wie das söu funktioniere ganz ehrlech. I ha i öbä 100 Stung dä Ghüder Spilä, villech fangs 3 mau gmerkt dasi nid z töde oder z träffe bi gsi. I gloube nid mau das das dedicated server si. d Tickrate isch äuä ähnlech wie bi CoD us dr Höu. Gester ir Nacht hani nid mau me Bots chönne kille, fucking Bots
Es git aber säute ou gueti Rundine woni wit über 50 Kills mache und aues relativ smooth louft, mit villech 1 bis 2 Spiler wo offesichtlech e unmässbare Ping hei. U när aube vor eintä uf die angeri Rundi chasch die Waffe mit derä wo ihr vorderä Rundi aues killet hesch, eifach nüm bruche. So Schwachsinn hets imnä BF1 nie gä. Bar1918 mit 4x Scope
Im Nahkampf aui MP spiler zerstört, und im Färnkampf aui Sniper gfigget. BF1 isch eifach so huere verdammt geil gsi. Magnum Opus vo Dice

ich has scho 3 wuche nüm aglängt. defür 2-3 sessions BFV mit de buddies gspielt.
ich gib mir das nüme, bevor die maps unds klassesystem überarbeitet.
dass sowas mached, hett mer mit de panzerstorm map gseh. die isch ja jetzt uhuere guet. völlig umdesignt. grad chli überrascht gsi.
provence gseht au bitz andersch us.

Master(G) hat geschrieben: ↑20 Dez 2021 15:42 ich has scho 3 wuche nüm aglängt. defür 2-3 sessions BFV mit de buddies gspielt.
ich gib mir das nüme, bevor die maps unds klassesystem überarbeitet.
dass sowas mached, hett mer mit de panzerstorm map gseh. die isch ja jetzt uhuere guet. völlig umdesignt. grad chli überrascht gsi.
provence gseht au bitz andersch us.

Am Spiel so wies its Isch chöi si nüm mache. S Klassesystem wird sicher nid überarbeitet. Si chöi eifach numä no besseri Maps bringe. Dr Netcode hoffentlech extrem verbesserä u das wärs de gsi. Oder villech no aständigs Gunplay inä patche... aber schüsch?? BF2042 isch tod, und das wüsse d Manager bi EA ou, i gloube nid das da no viu chunt..

ganz ehrlich. ich au ned. leider.

Master(G) hat geschrieben: ↑20 Dez 2021 15:50 ganz ehrlich. ich au ned. leider.

Anthem 2.0
Numä hät Anthem würklech Potential gha, isch aber e Generation z früeh erschine. BF 2042 het weder Potential no ä Fanbase...

Gester isches wieder besser glofä, 2-3 Rundine gha mit 50 Kills, viune revives etc, d Rundine hei e ok flow gha.. Aber i fragä mi immer wieder was Spanier u Franzosä und ou viu Dütschi für Leitige hei, es isch eifach teilwis extrem, mä gseht sä, cha no nid mau afa schiesse, und isch sofort tod, und das jedes verdammte mau immer bi dä glichä Idiote, bim uf sä zilä u schiesse geschweige denn träffe genau z gliche, es isch fasch nid möglech. U skills si das nid sorry, weni Stats vo denä mit mine verglichä vo BF1 u BF5 ligä da Wäute derzwüsche. I hoffä schwär dice arbeitet no am netcode u ar tickratä vo denä server. Bi BF1 isch die ganzi Verzögerig säubst bi 120er Ping Araber nie so schlimm gsi.

https://www.thegnet.org/post/battlefiel ... odell-nach



ABFAHRE!

Das Game isch tod, schön hani 120.- für nüt zahlt.

derinderinderinderin hat geschrieben: ↑21 Jan 2022 11:56

Huere Schad. BF1 best pvp shooter ever!

I hoffe EA het bös us däm Fähler glert..

Bejita hat geschrieben: ↑28 Jan 2022 18:18 I hoffe EA het bös us däm Fähler glert..

Klar! Genau soviel wie us de letschte 75585368743x ja au!

Buccaneer hat geschrieben: ↑28 Jan 2022 18:34

Bejita hat geschrieben: ↑28 Jan 2022 18:18 I hoffe EA het bös us däm Fähler glert..

Klar! Genau soviel wie us de letschte 75585368743x ja au!

Guet its bi däm Game isches ja würklech huere krass, wie schlimm dases isch.

jup. extrem viel chole verlore händs. das tuet dene weh. ned chlönendi fans. vo dem her hetts sicher en gwüsse effekt.

Die ersti Season faht schins ersch im Summer ah....

has au gseh. ned mal en news ischs mer wert lol

Ischves scho biz weniget schlächt?

Buccaneer hat geschrieben: ↑01 Feb 2022 17:31 Ischves scho biz weniget schlächt?

I dänkes nid, mit emnä guete Server und weni Laggers chas mängisch Spass mache, schüsch defintiv nid. Usserdäm fingsch äuä kei einzige voue Server me...

Master(G) hat geschrieben: ↑01 Feb 2022 17:27 has au gseh. ned mal en news ischs mer wert lol

Trurig aber wahr. Dice het BF no me ad Wang gfahre auses dr Jimbo grad mit Playstation macht

hetts überhaupt schomal en grössere fehlschlag gäh als das? aso im triple-a sektor?
nämt mi wunder...

glaub ned. ned mal cyberpunk isch annähernd verglichbar. mir chunt nix in sinn wo so dermasse derb ad wand gfahre worde isch. und es macht mich scho wieder endlos truurig.................................

Mir würd its no bis uf Tlou2 nüt i Sinn cho.

https://www.thegnet.org/post/battlefiel ... lattformen

120.- ha oder nid ha...


Quelle

Aber wahrschindli musch de dini Pantoffle zrugg gäh