The(G)Forum

Milchriis

Vyse hat geschrieben:Milchriis

bescht!

zwirrlibatz hat geschrieben:

Vyse hat geschrieben:Milchriis

bescht!

und schwierigst...

Smiliekorrektur

Schwirig? Wieso?
Milch evtl. bitzeli Wasser, Milichriis und dänn chöcherle lah.
Natürli dänn no Zucker und Zimmt. Als Biilag hani eifach fiini gschnittni, früschi Öpfelschnitzel verwändet, anstatt Frücht uus dä Konserve. Mier häts passt.

Geschtert e XXL Pizza gmacht.
Dr Teig hanni vo unserem Italiener biko...sprich uss em Restaurant Roma z Basel.
grosses Backbläch:

linki Sitte:
Tomatesauce, Mozarella---> nach em backe früsche Pata Nera druff
rechti sitte:
Tomatesauce, Mozarella, Zwiebele, früschi Champignons, Pouletwürfeli,wenig früsche presste Knoblauch und Parmesan.

Fürd Pfründin e Pizza Hawaii gmacht^^

nid gässe hämmer...gfrässe

aha, ha grad gläse "nachem bache". Denn geits ja no. Aber "früsch" isch schinke nie, und Negra heisst er.

I Sache Schinke isch d Schwiz eigetlich scho es rechts Entwickligsland. Krass, was für Abfall da so ds Migi verchauft. D Theke ide Spzialgschäft isch meischtens au sehr dürftig, en Schissdeck scho numme vergliche zumne hundskommune Supermarkt in Italie/Spanie.

Ha geschter s erschtmou überhoupt Prix Garantie Rohschinke gha Ke Gschmack heter gha - zum Glück nur imene Wrap zum Isatz cho.

Übrigens es super schnälls und total feins Rezäpt für es Fajita, oder wieme däm ou wott säge:

So Old El Paso Tortillas/Fajitas ir Bratpfanne erwärme (30 sekunde pro Site länged füeglech)
mit 1 ghüüftem TL früenem Pesto bestriiche
2 Schibe Rohschinke druf
bitz Rucola, nach Gschmack
Mozzarella Würfel drüber

Denn iirolle und bitz Balsamico vo obe dri träufle! Gschmacklech sehr sehr gütt und total schnäll gmacht.

Gester Abig Teigware gmacht, Linguine mittere Späck+Pilz Rahmsauce, nochli Frischchäs drih und bitz Vodka, dänn ganz churz ufchoche und fertig.

omälettä mit banane und honig hemmer geschter abig gmacht, isch es huere gaudi gsi i de chuchi, de omälette salto het nöd immer klappt

turntablism hat geschrieben:omälettä mit banane und honig hemmer geschter abig gmacht, isch es huere gaudi gsi i de chuchi, de omälette salto het nöd immer klappt

uihh. und wer hät d chuchi denn putzt? so en verpatzte omelette salto cha scho es disaster arichte...

risotto milanese
eifach fein.

schpagetti mit grövette


aber zweni.


han ich nachher grad no schpagetti mit pilz & zucchini müesse mache.

zwirrlibatz hat geschrieben:schpagetti mit grövette

hani letscht wuche gmacht.

Sauce mit chli Früschchäs & Rahm, bitzeli Soja halbi finghacketi Chlili alles zu de mit chli Knoblauch abratete Crövette . sehr fein, allerdings hani au scho besseri Grövette gah. Die woni gah si vor Fischtheke usem Coop gsi, nid schlecht aber halt nid grad wie die vom Schiff ar Nordsee.

S kaputtischte Sandwich woni je gmacht ha! Nach folgendem Rezäpt:

http://smittenkitchen.com/2012/02/fried ... #more-8195" onclick="window.open(this.href);return false;

Allgemein e fantastischi Website übrigens!

zanderfilet mit früehligszwiebele, peperoncini, dill und vietnamesischem pfäffer und chili lemon salz.

im wasser kochti härdöpfu mit frischkäse.

Japanisches Omurice

en griechische salat.

Sehr gütt, übrigens isch sRezäpt für dä Griechisch Salat uus dem DS-Kochkurs sehr guet. (nöd, dass me würkli eis brüücht...)

Heute:
Ärdöpfeluuflauf mit Öpfeli, Zwibele und mit Muskatnuss! gwürzt. nomnom

Spaghetti Bolognese mit Zuchetti, frischen Pilzen und meine in Öl eingelegten superscharfen Habanero dürfen natürlich auch nie fehlen in meiner Spezisauce. Ich esse sicher 150 mal superscharf im Jahr.

Grindweh hat geschrieben:Spaghetti Bolognese mit Zuchetti, frischen Pilzen und meine in Öl eingelegten superscharfen Habanero dürfen natürlich auch nie fehlen in meiner Spezisauce. Ich esse sicher 150 mal superscharf im Jahr.

wenn mini frau en somtam salat macht, rüert si ca. 8 - 12 chilli drii bis 8 chillis chani no einigermasse esse, aber..

Grindweh hat geschrieben:Ich esse sicher 150 mal superscharf im Jahr.

:ohmg:

Das isch alles e Gwöhnigsach. Sogar an Habaneros chame sich dra gwöhne. S Einzige woni no regelmässig ha bim esse isch s`laufe vo der Nase. Aber süscht chani numme positivs an minere Essgwohnheit ufzehle. Es tuet d Stimmig ufehebe. Mä fühlt sich allgemein gsund, wil Chilli isch e Pfllanze die het sehr viel Vitamine. Aber bsunders Habanero hän au e guete Gschmack in der Sauce. Thai Chilli sin für mi zB. eifach mittelscharf aber hän kei guete Gschmack. Am Afang isch es zwar au hüfig en Krieg gsi uf em Klo.

Muesch mal en lueg mache :



Letscht Jahr im Summer hani das gfötteled, isch en Currywurst Stand im industriegebiet in Volketswil ZH. Heisst "Brutzelhütte"
Isch Summer gsi und min Arbeitskolleg kännt dä Besitzer, also simmer det ane und ich han gfunde ich probier mal was scharf's dete.
Vicious Viper hani gnoh ...ha nacher locker en Monat nütmeh scharfs gässe. Ich ha's no 3 Täg i dä Schnurre gspüürt und ufem WC sindmer fast Träne cho.

1 einzigs Wurstrugeli hani gässe und nacher 3 Schiibe Brot, ha gmeint mir löst's d'Huut vom Gaume und würklich öppis gschmöckt hani erst am Abig wider.

Wott dä gseh wo di schärfscht Sauce det am Stand frisst...

ich bestätige dass sit ich scharf esse tuen, nümm chrank worde bin, alli i mim arbetsumfeld hend letscht winter e gripp oder verkältig gha und umegsüchet - ich bin verschont worde
in örlikä hinterem bahnhof gits en "scharfe sauce" lade, dört gits kickass sauce und mega death usw... was ich nöd chan frässe isch chilli schoggi, diä us em lade (frey oder so?) gaht ja no aber ebbe die us däm lade in oerlikon isch saugruusig, lieber erdbeeri mit pfäffer

Marco_in_motion hat geschrieben:Muesch mal en lueg mache :



Letscht Jahr im Summer hani das gfötteled, isch en Currywurst Stand im industriegebiet in Volketswil ZH. Heisst "Brutzelhütte"
Isch Summer gsi und min Arbeitskolleg kännt dä Besitzer, also simmer det ane und ich han gfunde ich probier mal was scharf's dete.
Vicious Viper hani gnoh ...ha nacher locker en Monat nütmeh scharfs gässe. Ich ha's no 3 Täg i dä Schnurre gspüürt und ufem WC sindmer fast Träne cho.

1 einzigs Wurstrugeli hani gässe und nacher 3 Schiibe Brot, ha gmeint mir löst's d'Huut vom Gaume und würklich öppis gschmöckt hani erst am Abig wider.

Wott dä gseh wo di schärfscht Sauce det am Stand frisst...

übertribsch jetzt masslos, oder wie?

ich ha jetzt au scho e scharfi sauce gässe (1'000'000 scoville, im körry in de langstroos). es isch also wirklich SEHR scharf gsi, mit e chli milch isch's denn aber gange (dr nöchschti stuehlgang isch au nid sehr agnähm gsi), aber sunnscht isch alles ok.