The(G)Forum

O_O hat geschrieben:

Sephi hat geschrieben:Für japanischi Chuchi übrigens immer super isch ar Kanako ihre Blog!

Da ihres Shouga Yaki Rezept!

http://kanakoskitchen.com/2009/12/02/shiogayaki/" onclick="window.open(this.href);return false;

chaschmer gad öppis empfähle für 3-4 persone mit udon nuudle? guet wärs wenns nid all zuviel exotischs debi het womer nid in bern cha chaufe. und einigermasse im budget.

Ersch jetz gseh. Wenn chüel wosch machsch Hiyashi Udon, isch erfrischend und tümpfsch se inere chalte Sauce, so wie zum Bispil i dem Rezept:

http://kanakoskitchen.com/2010/08/28/hi ... ith-sauce/" onclick="window.open(this.href);return false;

Aber i has lieber mit Somen-Nudle, bi weniger fan vo chalte Udon.

Wenns warm söll si halt de klassisch Yaki Udon, d.h. stir-fry mit Udon Nudle:

http://kanakoskitchen.com/2009/10/30/yaki-udon/" onclick="window.open(this.href);return false;

Aber ou döt, ha das lieber mit Soba Nudle, ke Ahnig werum aber wenns nid in Suppe isch bini nöd so en Udon Mönsch.

Wenns nid dringend Nudle müesse sii denn mach Yakinikudon (Japanische Riis mit mariniertem Rind drüber ). Findsch fasch all Zuetate im Coop:

Leisch s Fleisch (Rind in sehr dünni Schibe gschnitte, mues nid gad Filet si) in folgendi Sauce ih für 15min:
3/4 Soja Sauce
1/4 Riisessig (Gsamtmängi vor Sauce so nach Augemass, dass s fleisch gad alles bedeckt isch)
1 Chnoblouchzäie verdrückt
2 EL Grasplete Öpfu
1 TL Zucker
Pfeffer

Denn wie gseit, s gshcnittne Fleisch 15min ilegge, nid Salze. Sobald der Riis (natürlech japanische) pfertig isch, s Fleisch nur ganz churz abrate, paar Sekunde pro Stück länge ir Regel, süsch wirds zäi, und am Schluss wenn wosch no paar Sojasprosse id Brotpfanne schmeisse. Dem Fleisch när ufem Riis arichte

Mach en schwizerdütsch chochblog, es tönt alles so fein. Maci morn gad

Sephi hat geschrieben: Wenns warm söll si halt de klassisch Yaki Soba, d.h. stir-fry mit Udon Nudle:

Das biist sich etz es bitzli

Tatsujin hat geschrieben:

Sephi hat geschrieben: Wenns warm söll si halt de klassisch Yaki Soba, d.h. stir-fry mit Udon Nudle:

Das biist sich etz es bitzli

Raulf, fail! Yaki Udon meini natürlech

Geschter, inschpiriert vom Cjay sire Frog:

Es improvisierts yaki-udon mit teriyaki poulet.

Teriyaki Sauce:
4EL Sojasauce
4EL Mirin
2EL Sake
2EL Zucker --> alles guet vermische.
Gschnätzlets Poulet ca. 10-15min drinne mariniere, me chans au bitz löchere mitere Gable damits d Soss besser ufnimmt, aber evtl. isch das Aberglaube.

Udon-Nudle (goht ou eifach mit normale Tagliatelle oder sowas) nach Awisig uf der Packig choche
Sobald d Udon fasch fertig si s Poulet abrötle (Sauce no im Chübel lah, nur afe s Poulet bruun brötlen).
Wenns guet abrötlet isch der räscht vor Teriyaki-Sauce ou no id Brotpfanne, ca. 5 min zuedecke und lo chöcherlen.

Wenn d Udon fertig si mit chaltem Wasser abspüele und massiere, damit d Stärchi wäggoht (nid wüsseschaftlech fundiert, bhaupte das jetz eifach nach Kanako).
Dechel nach dene paar Minute wider ab em Poulet und allefalls bitz früehligszibele, oder süsch Zibele, Lauch, was au immer eim gad gmüesigs ifallt dri keie und unger Rüehre abrötle.
Am Schluss no d Nudle dri und mitbrötle paar Minute.

Denn hesch es feins Tori-Teriyaki-Udon. Würklech überraschend guet cho.

merci de no. bi nonid dezue cho aber tönt fein.

Nach johrelanger Fischverweigerig (ussert Sardellä und Thon), hani chürzlich wieder agfanä, miteme feinä gräucherete Wildlachs mit kaperä und chli Milch als Sosä zu Riis.

Do ich aber scho siteme rächtä Zitli komischerwis e unglaublichi Luscht uf Fischschtäbli gha han (frögmi nid wieso, sletscht mol Fischschtäbli isch sicher einiges über 10 Johr her), hani hüt kauft und gmacht. es isch eigentlich gsie wiänis erwartet han, also nid so schlächt im erschtä Momänt, hedmer allerdings nid vill geh, und wär nid trurig weni au diä nöchschtä 10 Johr oder meh keini meh iss... und d Mayonaise woni defür kauft han schmissi glaub au grad wider weg. Guet isch öpis anders.

Acid hat geschrieben:Nach johrelanger Fischverweigerig (ussert Sardellä und Thon), hani chürzlich wieder agfanä, miteme feinä gräucherete Wildlachs mit kaperä und chli Milch als Sosä zu Riis.

Do ich aber scho siteme rächtä Zitli komischerwis e unglaublichi Luscht uf Fischschtäbli gha han (frögmi nid wieso, sletscht mol Fischschtäbli isch sicher einiges über 10 Johr her), hani hüt kauft und gmacht. es isch eigentlich gsie wiänis erwartet han, also nid so schlächt im erschtä Momänt, hedmer allerdings nid vill geh, und wär nid trurig weni au diä nöchschtä 10 Johr oder meh keini meh iss... und d Mayonaise woni defür kauft han schmissi glaub au grad wider weg. Guet isch öpis anders.

Gang mal "guets" Sushi go ässle! Us welere Region chunnsch?

Bin in Chur dahei...
Aber um ehrlich zsi, ich find de Sushi Trend ziemlich problematisch.

Klar, Lachs und Tohn isch logischerwiis au knapp wemeren nid als Sushi isst (Aber de Lachs woni han isch au süpermaximali... do isst mer nid Kilowis devo, es bitzli langed, und mer hed es super söseli, und anderä chundmer nid is Hus).

Also wär de Plan eigentlich gsie als nöchschtä Versuech iheimischi Süesswasserfisch z probiere. Gräucherti Forällä söll z.B. au super si. Und vo denä gits ehnder no gnueg, wennsmer rächt isch.

Aber ja, ich han glaub i mim ganzä Läbä no niä Sushi gha (Also rohä Fisch und suscht rohs gschlüder usem meer scho, aber nid uf japanischi Art), evtl. müestmers bi Glägäheit scho au mol probiere... eifach dasmers gmacht hed.

wenn des trotz dine zwifel wosch mache: machs im Usland irgndwo. Guets sushi isch ir schwiz dermasse tür (was ja eigetlich numme ok isch)

Dütschland isch scho billig, aber ds beschte Suhi füre Buck hani ide USA gah*. Ide USA gitz aber au anders guets ussem Meer ire Qualität wo würklich erstunlich isch. Schwertfisch hani z.B. gah, omg. glaubs für 30 Döllar, aber unfassbar super.

Fisch isch allgemein sehr super, mi cha aber au immer wider drigheie. Meischtens isch dr Pris e guete Indikator. Sache wie Pangasius etc. issi nid. Zudem isch wie Du seisch Thon chli problematisch (wie die ganzi WWF Lischte). Obwohl Thon i allne Forme (Sushler, gräucheret, dünschtet, als Salat, als Sandwich) sehr super wäri. Am schwarze Meer am nördliche Endi vom Bosporus bini imne Reschti gsi, wo si quasi die kompletti WWF Lischte vo de gfährdete Arte hei feil botte

Süesswasserfisch, findi für mi nid eso wahnsinng. Es chunt sehr ufe Fisch und sini Herkunft druf ah. Teilwis hesch also ds Gfüehl du nähmsch e Schluck muffigs Seewaser. E Süch si au die Egli im Teig irgndwo us Kanada. Isch so chli Fischstäbli für die Grosse.

*(Vermuetlich, aber numme vermuetlich wär Japan au no ne gueti Adresse)

Will japan isch ja so bekannt für umweltbewusstsii bim fischfang

Fisch guide: http://www.wwf.ch/de/tun/tipps_fur_den_ ... schfuhrer/" onclick="window.open(this.href);return false;
Gits sogar als app.

No Krass... vil Fisch sind jo i mehrernä Kategorie, es chund also vor allem au sehr druf ah, wos gfangä wordä sind.

Aber Schweiz stohd glaub nur bi Fisch wo als Empfehlenswert agluegt werded, vo dem her isch das scho mol nid so ä schlächti Vermuetig gsie.

e thunfisch pizza vo doktr ötkr pimpt mit 4 chèvre chaud medallions.

i freu mi ufd comments

brownies....
leider zviel wasser und/oder zwenig fett driitah. isch denn meh es cake worde, stellewiis gummig. jänu.

Ich han hüt Vormittag öpis relativ eifachs gmacht... Natur Basmati in ächli Brüäh, und denn no chli Butter.

De Riis isch so verdammt guet,de chamer ohni Problem eifach so ässä.

sehr super isch das, in der tat
machi no öppe. mängisch no bitz früsche dill derzue, ich liebs.

Cooking with Dog isch zäme mit Kanako's Kitchen öppis vom absolut beschte wos im Netz zu japanischer Chuchi git!

Cheesecake-Brownies

Hüt es Matcha Latte, rächt easy zum sälber mache und sehr fein wennme gärn Matcha het.

Herdöpfel (verstücklet, so Salzkartoffelstyle), Pouletbüstli, Tomatä, alles imene Topf Bouillon glichzitig kchocht (d Tomatä zwar ersch am Schluss schnäll dri gleit), denn zerscht d Tomatä usägnoh, schnäll d Hut weg, echli zerstücklet und verdruckt (dasses eigentlih e grobi Sosä geh hed), und druf ufä d Herdöpfel und Pouletbrüstli, drüber echli Butter und chli Riibchäs. Uhuren super gsie, für das dassmer würklich usser Herdöpfel verschidä eigentlich gar nüt mues machä.

Herdöpfel sind eh super.

Acid hat geschrieben:Herdöpfel (verstücklet, so Salzkartoffelstyle), Pouletbüstli, Tomatä, alles imene Topf Bouillon glichzitig kchocht (d Tomatä zwar ersch am Schluss schnäll dri gleit), denn zerscht d Tomatä usägnoh, schnäll d Hut weg, echli zerstücklet und verdruckt (dasses eigentlih e grobi Sosä geh hed), und druf ufä d Herdöpfel und Pouletbrüstli, drüber echli Butter und chli Riibchäs. Uhuren super gsie, für das dassmer würklich usser Herdöpfel verschidä eigentlich gar nüt mues machä.

Herdöpfel sind eh super.

Das chönt glatt als Feschtmahl für im ne Film düregah, z.b. für The Road, Mad Max oder the Day after.

ebä, es tönt nach praktisch nüt, und mer mues praktisch nüt machä, wenns allerdings gueti Herdöpfel sind, guets Poulet, gueti Tomatä und gueti Bouillon, bruchts aber ebä überhaupt nüt, und isch glich super.

ich han gester Raclett gha

Sephi hat geschrieben:Geschter, inschpiriert vom Cjay sire Frog:

Es improvisierts yaki-udon mit teriyaki poulet.

Teriyaki Sauce:
4EL Sojasauce
4EL Mirin
2EL Sake
2EL Zucker --> alles guet vermische.
Gschnätzlets Poulet ca. 10-15min drinne mariniere, me chans au bitz löchere mitere Gable damits d Soss besser ufnimmt, aber evtl. isch das Aberglaube.

Udon-Nudle (goht ou eifach mit normale Tagliatelle oder sowas) nach Awisig uf der Packig choche
Sobald d Udon fasch fertig si s Poulet abrötle (Sauce no im Chübel lah, nur afe s Poulet bruun brötlen).
Wenns guet abrötlet isch der räscht vor Teriyaki-Sauce ou no id Brotpfanne, ca. 5 min zuedecke und lo chöcherlen.

Wenn d Udon fertig si mit chaltem Wasser abspüele und massiere, damit d Stärchi wäggoht (nid wüsseschaftlech fundiert, bhaupte das jetz eifach nach Kanako).
Dechel nach dene paar Minute wider ab em Poulet und allefalls bitz früehligszibele, oder süsch Zibele, Lauch, was au immer eim gad gmüesigs ifallt dri keie und unger Rüehre abrötle.
Am Schluss no d Nudle dri und mitbrötle paar Minute.

Denn hesch es feins Tori-Teriyaki-Udon. Würklech überraschend guet cho.

hani geschter usprobiert mit zucchetti und shiitake. isch sehr fein gsi! merci füre tipp!