[3DS] Ocarina of Time - Noschtalgie Topen

[zwirrlibatz]

dä schattetämpu! grad e chli es highlight. ganz vergässe gha. s'boot! kriipi.

[Skeletor]

ich han bim schattetempel also au gstuunet. ah praktisch nix hani mich meh chönne erinnere vo dem tempel.

[geosnow]

säb isch ebbe geil. nach 10 jahr s gliche spiel nomal gnüsse!

[Gurgelhals]

ich han bim schattetempel also au gstuunet. ah praktisch nix hani mich meh chönne erinnere vo dem tempel.

Ditto. Isch irgendwie de Dungeon, wo immer chli vergässe gaht. Debi isch er super. Linearer als die andere, aber grad drum au speziell. Und de Boss hätt mich brontal fertig gmacht, total nüme gwüsst wie me de besiegt

[O_O]

ich han eifach mitem pfileboge gschaffet. gahts au andersch?

[O_O]

defür hani nach 13 jahr checkt das Biggoron = Big Goron

[Skeletor]

ich han eifach mitem pfileboge gschaffet. gahts au andersch?

mit em griefhake!

[Gurgelhals]

ich han eifach mitem pfileboge gschaffet. gahts au andersch?

Ich han total vergässe gha, dass er unsichtbar isch und dänn wirds schnäll emal verwirrend & stressig mit em blöde Getrummel und mit de Händ und wänn er dich nachher rammt und in Giftpool schmeisst

Und wänn me mal tschägget hätt, wie me ihn besiegt, isch es ebe au nöd ganz so liecht wie die übrige Endgägner. Me mues ja doch relativ zügig d'Händ lähme (bevor er agriift, will me de Händ ja nöd würklich guet chan uswiiche) und ihm nachher au no zügig mues en Pfiil is Aug schüsse, will d'Ramm-Attacke susch au relativ schnäll chunnt.

En guete Boss

[O_O]

hä? es isch mit abstand de eifachst boss vom spil. nach 30 sekunde ischer tod gsi.

[Gurgelhals]

Wänn'd genau weisch, wie vorgah und das au souverän so umsetzisch, dänn isch er tatsächlich bubieifach und de chürzischt Bossfight ever. Aber wänn'd en Fähler machsch und er dich mal verwütscht, dänn verlüürsch Härzli wie nüt. Das isch bi de andere Bossfights nöd so, det bisch i.d.R. eis, zwei Härzli los und es bliibt meh als gnueg Ziit, zum wieder in richtige Rhythmus z'cho. Vor allem nach de beide lächerliche Boss im Füür- & Wassertempel isch de im Schattetempel i däre Beziehig es ganz anders Kaliber.

[Skeletor]

hä? es isch mit abstand de eifachst boss vom spil. nach 30 sekunde ischer tod gsi.

lol, isch nöd so, als wär überhaupt eine schwer.

[O_O]

wahr. de dumm fürdrache hani aber e halbstund lang nid usegfunde wie besiege. ha gmeint ich müess mitem hammer druf haue wenn er usechunt. whac a mole style. nid ersch wenner scho dobe isch.

[zwirrlibatz]

schja chli dr gäg vo zelda böss. s'schwierige isch s'usefinde wie verkloppe. dänn gahts meischtens ratzefatz. en job nur für cleveri prinzessinebefreier.

[geosnow]

so isch es

[sidusson]

da no es bild

[img]beld[/img]

[evo]

i bi also fangs in kakariko und s *D isch irgendwie geil.

[sidusson]

triforce get

http://www.gametrailers.com/video/episo ... ion/717006

[Supersonic]

Ich hans i ca. zwei Wuche mit allne Sidequests duregmacht ich Depp. Debii soett mer so es Spiel gnuesse...
Es isch eifach sooo schoen gsi

Btw.
De Siedquest fuers Biggoron Schwert isch viel laenger als in Erinnerig, also geil!
Aber dumm isch, dass s'sowieso eifache Spiel no viel eifacher wird :fail:

[geosnow]

2 wuche fun findi nöd schlecht. bimene film isch nach 2h meischtens de spass durre.

[Moff]

Ja scho. Ich gang au nur na i film wo mindischtens 2.5 stund göhnd. Lohnt sich susch eifach nöd will zwenig fönn.

[evo]

hauptsach fön!
ich ha geschter alli hüener in kakariko igsammlet, s lied, s schild und 2 herzteil ufem fridhof gfunde und huere dr fön gha drbi

[zwirrlibatz]

me chan mis für 35.- inkl porto ha. gib pm.

[evo]

gescht rächti session geh vorem penne. huere guet isches

[Sephi]

Doofi Frag: Wenni aui Härzteili/Skulltula etc. wott sammle, muesi das vorem Ändboss mache oder chanme när no witerspile? Has nümme im Chopf...

[O_O]

chasch jederziit und immer mache.