wetsch abneh?

[geosnow]

allgemein weniger esse hät vorteil. mer nimmt ab, isch weniger chrank und spart viel geld.

[Herr Rossi]

so macht mers

Äbe

[Tatsujin]

so macht mers

Äbe

das wo de gege gmacht het

[Jones]

stinkfrucht / durian, isch guet zum zuenäh

ja das isch klar de issisch gar nix meh... gruuuusig... lol

[Acid]

Ich bin au gar nid so sicher wiä schlächt so en monofrucht Diät würklich isch.

Es gid durchus au Argument zum ebä nid eso duränand z ässä wiä bi üs das eigentlich Bruch isch. Getreide, Gmües, Fleisch, nochher grad Frücht hinänoh isch ebä glaub nid so optimal. Es brucht es anders Klima im Magä, und anderi Bakteriä im Darm zum verschiedeni Sachä guet und effizient z verarbeitä und en Verdauigsvorgang isch au zerscht mol immer au e Belaschtig für de Körper.

Und de Öpfel isches halt wills en praktischi Frucht isch bi üs, immer und überall chamer ein oder mehreri debie ha, praktisch zum ässä, und e Rächt gueti Mischig us Vitaminä, Mineraliä, Flüssigkeit, und ebä au Zucker, wo eim chli Schub verleiht, händ en langi Saison und sind verglichswiis guet Lagerbar (oder ebä, im Ladä sinds s ganz Johr... au wenn villes denn villicht doch ehnder meh oder weniger Zuckerwasser i Balaststoff mit ere Wachsschicht rundumä isch (und mer nid so gnau weiss öb unter derä Wachschicht denn d Hut mit Vitaminä drunter oder doch d Hut mich Chemikaliä drüber steckt)).

Es god aber natürlich au mitem Öpfel chli weniger extrem... letschti hed einä wo über 20 Kg abgnoh hed au verzellt, er heig sich eifach gseit "Immer weni Hunger han, issi mol en Öpfel". Hed denn scho au no anders gässä, aber dur de Öpfel bim Hunger heder denn halt vieles, vor allem au irgendwelche Snack Schrott, ebä nid gässä woner suscht gässä hetti...

Ich glaub oft ischs bi vilnä ebä fascht no wichtiger wasmer nid isst, wiä wasmer isst. Bi mir isches zumindescht glaub so.

[Moff]

ich bhaupte mit dere öpfeldiät nimmtmer ned schneller ab als mit jeder ander low carb variante.
sprich, chasch au all andere frücht, gmües und fleisch dezue ässe und nimmsch glich schnell ab

[Acid]

Also en Öpfel Diät isch aber nid grad Low Carb... ehnder fascht usschliesslich Carb.

[geosnow]

chönder au schwiizerdütsch?

[Moff]

Also en Öpfel Diät isch aber nid grad Low Carb... ehnder fascht usschliesslich Carb.

es isch ned perfekts low carb, aber es isch en low carb variante wo sicher funktioniert, und öpfel sind sicher ned usschliesslich carb, usser du meinsch kandierti

frücht sind ned perfekt derfür, funktioniered aber ide praxis problemlos, will ebe chum öpper denn 20 öpfel pro tag isch, dur das blibt de cholehydrat konsum sehr gring
ich blib debi, die öpfel diät isch kei magie, und mer chan sicher problemlos anderi frücht und gmües dezue ässe, mit fleisch, und nimmt genau so ab

[Acid]

Also eigentlich gots bi denä Usdrück nid drum wiä viel Kaloriä mer Total vo was zu sich nimmt und öb diä irgenden Wert überschrittet, öbmer es Kaloriädefizit hed oder es plus, öbmer will abneh oder nid etc. pp., sondern wiä gross de Ateil vo de Kaloriä ebä vo Cholähydrat isch (oder ebä Fett bi Low Fat, High Fat). Also ums Verhältniss.

Wenn öper nur Frücht isst (bis uf Durian oder Avocado oder diä paar fettigä Frücht wos gid), denn isch das mit Sicherheit en High Carb Diät, will wohl fascht 100% vo de Kaloriä woner zu sich nimmt vo Choähydrat chömed, und ebä nid vo Fett oder Protein.

Das änderet sich natürlich, wemer nur 2 Öpfel isst, und de Rescht vom Tag denn Gmües und viel Fleisch.
Em Rescht hani aber gar nid welä wiedersprächä, sälbscht weni nid sicher bin dass en Diät us Frücht, Gmües und Fleisch ebä so effektiv isch wiä so en Monofrucht Session (aber wohl bi de meischtä effektiver als eini us Nudlä, Gmües und Fleisch).

[Moff]

Also eigentlich gots bi denä Usdrück nid drum wiä viel Kaloriä mer Total vo was zu sich nimmt und öb diä irgenden Wert überschrittet).

nei ebe ned würklich, die bekanntischt low carb diät, atkins, zellt sogar carbs all genau (frücht sind det aber grundsätzlich ned erlaubt) aber ebe, git vill variatione.
aber sverhältnis spielt kei rolle, das würd ja heisst mer chan denn eifach meh protein konsumiere und het denn plötztlich low carb, au nachere tafle schoggi, dasch natürlich quatsch, das verhältnis isch so guet wie bedütigslos.
ich vermuete ein reini öpfel diät würd eim scho id ketose bringe, ich chans ja mal probiere wenni wieder mal dra bin

[Tatsujin]

ich finde so diäte eifach s dümmscht. wiel mer machts immer nur für es gwüsses ziitli und den hopps, ghats wieder zum uusgangs punkt zrugg, und jedesmal sogar nachli drüberuse, wiel sich de körper meh und meh drah gwöhnt. isch eifach absolut nüüt guets für de stoffwächsel, und wenn de immer meh de chäller aberutscht den chan mer am schluss öppe gar nüt me ässe ohne nöd dervo zue ds neh. ganz geschwige vom fakt, dass de körper so au viel weniger nahrig insich chan ufneh und verwerte.

de körper brucht cholehydrat, protein und essentielli fette/aminosüürine etc. zum chöne de stoffwächsel uufrächt ds erhalte. und au suscht brucht er das alles. so sache chömed bi strikte diäte ebe immer ds churz, und wenn au nur eis wichtigs elemänt fählt, chan de ganzi apparat nüme richtig funktioniere.

drum ebe lieber langfrischtig richtig ässe (eifach kei junk, oder wenn denn nur sälte mal) und so ebe erscht gar nüme zue neh, respektiv ebe natürlich abneh. und wenn mer mal ds gfühl het mer segi ds dünn, denn chan mer immer noc mit em kalorie intake chli reguliere.

sport als begleitig zum abneh isch natürli immer sehr guet. und au suscht machts eim rundum gsünder, fitter, uufgstellter etc.

[Herr Rossi]

Ja, alles richtig. Zum schnell abnäh isches aber trotzdem super.

[Tatsujin]

ja guet, wenn mer nur öpfel ässle und wasser trinkle als also öppis ahgnähms empfindet, mer aber nacher trotzdem wieder irgend wenn uf sis alte gwicht zrugg gheit, wenn mers nöd immer und immer wiederholt, und s eim au suscht gliich isch, wenn mer a sim körper demit nöd würkli was guets aatuet, den isch es tatsächlich na super.
für alli andere isch das den aber glaubs ebe nüt.

[Herr Rossi]

isch ja itz guet tats ich ha e gueti erfahrig demit gmacht oni s gfühl vo verzichte und drum machis au wider. und em körper hets sicher nid gschadet, ganz im gägeteil. merksch ja sälber öb dezue bereit bisch oder nid. wenn nid isch doch ok. hätt mi körper negativ druf reagiert und/oder s nach de öpfeldiät wider zuegnoh würdis sicher nümm mache. eigentlich logisch

[The Sheep]

D'Gfahr vom Jojo Effekt isch für mich ebe mit en Grund radikal abzneh und nid gsund nur es paar Kilöli. Denn wenni mol weiss wie geil s'isch so viel liechter und fiter zsi als vorher, luegi ebe eher dass das so blibt, als wenni nur wenig abgnoh han und chum en Unterschied gspüre.

[Tatsujin]

D'Gfahr vom Jojo Effekt isch für mich ebe mit en Grund radikal abzneh und nid gsund nur es paar Kilöli. Denn wenni mol weiss wie geil s'isch so viel liechter und fiter zsi als vorher, luegi ebe eher dass das so blibt, als wenni nur wenig abgnoh han und chum en Unterschied gspüre.

häh? das isch ja genau ds ziil vonere langziitige uusgwogne ernährig mit abnehm effekt, dass mer ebe nöd wieder zrugg gheit. damit de stoffwächsel uf vordermah bliibt, damit de körper alli wichtige naturallie möglichsch effiziänt ufneh und verwerte chan = gsundheit.

radikal diäte mached eigentlich immer genau ds gägeteil devo.

[Herr Rossi]

wenni mol weiss wie geil s'isch so viel liechter und fiter zsi als vorher, luegi ebe eher dass das so blibt, als wenni nur wenig abgnoh han und chum en Unterschied gspüre.

Ich bi au zwenig konsequent und mues de radikal wäg gah, was für mich persönlich de eifacher wäg isch

[The Sheep]

radikal diäte mached eigentlich immer genau ds gägeteil devo.

denn bin ich wohl en Usnahm. Ich han mini 3kg Gränze nie me überschritte sit ich radikal abgno han. Klar, ich iss hüt nüm ganz so ungsund wie vorhär. Aber umgschtellt hani mini Ernährig erscht nachdäm ich mis Ziel erreicht ha.

[Acid]

Also eigentlich gots bi denä Usdrück nid drum wiä viel Kaloriä mer Total vo was zu sich nimmt und öb diä irgenden Wert überschrittet).

nei ebe ned würklich, die bekanntischt low carb diät, atkins, zellt sogar carbs all genau (frücht sind det aber grundsätzlich ned erlaubt) aber ebe, git vill variatione.
aber sverhältnis spielt kei rolle, das würd ja heisst mer chan denn eifach meh protein konsumiere und het denn plötztlich low carb, au nachere tafle schoggi, dasch natürlich quatsch, das verhältnis isch so guet wie bedütigslos.
ich vermuete ein reini öpfel diät würd eim scho id ketose bringe, ich chans ja mal probiere wenni wieder mal dra bin

Ja gid wohl scho Low Carb Diäte womer d Carbs zellt. Ich vage jetzt aber eifach mol z Behauptä dass diä ebä trotzdem Low Carb heissed wills verhältnissmässig wenig Carbs hed und viel anders, nid willmer d Carbs zellt.

Ich hans uf jedä Fall bisher immer nur so gseh, und natürlich machts das sehr viel Sinn und isch überhaupt nid Bedütigslos. Schliesslich gots schlussendlich um d Frog, öbs en optimalä Mix gid, wiämer sich söt ernährä, und öb zu dem meh oder weniger carbs ghöred. Chasch au diä dütschä Wörter neh, Cholähydratriich oder Cholähydratarm. Fettriich, Fettarm... Fleischriich, Fleischarm.
Wiä willsch das vernünftig machä, wenn nid dur d Ateil am ganzä.
Wenn öper 10% vo all sinä zuegfüehrte Kaloriä, denn isch doch das eifach Low Carb. Wiä viel Carbs dass sind, unterscheidet sich aber drastisch öbs jetzt ebä um s Menü vom schlankä Fräulein mit 1800 im Tag oder em Athlet mit 6000 rächt dramatisch. Oder umgekehrt, nur will s Fräulein für nur ei zwei Schiibä Brot und e Frucht pro Tag isst für alli Carbs, bedütet das jo nid dass de ander wo 4mol so viel isst insgesammt au nur zwei Schiibä Brot und e Frucht dörf ässä, zum chönä zägä er heig wenig Cholähydrat i de Ernährig.

Wenn jetzt binere Diät nur us Öpfel eifach automatisch druf schlüssisch dass denn fascht nüt meh gässä wird, müstmers wenn scho grad Konequent Low Food nännä... will vo Protein und Fett ernährt mer sich also definitiv au nid.

Aber ja... schlussenldich isches eigentlich au rächt glich wiämers nännt.

[geosnow]

en gsunde mensch triebt viel sport und isst mit em alter immer weniger.

[Moff]

Ja gid wohl scho Low Carb Diäte womer d Carbs zellt. Ich vage jetzt aber eifach mol z Behauptä dass diä ebä trotzdem Low Carb heissed wills verhältnissmässig wenig Carbs hed und viel anders, nid willmer d Carbs zellt.

Ich hans uf jedä Fall bisher immer nur so gseh, und natürlich machts das sehr viel Sinn und isch überhaupt nid Bedütigslos. Schliesslich gots schlussendlich um d Frog, öbs en optimalä Mix gid, wiämer sich söt ernährä, und öb zu dem meh oder weniger carbs ghöred. Chasch au diä dütschä Wörter neh, Cholähydratriich oder Cholähydratarm. Fettriich, Fettarm... Fleischriich, Fleischarm.
Wiä willsch das vernünftig machä, wenn nid dur d Ateil am ganzä.

Wills ebe gar ned drum gaht sich vernünftig, gsund oder usgliche z'ernähre. das isch ned de sinn vo low carb und das weiss au jede wos macht. es gaht nur drumm so schnell wie möglich gwicht abzneh und das mit so wenig wie möglich cholehydrat, absolut, ned relativ.

[Acid]

Bi de Atkins villicht scho...

[Moff]

ich chan ned für alli rede, aber bide meischte low carb variatione redt niemert wo relative mengene, es gaht meistens um absolute verzicht vo bestimmte lebensmittel, willmer ebe denn derfür wirbt dassmer dörf unbegrenzt vode erlaubte lebensmittel zu sich neh, was denn ebe gmües, eiwiss und frücht wäred. aber ebe. das widerspricht usglichner ernährig und relative mengene vo low carb lebensmittel.

[Acid]

Ja eh... aber ebä, au das was du jetzt seisch, d Gmeinsamkeit lieht immer det, dass ebä wenig bis kei Cholähydrat, aber ebä viel vo anderem Gässä wird. Öbmer das jetzt durch Verbot vo Läbensmittel, Kaloriä rächnerei oder eifach Verhältnis usdruckt, chund i dim Kontext (wills eh drum god öperem wo wahrschindlich kei Athlet isch und onehin nid so viel Kaloriä brüchti no weniger Kaloriä zgeh, womit bi Low Carb eh nüm viel würd übrigbliibä, au wemer prozentual oder suscht wiä würd usdruckä), schlussendlich meh oder weniger ufs glichä usä.
Und für Blitzdiäte isches halt au eifach praktischer eim z sägä er söll ussert Frücht eifach gar kei Cholähydrat ässä, statt er söll 10% vom Energiebedarf mit Cholähydrat deckä, und nochher ischer irgendwiä i de Chuchi am drüsatz rächnä de ganz Tag.

Diä usdrück werded jo aber bi witem nid nur bi irgendwelchnä Crash Diäte i Diskussion brocht, sondern ebä au bi Diäte nachem eigentlichä Sinn, also gsundi Läbensfüehrig und Ernährig nid nur für en Gwichtsverluscht, sondern au allgemein. Und det isch ei Faktor denn wasmer zu sich nimmt, wiä vill denn aber schlussendlich, isch nomol ganz en andere Faktor.