Was spielsch grad retrigs?

[Fade]

…emuliert ufem nitendu wii

[Avenger]

Ja immerhin ds einzige uf der virtual console wo sie vo Anfang a uf 60 Hz usebrocht hei.

[LuiStyle]

Han gad paar Stund Bubble Bubble gspielt, han wiedermal richtig fun gah

[Tatsujin]

Bubble bubble?

[Reinforced]

tüend nid bubbele

[sam]

oder bobbele

[Reinforced]

Resident Evil: Code Veronica (DC)

so der HASSSSSSS!!!!! glaubs scho damals hani bim Tyrant ufem Escape Plane kei muni meh gha. Isch en huere brocke ohni munition

[Tatsujin]

finds super bis zum huus ue. nacher wirds de shitter.

[Reinforced]

also ebe bis zum escape mitem flugi?

das mitem boss isch huere nervig. has natürli nüme gwüsst nach 13 jahr. trotz 3 saves ke chance me zum munition sammle

[geosnow]

muesch öppe 20 granate an en knalle. ich scho das im flugi? spielsch dc oder ps2?

[Marco_in_motion]

Endlich! Vorane hani grad Robocop ufem alte Gameboy fertig gschafft

[Marco_in_motion]

Und Hüt Turtles : Fall of the Foot Clan und Double Dragon 2 ufem Gb fertig gspillt

[Reinforced]

muesch öppe 20 granate an en knalle. ich scho das im flugi? spielsch dc oder ps2?

dc... 20 granate lol meinsch ich han no munition ? öppe no 2-3 health sprays that's it!

[geosnow]

muesch öppe 20 granate an en knalle. ich scho das im flugi? spielsch dc oder ps2?

dc... 20 granate lol meinsch ich han no munition ? öppe no 2-3 health sprays that's it!

denn chasches glaubs vergesse. häsch no en save 1-2h vorher?

[Fade]

[Reinforced]

muesch öppe 20 granate an en knalle. ich scho das im flugi? spielsch dc oder ps2?

dc... 20 granate lol meinsch ich han no munition ? öppe no 2-3 health sprays that's it!

denn chasches glaubs vergesse. häsch no en save 1-2h vorher?

nope scho 2 anderi saves aber unmöglich no mun z sammle..

han ebe gmeint wennt öppe 6x de schalter drücksch stirbt er au irgendwenn aber isch rächt tough zum uswiiche.

Das isch eifach en HUERE FAIL vom Design her... aber wenn nachher nüme besser wird lanis glaub. Ich han das Game vill besser in Erinnerig gha.

[The Sheep]

spilsch du nid uf punkt ?

[geosnow]

es gaht em glaubs eher ums cab.

[The Sheep]

ach so. und ich han dänkt das seg de was spilsch grad retrigs thread

[Fade]

spilsch du nid uf punkt ?

Klar schpelli of Ponkt, be aifech noni so Top i dem Game…
Primär gozmer ome Schpaas am Game ond am Cab, de Räscht
chond de no!

[Tatsujin]

ech be stefft ond spell of ponkt!

[geosnow]

s triforce isch no geil.

[turntablism]

s triforce isch no geil.

wotsch eis ? ha no eins, jedoch ohni netdim

[Reinforced]

ech be stefft ond spell of ponkt!

besch secher voll de scheff!

[geosnow]

Saturn Arcade Games:

Don Pachi
Das isch im Rotatemodus es sehr geils Spiel, aber d Umsetzig isch nöd so berauschend. S Spiel macht aber trotzdem luune und d Sprachusgab isch geil. Look at the size of this battleship.

DoDon Pachi
Im Verglich zum DP spielt sich das scho einiges flüssiger, aber d wieä scho vielfach erwähnt, sind d Explosione verpixlet und d Musig sind kei Chiptunes meh. Janu, chasch nöd alles ha. Spiele tuen ich trotzdem gern.

SFZ3
Immer wieder es Highlight das Spiel. Mir gfallts irgendwie doch besser als SFIII 3rd Strike. Au hani geschtert s erscht Mal de Survival Modus gspielt. De isch no guet gmacht.

D&D Collection
Tower or Doom wär eigentlich no guet, aber d Ladeziite sind nöd zum Ushalte. S Mystaria is natürlich grafisch viel besser und Ladeziite sind chürzer. Au hät mich d Kollisionsabfrag besser dünkt. Was nervt, isch, dass ich nüt vode Gschicht mit becho han. Da suechi immerno d CPS Versione, au wenns viel Platz bruched.

Thunder Force AC
Stimmt würklich, d Levels 4 und 5 sind komplet anders und de Sound händs au umgschriebe. Schad, dass de Saturn d FM Tunes nöd so chernig übere bringt.