The(G)Forum

https://www.amazon.co.uk/Helgger-PKZ160 ... 23&sr=1-58

iisch de was? mues ebbe chli bi amazon bestelle.

isch chli e schrottigi schtürig (27mhz am) und häsch veralteti akkutechnik (nimh). vermuetli isch en bürschtemotor drin. also au veraltet. isch sicher glatt zum chli umeflügerle, wird aber dur d'art vo de schtürig schtörigsafällig sii wie sau. ich wür nid... problem isch, wännd öpis guets chaufsch isches türer und wänn dänn doch kei froid dra häsch isches schad gsi drum...

Merci. Denn isch de nüt für mich. Was sölli als afänger chaufe? wot au dusse chli ummeflüge, aber nöd gross baschtle.

lueg, däda isch zwar chliner aber vo de technik her vill besser. oder dänn gäbts no däda. wänns vo amazon mues sii. de zweit hät de emp und so wieni gläse ha vonem, isch dä flüger rächt guetmüetig zum flüge.

mues nöd vo amazon sii. isch egal vo wo.

Dä Flüger wo Du glaubs wetsch isch dä:

http://www.parkzone.com/Products/Defaul ... ID=PKZ4475

http://www.ready2fly.ch/shop/USER_ARTIK ... 7e0d2fc745

ready2fly isch chli en saftlade, wännd öpis pschtellsch wos nid grad a lager händ. frög mal de burnsson... de lade isch no easy. bini au scho drin gsi (isch ja au grad im nachberskaff)

De Waco hett en tumms Fahrwerk. Ischmer itz immer nach vore kippt. Muess es no einisch modde. De Waco isch viel, aber nid ready 2 fly out of the box.

'sch ebe scho recht geil. in Abetracht vo de Foreiträg etc. würdi aber glaubs nie so viel Geld (500.-) für sone Waffle vo dene zahle.



http://forum.ready2fly.com/viewtopic.php?f=38&t=109

aber geil gseht sie us, das muess meh säge.

es schtuck schwiizer gschicht in styropor gschmolze...

schwizer gschicht =/= Luftwaffegschicht.

das hani au nid gschriebe... d'venom isch aber trotzdem es schtuck schwiizer gschicht.

putzfrau hat geschrieben:das hani au nid gschriebe... d'venom isch aber trotzdem es schtuck schwiizer gschicht.

si isch es stück schwizer luftwaffegschicht. meh aber de o nid.

ich find ja d vampire no viel geiler. so chli chliner mit 3S oder 4S hätti se grad bstellt


Quelle

geile scheiss... die schiined no vill ufem modällflugplatz bi ois im dorf z'sii. scho öppe es filmli händs deet gmacht.

putzfrau hat geschrieben:geile scheiss... die schiined no vill ufem modällflugplatz bi ois im dorf z'sii. scho öppe es filmli händs deet gmacht.

häb mal din Bart inne und wink bim nächchte video!

gseht tatsächlich so us, als würd si flüge, oder?

has no nie gsee filme. sind meischtens di gliche alte knacker ufem fäld wänni mal deet bi. bi amig nur als zueschauer ume. zum flüge müesstisch mitglied im verein sii. und uf sone modällfluggruppe hani extrem kei luscht.

putzfrau hat geschrieben:has no nie gsee filme. sind meischtens di gliche alte knacker ufem fäld wänni mal deet bi. bi amig nur als zueschauer ume. zum flüge müesstisch mitglied im verein sii. und uf sone modällfluggruppe hani extrem kei luscht.

isch das aber nid fasch die einizigi müglichkeit, wenn de chli öppis grösseres und schwereres wosch id luft bringe?

ich meine so mal ebe uf de strass starte und lande mit somne teil isch au chli asozial...

die Indoor aläss vom elektroflug si no geil gsi. flüge ir gruppe. das gitt es guets gfuehl. plötzlich merksch, dass masse gar nid so guet flügt.

gseeni nid würkli so. mini versicherig zahlt bi schäde vo modäll bis 30kg und sie schriibed nid vor, wo dassi mues flüge. deet wonich flüge gseeni wiit ume, öb es auto oder suschöpis chunnt. keis problem. ich bin au sälte elei am flügerle. also isch immer öper ume, wo chli chan luege.

problem bi dene modällfluggruppe: viel alti säck, woder immer wieder erkläred, was sie früener für geili sieche gsi sind und was du alles falsch machsch. au wännsdi nid intressiert. es herrscht e gwüssni hierarchie, wär wievill und wänn dörf flüge. als junge und erschno nid verwandte vome langjährige mitglied muesch warte, bisd mal bizzli dörfsch. eifach in rueh chli anega und flügerle isch nid mögli, ussert bisch elei. muesch mitgliederbiitrag zahle und muesch erschno bi de verschiedene vereinsaktivitäte mitmache... für mich alles gründ zum nid ga.

vereinsaktivitäte. LOL. Ich glaub du hesch recht.

han ich immer. di meischte gsend d'wahret eifach nid...

***Breaking News***


Mini Corsair isch in Flamme ufgange... Bilder folge...

So muess en Warbird ende!

Ig ha chli tiefe Rückeflug güebt und se den "verlore". De Ufschlag isch recht heftig gsi, so dass de Akku (turningy) en churze hett becho und bi sehr stracher Rauchentwicklig hett afah brönne. D Flamme si denn uffe ganz Vorderberich übergange und de ganz Flüger hett vorne entprechend brönnt (dört wo meh de Schum itz besser gseht isch alles in Flamme gsi.) D Akkus chasch nid lösche, de flüger scho (idem de ne umchehrsch und drufsteisch).

D Corsair isch en super Flüger gsi! chani jedem afänger empfähle, extrem guetmüetig aber glich chli performant. En super Landetrainer und chasch au chli akroflüge dermit. (also so d Basics, sicher keh 3D)

Nächschti Investition: an agile Hangsegler. Nid Schum. "Richtig". So im Still vore Mini Ellipse.