The(G)Forum

aso die ganz schpilmechanik und de schtil isch sozäge identisch.
s world isch besser, aber muesch scho herte mariofan sii zum fröid am land ha wenn de world au grad dra bisch.
evtl wartisch es halbs jahr mit em world und schpilsch itz s land

Herr Rossi hat geschrieben: s world isch besser, aber muesch scho herte mariofan sii zum fröid am land ha wenn de world au grad dra bisch.

erläb grad was anders. ha vor 2 wuche s wörld duregamcht mit 2 kollege und zoobe spieli amigs vorem schloofe no e halb stündli s land. find beides super und würd mi jez nit als hardcore mario lover bezeichne.

ich ha das zerscht au versuecht, genau so wie du. isch miner meinig na chli schad, wil si sich zu ähnlich sind.
ha denn s land zerscht gschpilt, rächt schnell düre gsii.
s world denn nach 2 mönet

S'Land isch mindestens genau so guet. Es isch perfekt für de Handheld!

na ja, auf wii u muss man nicht mit handheld-steuerung abkrampfen. außerdem gibts viel coolere gegner und extras im wörld

naja... die Pros sind ja nicht unbedingt "eigenständiger" demfalls... werde wohl noch eine weile warten mit dem Weltler ... ein paar items und die Steuerung scheinen mir nicht genügend Abwechslung zu bringen

lueg mau video reviews, de gsehsch dungerschide rächt schnäu

u world hani grandios gfungä für Wii U wie Land für 3DS.

Aber dasi glich söue si, lol nie im läbe

sidusson hat geschrieben: Aber dasi glich söue si, lol nie im läbe

Seid ja niemert...

sidusson hat geschrieben:
Aber dasi glich söue si, lol nie im läbe

es het also au scho spiel geh wo sich mehr unterscheide als die 2. wenn jez zb. tetris mit call of duty 16 vergliichsch.

für mich isch es chli wie bim new super mario bros gsii, wos fürd wii erschine isch. has 2 jahr vorher ufem ds gschpilt, recht super ischs gsii.
uf de wii hanis au super gfunde, aber trotz dere grosse ziitschpanne dezwüschet heds mer e zu repetetive gschmack hinderlah.

bim galaxy genau so gsii, beidi aber fantastisch.
jammere uf höchem niwoo

kennsch COD oder GTA? dete häsch en ähnliche effekt.

Wahr, wobi bim ne gta de vorteil hesch dich nonlinear dür s schpil zbewege

denn chani au eifach chli in tsüri ummelaufe und mit fremde lüt rede. bringt mir meh als 10 GTAs zspiele.

Cool, mach das

geosnow hat geschrieben:denn chani au eifach chli in tsüri ummelaufe und mit fremde lüt rede. bringt mir meh als 10 GTAs zspiele.

das isch ä dermasse hohli phrase wo du da jedesmal bringsch, wenns ums GTA gaht. würklich dermasse hohl.

und nei, ich bin kein fan vo dä GTA-Spieli.

Gäll, Du willsch eifach numme chli hässig sii

Marco_in_motion hat geschrieben:Gäll, Du willsch eifach numme chli hässig sii

tatsach bliebt: es isch mal wieder relativ zämmehangslose dünnschiss wo dä geo uselaht.

"für was street fighter ine hebe, wenn ich uf dä street fighte cha?"

logisch, drum fahr ich au hüt obig mit mim töff quer dür d schwiiz und haue jede ander biker mit em baseballschleger eis as schinbei

Herr Rossi hat geschrieben:logisch, drum fahr ich au hüt obig mit mim töff quer dür d schwiiz und haue jede ander biker mit em baseballschleger eis as schinbei

oh shit! wie hät das game gheisse? chasch so mit chetti etc. anderi biker vermöble.
das ischs ganze game glaubs. psone underanderem released gsi wenni mi recht erinner.
nöd so wie full throttle, wos eine, jedoch en sehr guete abschnitt esch.

road rash... MD =

natürlich ufem 3do, bescht road rash
- soundgarden, therapy?, monster magnet etc soundtrack
- geils gameplay
- e schwebende baum

was wott mer meh?

(e wii U version?)

edith2, ich bruch wider es 3do

Quelle

+1 für dr Rossi

haha. das game hani nie gspillt aber es hät mi immer greitzt mal zprobiere.

http://en.wikipedia.org/wiki/Road_Rashweli" onclick="window.open(this.href);return false; weli version würded er no empfehle?
bzw. 3d0 vers. isch ja au ufd ps ported worde lisi grad. ich glaub ich suech mer die für dä pc.

schpils ufem 3do, denn chasch au grad no s ur- need for speed game. rächt geil hanis gfunde, aber es hed de name würklech verdient
zudem no return fire, imo eis vo de beschte 2-player games ever