The(G)Forum

Master(G) hat geschrieben: ↑24 Mai 2024 15:09

zeromeier hat geschrieben: ↑24 Mai 2024 15:06 also ich spiel alles

genau, chasch der es tomätli abhole wenni di wieder gsehne!

nämlich!

es tomätli näbm schnitzel

meier, nachem pece release isch für d ps5 version es ziemlich geils update usecho.
spiel jetzt das spiel

2h gspielt, nachm erscht Stealth kill camp mit de frau diräkt gfühti 2h in süde gritte zum a dem brüeder befrei part weitermache. Alles ut de charte dezwüsche isch mir kpl egal. Denn mussi irgendme typ inere stadt unbemerkt Folge, hend mich 3x nachenand gseh, game abgstellt. Grafik nett, wirkt aber z 'zeichnet' uf mich, valhalla style gfallt mir bspw viel besser. Gseh nöd was a dem game so geil söll sii, spieli nüm wiiter. Perfekts biischpiel, wieso mir Sony Games (uncharted usgnah) nüd gend. Fairerwiis bini saumüed gsii grad, hed sicher nöd ghulfe, aber inezoge hed mich s game gar nöd bis jetzt und das isch imo zwenig nach 2h.

Unpopuläri meinig und sicher fühlt sich jetzt öper uf de Schlipps trätte will ich sis Lieblingsspiel max Durchschnitt find, mir aber egal, face the fact, nöd jedes game isch für jede. Spieli lieber elden ring DLC ime Monet.

zeromeier hat geschrieben: ↑26 Mai 2024 04:30 nöd jedes game isch für jede.

so isches...
aber wenn müed bisch und halb ipennsch bim game isches viellech o nid grad dr bescht moment zum sowas afah...

Jones hat geschrieben:

zeromeier hat geschrieben: ↑26 Mai 2024 04:30 nöd jedes game isch für jede.

so isches...
aber wenn müed bisch und halb ipennsch bim game isches viellech o nid grad dr bescht moment zum sowas afah...

Stimmt au wieder

zeromeier hat geschrieben: ↑26 Mai 2024 04:30 2h gspielt, nachm erscht Stealth kill camp mit de frau diräkt gfühti 2h in süde gritte zum a dem brüeder befrei part weitermache. Alles ut de charte dezwüsche isch mir kpl egal.

ha das scho lang ufem radar gha und spiele das iets als ergänzigsprogramm zu Shogun luege

würklich es unglaublich schöns spiel, chunnt aso selte vor, dass ich mal en moment warte zum en landschaft imene game bewundere, das chunnt da aber ab und zue vor

spielerisch halt enorm Asassins Creed, skill bäum und die gelbe balke zum sie aktiviere chönnt 1:1 im Assassins Creed si. Tsushima het eifach vill meh style.
bin ja suscht öpper wo gern stealth het und han das au ufegskillt, finde die standoffs inzwüsche aber stylischer und effizienter.

bin ersch 10 stund drin, open world isch zum teil scho chli es ermüedends abhake und sueche vo points of interest. schisst mich au ah mini chleider wechsle zum das verschnellere. ich denke ich mach zersch mal paar mainquests und gang denn spöter zrugg.
teils hani au extrem müehm zum irgendwas finde i de locations. ich han i spiel ja au lieber hiwis als queastmarker, aber im tushima hesch ja kei hiwis usser zum teil es grosses areal zum absueche.

ha mich müesse entscheide zwüsche ronin und tsushima, han mich schlussendlich für tsushima entschiede will ich ned was super schwierigs ha welle und willmer ronin vo de zit periode her au zwit vorne isch. bisher bini ned enttüscht, bin mal gspannt was da no chunnt.

dlc isch ide steam version debi oder? muemer irgendwas beachte zum de starte?

ich empfehle dir dingend erst mal main-quests zmache bis im obere charte-teil achunsch.
denn würi mit sidequests afange und unde afah "ufruume". hesch die bescht experience eso dänki.
vor em finale unbedingt all sidequests mache, demit all die lüüt uf dinere siite hesch bim schlusskampf.

technisch und spielerisch isch tsushima en liga überem ronin. quests findi au spannender im tsushima. ich han ronin ned mal fertig gspielt, kei bock meh gha irgendwänn (schwer isches aber ned würkli).

de iki dlc würi würkli erst am schluss mache, nachem abschluss vode story! mer trifft lüüt womer im hauptspiel kännelärnt. de effekt wär ned sgliiche wenn de zwische drin machsch. falls aber eifach so dristolperisch, was passiere chan, chasch au d'map wieder wechsle. kei problem.

en guete mix us stealth und aggressivem agriff isch beschte. wie du seisch, die stand-offs sind eifach nume geil. später bisch denn eh so starch OP, dass i sones camp eifach inelaufsch und alles abemetzlisch speziell wenn all die shrines und collectables no machsch. grad bi de shrine (aso die chlätter-ilage) gitts paar gueti charms, wo die rächt starch mached.

ich empfehle dir usserdem de "traveler-attire" immer azlegge und drüstig oder de stealth-kit nume a spezielle ort churz azlegge. ich han eigentlich fascht immer nur de traveler attire agha und nur bi grosse kämpf oder bosse mini samurai-rüstig agleid. de radius wos sache ufdeckt bim traveler-outfit chasch vergrössere mit paar upgrades. hilft enorm bim erkunde und zum charte freilegge. de tipp gilt halt nur, wenn wie ich gern erkundisch, logisch.

PS: ich empfiehl dir au de legends-mode mal azluege! de isch im fall gar ned schlächt und mer chan en au allei spiele, falls ned so de pve-typ bisch.

legends hani ghört seig gar ned so schlecht. muemer do warte bismer einigermasse gear und skills het oder vo afang a?
ich wott vor allem en cooli rüschtig, die wo mir pässled gits ebe ersch endi akt 2, isch au en grund wieso ich will fürschi mache.
und die chamer denn färbe oder wie? muemer farbene zersch unlocke oder wie lauft das?

legends hett en eigete fähigkeite-baum, will dette anderi charaktere spielsch als im main-game. chasch also wie luschtig bisch mache, hett ja kei ifluss oder connection zum hauptspiel.

zum färbe muesch en "färber" finde, en NPC ide umgebig. paar sind sehr guet versteckt, schwarz z.b. paar sind tüüf imene wald, paar sind ufeme berge ganz obe... und denn bruchsch no die nötige "materials" zum färbe, also meischtens blueme. blueme findsch überall, die "guete" aber meischt a felswänd oder so... die gisch ihm/ihre dänn und seisch welles rüstigsteil ifärbe willsch.

sind die färber ned die type ide camps? ah und ned jede het alli farbe?

ja äbe, die sind ned ide camps, sondern irgendwo versteckt, allei, am arsch der welt sozäge.
und jede hett nur 1 farb im programm

I de camps gits standardfaebe
Spezialfaebe gits spezielli händler

Wenn mer s Reisechleid hed, cha mer uf de map istelle, was mer will sueche. Z.b. blueme, quelle, bambusständ... Denn zeigt eim de wind de wüg zim nöggste platz wos das hes.

ah ja stimmt. ide camps hetts au so paar farb-glön... aber die farbe womer will äbe nöd! isch immer so

Am beste gfallt mir d sakai clanrüstig.
Bechun t mer ibde story. Im zweite teil vo de insle wird mer ufgforered sis familieawese z bsueche. Det gids die. Wenn mer die ufwärted, cha mer ime stand off meh lüt schnätzle. Normal glaubs drü. Mit rüstig sinds füf.

hani miar no uf em steam deck kauft für unterwegs... ps5 hani nur wege tsushima kauft

Laufts? Wird ageblich nid understützt.
Sony will ez wäg vom deck, well sie eventuell en eigne handheld wönnd bringe

Buccaneer hat geschrieben: ↑25 Jul 2024 16:49 Laufts? Wird ageblich nid understützt.
Sony will ez wäg vom deck, well sie eventuell en eigne handheld wönnd bringe

lauft tip top

es git titel dia laufend obwohls als (nicht lauft) deklariert wird

Tsushima gaht als soloplayer. online aber ni

Sehr guet! De machi uf e deck witee!