The(G)Forum

Bescht (shouga yaki) ginger pork evar

jetzt, won ich das bild aluege, isch mer grad igfalle dass ich hungrig bin

japan isch zum esse ebbe no geiler als zum games chaufe.

I letschter Zit scho paar mol, und so au geschter (guet, hüt au bereits scho einisch), eifach Spinat... also quasi Spinat in Gmüesbouillon, so halbä Suppä. Echli Kokosfett und chli Zwiblä, Blattspinat (teilwiis gfornä usem Pack, teilwiis frischä, beides Super, au weni s Gfühl han de Frisch isch doch gschmacksvoller...aber erschtens mueses de im Ladä ha (was z.B. hüt nid de Fall gsie isch, drum hani wieder gfornä kauft), und zweitens bruchtmer eifach jenschtes, wemer e rdentlichi Portion will.), in es paar Dezi Bouillon chöcherle das no gnueg Flüssigkeit übrig blibt und am Schluss chli Paprika, Rosmarin, Thymian und Pfäffer dri.

Isch no rächt bekömmlich. Grad au wemer es Hüngerli hed, aber nid unbedingt no öpis Richtigs will chochä und ässä.

Es eifachs aber sehr feins japanisches Donburi (Diversi Zuetate agrichtet uf Riis)!

Japanische Riis mache (natürlech nazihaft genau mit gründlech Wäsche und nie dechel abnäh und so) und inen Schale, drüber chöme denn folgendi Toppings:

Hackfleisch, zersch liecht abrate bis so halb-brun. Dezue schütte und guet verrüehre: 2 EL Tomatepüree, 2EL Sojasauce, 2 EL Dashi (oder süsch en Fischbouillon wennme ke Dashi het oder nid weiss wie mahe), 2 EL Mirin und zimlech vil Zucker (so ca. 1.5 EL). Guet verrüehre und ufchoche, ganz am Schluss nach Gschmack no e haubi Limette drüber usdrücke, für zuesätzlechi Früschi. Hackfleisch ufs Riis lääre und nach Gschmack mit Nori und Früehligszibele garniere (am beschte je en chliini Hampfele. Denn chunnt no s Tüpfli ufem i: Es Onsen-Tamago drüber schloh!

Onsen Tamagon: Eifach gseit s japanische Äquivalänt zumene 3-Minute-Ei, also no halb flüssig. Onsen will die ursprünglech in japanische heisse Quelle (Onsen) in chline Netzli zuebereitet wärde. Deheime bereitet me das eifach folgendermasse zue: Wasser zum Choche bringe und denn über d Eier schütte (wo imene andere Behälter sind) so dass si ganz bedeckt si. Miteme Dechel oder Täller zuemache und 20 Minute warte, denn söttets die richtigi Konsistänz ha. Ufschlo und drüber lääre.

easy und immer guet:

- en chuecheteig (oder au mal pizza) usrolle
- jenschtes gmües vorchoche oder...
- ...gfrorni gmüesmischig "antipasti" (die isch am beschte gwürzt) us em migi näh und ufwärme
- das verteile uf em teigbode
- imne schüsseli nach beliebe mische: rahm, ei, chli mähl, chäs (zbsp chäschuechemischig), salz, pfäffer und beliebigi gwürz
- über de gmüeschueche kippe
- in ofe, ca 200° 30-40min

hubbahubba!

das da:

http://www.wildeisen.ch/rezepte/kochen/ ... einpilzen/" onclick="window.open(this.href);return false;

und es isch also es 12/10

Muesch mache! Gseht also au besser us als da druf. Geit au mit Chnöpfli. (natürlich selber mache am beschte)


BONUSIMFO: Hüt hett Migros 40% uf Schwinsfilet!

Tatsujin hat geschrieben:Bescht (shouga yaki) ginger pork evar

gseht fein us, gib mal recette

Elsässer Flammchueche - schnäu, fein und fettig!

Teig entweder sälber mache oder fertige Teig uslegge ufem Bachbläch (us Zitmangel isch dasmol letschteres der Fall gsi).
Crème Fraîche oder Suurrahm dünn drufstriiche (ca 100g).
Späckwürfel und huchdünn gschnittni Zibele-Haubmond drufströie nach Beliebe.
Evtl. ou bitz Pepperoni, je nach Luscht.
No bitz früsch gmahlne Pfäffer drüber.
In vorgheizt Ofe bi ca 230 grad für 10-15 min.

meo hat geschrieben:

Tatsujin hat geschrieben:Bescht (shouga yaki) ginger pork evar

gseht fein us, gib mal recette

Mach inen, Tatsel!

Sephi hat geschrieben:

meo hat geschrieben:

Tatsujin hat geschrieben:Bescht (shouga yaki) ginger pork evar

gseht fein us, gib mal recette

Mach inen, Tatsel!

ja muess de meitli fröge

resp. wenn si s nöchscht mal macht, machi den photo story

aber soviel wie ich weiss,

ganz dünn (ca. 2mm) gschnittnigs ferkelfleisch
brattsauce us soya sauce, chli zucker, viel ganz fiin grasplete ingwer vermixle
den de fleisch im chüeli ini i dere sauce zerscht ca. en tag la iizieh
den i de bratpfanne bis a de ränder chli kusprig isch uf beide siite aabratte
biilage uf salatblätter lege oder ebe mit broccoli zämme, oder suscht was passends gmüessigs

Mirin & Sake & Chnoblauch au no, oder?

das Fleisch tönt geil. Grad Repzept usdruckt.

Ig han de shouga yaki gmacht. mi darf aber würklich nid zviel in Pfann haue, süsch ziehts wasser.

Für japanischi Chuchi übrigens immer super isch ar Kanako ihre Blog!

Da ihres Shouga Yaki Rezept!

http://kanakoskitchen.com/2009/12/02/shiogayaki/" onclick="window.open(this.href);return false;

das gseht nöd e so guet uus

Das gseht emmel nid eso schlecht us.

Und öbs itz "ächt" oder nid isch intressiert kene. Hauptsach guet.

ja sicher mags guet sii.
ich han au scho i ca. 30 vers. reschtis gässe, aber niened isch es so guet wie dihei gsi (ebe mit dünne grossflächigi schiibe, kunsprig aabröötlet teh best)

mach na pic vo dim

Tatsujin hat geschrieben:mach na pic vo dim

ehm, vo mim? Itz?

Mis hani glaubs am Fritig gässlet. Isch chli spät...

Sephi hat geschrieben:Für japanischi Chuchi übrigens immer super isch ar Kanako ihre Blog!

Da ihres Shouga Yaki Rezept!

http://kanakoskitchen.com/2009/12/02/shiogayaki/" onclick="window.open(this.href);return false;

chaschmer gad öppis empfähle für 3-4 persone mit udon nuudle? guet wärs wenns nid all zuviel exotischs debi het womer nid in bern cha chaufe. und einigermasse im budget.

de uriel het früener sicher zviel PAL spieli gspilt.

Tatsujin hat geschrieben:de uriel het früener sicher zviel PAL spieli gspilt.

meinsch nid dä post isch im falsche Topic glandet?

ups lol, ja er i~sch.

chender lösche oder en schwarze balke drüberjage.

sukiyaki, und hüt giz d left overs wo bekanntlich 3x so guet sind

nit ungern würdi widermol en real isakayler abtrugg mache

misosuppe mit früschem lachs dinne (mit mirin, dashi und all däm spass - nid so fertig mischig)