The(G)Forum

Ich han ja bereits gschribe dasi weiss, dass si nid vernezt sind. Wär ja au bescheuert wenn das z.B. en private Sicherheitsdienst oder d Polizei würd mache...

...aber du glaubsch doch nid ernsthaft, dasses innerhalb vo manche Nachrichtedienst kei Abteilig git wo genau das macht, oder scho? Meinsch si hacked d Rechner nur für es paar Dokument wenn si genausoguet au grad uf d Scanner, Drucker, Kameras & Co. chönd? S erschte wones Scriptkiddie macht wenns din Laptop hackt isch d Kamera und s Mic z aktiviere um usezfinde wer du bisch....und du glaubsch dass das nid au uf profesioneller Ebeni im öffentliche Ruum gmacht wird? Woher chunt das Vertraue nach allem was bereits enthüllt worde isch?

echtzyt zuegriff oder vor ort kameraufzeichnige sichere und versuche gwüssi wäge vo verdächtige nahvollzieh, si o 2 paar schueh.

viu system vo private (hotels, läde, etc) si nid mau am netz. da chunnt remote GAR niemer druf...

Ich weiss dases zwei paar Schueh sind...ich chan scho differenziere...und das nid alli am Netz sind weissi au...wird aber immer seltener...

Ich stell mir grad de Dialog bi de NSA vor...

Mitarbeiter: Mir hend grad s Netz vo de Sicherheitsfirma XY knackt wo für d Sicherheit vo diverse Firmene und öffentlichi Rüüm zueständig isch. Seledmer d Date vo de Kameras nuze?
Chef: Nei sicher nid, das würd d Privatsphäre vo de Bürger verleze...


Sorry aber ammm...ich han glaubs scho in etwa e gueti Vorstellig devo was technisch möglich isch und was nid und wie scho gseit, was machbar isch wird au gmacht. Ich würd sogar no en Schritt witer ga und behaupte, dass die Dienst teilwis mit de Hersteller vo Überwachigskameras kooperiered. Dis technische Verständnis isch doch au nid vo vorgester. Mal agnoh du wärsch di paranoidschti Institution uf dem Planet und hetsch unbegrenzti Mittel. Was würdsch mache? Wie würdsch vorghah? Das sind die Überlegige wo ich mir amigs mache...und woni vor 10 Jahr gseit han, dass s gsammte Internet überwacht wird het mir das au kei Sau wele glaube...und das obwohls bereits damals NSA Whistleblower wie z.B. de James Bamford geh het.

Und nomal demits kei Missverständnis git...mir reded da nid vo de Polizei....mir reded au nid vom Inland-Nachrichtedienst und au nid vom 08/15 Mitarbeiter imene Usland-Nachrichtedienst...

Xinobrax2 hat geschrieben: Und nomal demits kei Missverständnis git...mir reded da nid vo de Polizei....mir reded au nid vom Inland-Nachrichtedienst und au nid vom 08/15 Mitarbeiter imene Usland-Nachrichtedienst...

da chani nid mitrede dämfau...
i weiss eifach was ir schwiz i vielne gschäfter steit...

und grad was in hollywood zeigt wird, isch oftmals dermasse lächerlech, da gheisch fasch vom sofa vor lache...
und denn heissts no, d'realität sig NO witer... lulz

Jones hat geschrieben:und grad was in hollywood zeigt wird, isch oftmals dermasse lächerlech, da gheisch fasch vom sofa vor lache...
und denn heissts no, d'realität sig NO witer... lulz

Da stimm ich dir zue...woni da vorig gschribe han hani grad selber d Bilder vo Scanner Darkly im Chopf gha Aber so wit simer zum Glück nonig...hoffi zumindest...

Xinobrax2 hat geschrieben: Da stimm ich dir zue...woni da vorig gschribe han hani grad selber d Bilder vo Scanner Darkly im Chopf gha Aber so wit simer zum Glück nonig...hoffi zumindest...

enemy of the state isch äbe sones paradebispiel. da wärde 0815 bilder vo kameras dreht (3D) und hinders objekt gluegt...
oder generell, dass i de filme eifach immer jedi ufnahm chasch anezoome und wieder scharf stelle... das wird sit jahrzähnte so zeigt und geit logischerwis bis hüt nid u wird o nie (okay, wenn mer de 200x full hd uflösig hei viellech )

im nachhinein chame viu nahvollzieh aber liveüberwachig isch meilewit hindedri was eim zeigt wird und was gwüssi lüt meine, was realität sig.

Ufff....also wennt mindestens 2 Winkel hesch chasch via Photogrammetrie scho es 3D Modell erstelle...hani vor ca. 1 Jahr mal mit mim Zimmer gmacht...und verpixelti Bilder chasch z.B. mit Tools wie SmartDeblur Pro (http://smartdeblur.net/gallery.html" onclick="window.open(this.href);return false;) verblüffend scharf mache. D Entwicklig isch au i dene Bereich nid stah blibe, aber ich weiss scho wasd meinsch Hollywood het bi so IT Zügs scho immer übertribe will es paar Zahle ufeme Bildschirm eifach langwilig usgsend und nüt usseged


Ich han rasch es gif drus gmacht demitmer sich drunter was chan vorstelle...


I dem Bispiel hani me als nur 2 Winkel gha...aber s Konzept blibt s Gliche...nur hinter d Objekt luege gat selbstverständlich nid und um das in Echtziit z mache brüchtmer verhältnismässig verdammt viel Power. Für das 3D Modell het min Rechner ca. 30 Minute brucht...und de isch ziemlich schnell. Lohnt sich drum nid....aber sag niemals nie Wenn din Verstand sich chan vorstelle, was sich hinter eme Objekt befindet, denn chans irgendwenn au en Rechner...das bedüted zwar nid, dass das waser denn zeigt au würklich det isch, aber d Möglichkeite werded langsam scho biz unheimlich...

...ez hani dini Bispiel biz ad absurdum gfüert, aber du weisch uf wasi use wot, oder?

Btw...eigentlich isches ja um d Terroraschläg gange. Wenn ich sowas müessti ufkläre würdi mir rasch d Date vo de Mobilfunkabüter hole. Im Prinzip bruchsch 2 Liste.

1. Alli SIM wo sich miteme Sendemaste bim Tatort verbunde hend.
2. Alli SIM wo sich nach de Tat vo de Masse entferned

Denn glichsches ab und holschder d Personedate vo dene wo übrig blibed und verfolgsch d Bewegig vo dene wo in Frag chömed. Falls sich de Typ id Luft gsprengt het isches no eifacher. De muesch nur na luege weli SIM sich zum Zitpunkt vo de Tat usklinkt het bzw. ufghört het sich z bewege. Voilà. Wener kes Handy debi gha het isches natürlich blöd...aber warum si denn amigs mitem Pass deher chömed ischmer schochli es Rätsel...

ja so photogrammetrie zügs hani o scho gseh. interessanti technik. Aber äbe, im film isches ei einzig poplegi überwachigskamera gsi gloubi...
schick dämfau z'nächschte mau die pixelige bilder/ufzeichnige vor übewachigskamera dir zum erkennbar mache vo person of interest...

Arbeitisch bi de Polizei? Luegder s Tool mal a...het mi selber überrascht...das berechnet Informatione wos eigentlich gar nid git...wie au immer...

i lueges mau a danke...

edit: grad drigluegt. da geits meh um verschwummni fotos wenn nid still gha hesch. i rede vo ufzeichnige mit scheiss uflösig und grossem abstand zu objekt. wenn da anezoomisch, wirds nid verschwumme wie uf dene bilder sondern verpixlet. und die info isch schlichtwägs nid vorhande. da chasch doch nie es scharfs bild anebecho, wo es gsicht würsch erkenne... aber probiere chames ja immer mau.. hehe

edit zum 2: sie schriebe ja "(CAMERA SHAKE)"

Ich interpretier das mal als ja und hoffe dasd da ine nie dienstlich unterwegs bisch


Bezüglich em Tool. Bi digitale Ufnahme isches natürlich schwiriger...die müesstsich zerscht manuell mit Filter blurre und denn erscht wider scharf mache. Gat scho, aber d Ergebnis sind schlechter. Fallsd analogi Ufnahme hesch gats natürlich wunderbar...aber das het hütsotags eh fasch niemert me...

lol
wär schön. gaming als job! haha

Btw, fallsds ernst gmeint hesch...je nach Tatbestand bzw. Verdacht chaschmer schomal es Foti schicke...nämt mi selber na wunder wasi demit chan mache. A de Bilderberg Meetings hani amigs au demit müese experimentiere um d Persone z identifiziere. Teils verpixled, teils hinter tönte Schiibe, teils schlecht belüchted....irgendwas chamer immer drususe hole...aber ihr hend glaubs sowieso Experte für sowas

machi viellech... aber gnue OT itz... süsch gits nomau es OT im OT topic... lol

Nomal was vom 33C3

Quelle

Xinobrax2 hat geschrieben:

Ich mueses grad nomal luege...

mueni halt dochnamal:


Quelle



"then i tried to stab a friend of mine, but now its changed"

"trump steaks are the world greatest steaks and i mean that in every sense of the word" die szene rofl...

...und s beschte isch, daser jetzt mindestens 4 Jahr lang Content für witeri Videos lifered

Quelle

If you thought 2016 was a big WikiLeaks year 2017 will blow you away. Help @WikiLeaks prepare for the showdown: https://shop.wikileaks.org/donate" onclick="window.open(this.href);return false;

https://twitter.com/wikileaks/status/816024318509465604" onclick="window.open(this.href);return false;

De Trump twittered s Interview vom Assange...mengisch ischer mir fascht scho sympatisch


En gueti Usgangslag für di nögschte Leaks. Bald. Das wird super

bis ER mau betroffe isch... lol

Logisch...er het au vor es paar Jahr scho über Wikileaks gmozt...damals isch das grad in gsi i gwüsse Chreise. Er isch en flexible Mensch

Ich finds ez grad eher allgemein super daser da macht. Schafft en interessanti Grundlag. Demnächt chömed es paar super Leaks. Im übertragene Sinn hends bisher nume d Chöpf vonere Hydra abgschlage...als nögschts chunt de Stei.

Er chans nid la

Quelle


Es isch super...wienen 12 Jährige ufem Schuelhof. Via Twitter go zoikle. Weni amigs gnueg han vo all dene politische Theme luegi amigs, was de Trump so macht. Bescht Entertainment.

Widermal en super Folg:

Quelle

LIVE: Russian Hacking and Cybersecurity
National Intelligence Director James Clapper, Cyber Command Chief Admiral Mike Rogers, and Defense Undersecretary Marcel Lettre testified at a hearing on cybersecurity threats, including Russia’s election-year hacking.
https://www.c-span.org/video/?420936-1/ ... cking&live" onclick="window.open(this.href);return false;