Xbox Series X - Die neue Xbox Konsole

[abyss]

[abyss]

Chasi choche? Stoubsugere? Rasamääähääää?

[Avenger]

Bi eher allgemein neugierig uf di Gesamtidruck. Würkts wie us eim Guss? Hei sie sich beim Design vom Menü und de Funktione öppis überleit? Machts Freud?

...aber öppis nimmt mi tatsächlich wunder:

was wänder wüsse? händer grad spezifische frage??

D Series S het keis Laufwerk. OK. Wie chunt me ad Spiel?

- Guthabenkarte im Lade chaufe, und denn im Microsoft Store go poschte?
- Gamehülle im Lade go poschte, und statt Disc hets e Downloadcode drin?
- Downloadcode gits irgendwo zum chaufe zu unterschiedliche Priise, z.B. humblebundle, gog.com oder somestrangekeysellerwithshadyandquestionablesources.com?
- Die kaufte Spiel wirds dir wohl im Account azeige, und denn chasch sie nach Bedarf abelade und spiele? Extrem viel Platz hets ds S ja nid grad. Cha me d Spiel ausleihen oder wiiterverchaufe, oder sie die fix an Account kopplet?

Erklär das an ere unwüssende Person, wo bi "Konsole ohne Laufwerk" an e PSP Go denkt.

[Master(G)]

aso es lauft scho so: entweder mit codes vom händler (de WoG verchauft z.B. viel xbox digital games via codes) oder direkt im microsoft store via dashboard vo de konsole.
spiel werdet bim ilöse vom code mit dim account verchnüpft und das fix. chasch ned wiiterverchaufe. aber x-mal abelade natürli. sie sind in "my library" im dashboard ersichtlich.

bi de ps5 laufts bitz andersch, da händler kei einzelni games meh als digital-code verchaufed, sondern nur no PS-store guethabe codes. die lösisch dänn uf de konsole ii, gahsch in ps-store und suugsch mit em guethabe games. au da werdet games mit dim konto fix verknüpft. resale somit unterbunde.

gamehülle ide läde mit codes gitts eigentlich scho länger nüme. ufem pc vielleicht no. aber uf konsole ned.

du hesch aber recht, priise für download-codes chönt uf de xbox variiere, je nach dem wo de code chaufsch.
bi de playstation natürli ned, will dette echtgeldwährig als code chaufsch, und die guethabe codes nach länder ufteilt sind. du muesch also für de ch ps-store au en ch-guethabe code ha. en dütsche oder us-dollar code gaht ned. usser du machsch mehreri account, ein für jedes land z.B. de spahrsch unter umständ paar franke.

xbox series x isch natürli super verarbeitet. playstation 5 au. das erwartisch eigentlich.

sdashboard uf de neue xbox isch exakt sgliiche wie uf de alte. es hett vor 2 wuche es grosses dashboard update für alli xbox konsole gäh, alt und neu. und somit ischs dashboard jetzt überall gliich. es fühlt sich halt wie ufeme windows 10 pc ah, mit de chachle und allem. wenn ufem pc die xbox app installiersch, hesch exakt sgliiche dashboard au ufem pc. das isch gewollt. söll halt einheitlich si. und da win 10 und xbox hütt ja fascht sgliiche isch (lol) isch das au guet so.

dashboard vo de ps5 hingäge isch typisch japanisch verspielt. gfallt mer ehrlich gseid besser.

i mine artikel gaht ich uf alles ii und gib au min persönliche gwünner i jedere kategorie dure. ich glaub grad für lüüt wo ned so uf zahle-firlefanz staht und/oder das ned verstönd, sind die artikel denn sicher interessant, weil eifach und verständlich.

[Ribit X Titan]

Chasi choche? Stoubsugere? Rasamääähääää?

Sie kann kochen, also wenn da nicht genug Luft kommt wird sie vor lauter Hitze kochen... mit oder ohne Cervelat, und staubsaugen kann sie garantiert, deswegen ist Staub bei Hardware ja auch ein echtes Problem... nur wegem Rasen bin ich mir nicht sicher aber es ist genau das Nutzloseste was es gibt... denn nicht umsonst nennt man Rasen "die grüne Hölle"...

Besser man kreiert diese Hölle in einer Simulation... macht definitiv mehr Spass und tut keinem Lebewesen weh.

[abyss]

Dä Dschugel nennt meh grüeni Hölle. Bim Rase hanis nonie ghört...

[agestuffer]

aber ich verzell euch gern was da, logisch. fraged eifach!

So wie Du retsch hesch PS5 au scho.... Mach mal es Bewiis Föteli..
agestuffer

[STeFF]

Ich find d'Xbox geili Konsole... aber das Dashboard löscht mir immer ab, ob Leistig hin oder her... ich hans gfühl mir wird Ps5 wegem Interface besser gfalle. Wie du seisch das verspielte Japanische halt, es macht eifach freud wennt nur scho im Menü bisch

[STeFF]

Eieiei... freu mi scho wenni sie am Zieschtig überchume aber mis Buchgfühl seit mer jetzt scho wieder das mini Konsole wieder die erst wird sie wo im Forum zum Verkauf usgschriebe wird

[calanda]

wia chunt mer eigentli grad zu sonere konsole. überall wo i luege isch sie usverchauft

[thaeye]

wia chunt mer eigentli grad zu sonere konsole. überall wo i luege isch sie usverchauft

weniger schaffe, meh vorem pc hänge.

[Ribit X Titan]

Entweder schon ein Jahr davor sich Online bei einem Shop breit machen... Beziehungen von Vorteil... oder aber, je nachdem kann man auch am Launch irgendwo in ein Geschäft rennen und nachdem auf dem Weg zum Stapel vieles am Boden liegt am anderen Ende die Konsole einsammeln.

Sicher ist... ich war seit der damaligen PS2 und der Dreamcast noch nie so enthusiastisch auf die neue Konsolengeneration... denn diesmal haben die Firmen sich wieder ins Zeugs gelegt und wollten uns nicht einmal mehr so einen lauen Käse wie die PS4, vorallem XboxOne-Baby-Version, präsentieren sondern sie orientieren sich wieder an den technischen Möglichkeiten... das freut jeden Enthusiast!

Klar, jetzt brauchts nur noch ordentliche Games, da bin ich zuversichtlich... ob früher oder später.

Klar werde ich parallel auch auf dem PC gamen, vorallem GoG-Games, aber Konsolen sind absolut ein legitimes Stück Hardware, ebenfalls in Verwendung.

[thaeye]

he masterg wieso schribt de tentakel dildo nöd für gnet!

Klar werde ich parallel auch auf dem PC gamen, vorallem GoG-Games, aber Konsolen sind absolut ein legitimes Stück Hardware, ebenfalls in Verwendung.

[Ribit X Titan]

Ich denke... die jetztige Situation mit Covid ist gar nicht mal so schlecht weil... die Leute werden diese Weihnachten und die Zeit drumherum sozial in der Öffentlichkeit so wenig unternehmen können wie niemals zuvor und weil es der quasi "flegenden und ständig reisenden Handy-Generation" einen echten Riegel vorgeschoben hat. Der Fokus war also noch nie so stark auf Heimbereich und stationäre "Beschäftigungen"; sei es Home Office oder Gaming zuhause...

Ich denke... es ist ein zweischneidiges Schwert (da es auch die Industrie finanziell und bei der Leistung behindert) wo allerdings die Konsolen (auch PCs) auf der Gewinnerseite dastehen könnten. Das einzige Problem ist einfach noch die unterirdisch tiefe Verfügbarkeit und dass ja erst noch ordentliche Software für neue Systeme entwickelt werden muss.

[agestuffer]

Mich nämts wunder wie sonen huerä Sozi sich immer alli Konsolä chan chaufä und ich muess luegä wie ich minä Chind dSpangä finanzierä... Hmmmm
Glaub ich hör au uuf schaffä...
agestuffer

PS: Sorry, mit derä Frag hani das Topic jetzt kaputtgmacht, will de Titan Dildo jetzt usem Busch chund und die anderä Fründä vo ihm au grad

[Mastler(P)]

PS: Sorry, aber dä age isch tschud. ¯\_(ツ)_/¯

[thaeye]

so hüt isch friitig und mir liebet ois alli d sozis die rechte, d verlügner d bejaher, testverweiger und hypochonder. jede und alli.

[Ribit X Titan]

Liebt das was ihr habt den oft ist es mehr als man meint... z.B. 2 gesunde Kinder wo es nur noch eine Spange braucht... das ist verdammt viel... absolut nicht selbstverständlich.

Leider haben wir oft die Tendenz nur das sehen zu wollen was jemand anders hat, aber das was man bereits hat nicht genug wertzuschätzen. Man soll sich also daran orientieren was man bereits hat und das ist oft enorm viel...

Dennoch... also so eine neue Konsole kann man sicher auch noch HABEN wollen... um mal frontal ehrlich zu sein!

[Mastler(P)]

ich bin mer sicher er liebt sini gsunde chinder scho, aber nöd unrecht häsch susch.

[Master(G)]

So, mis Review isch fertig, guckst du:

https://www.thegnet.org/post/the-g-net- ... x-series-x" onclick="window.open(this.href);return false;

[LuiStyle]

Ich han ä frag kannmer die alli alte Games druff zocke ohni Gamepass?!? Gits irgendwo ä Liste was kompatibel isch?

[Avenger]

Wie lauft ds Remote Play? Isch ja gwüssermasse ds Plex für Spielkonsole wenn i das richtig verstange ha.

[Master(G)]

Ich han ä frag kannmer die alli alte Games druff zocke ohni Gamepass?!? Gits irgendwo ä Liste was kompatibel isch?

ja gitts: https://www.xbox.com/de-DE/xbox-one/bac ... patibility" onclick="window.open(this.href);return false;

es sind eigentlich fascht alli...

Wie lauft ds Remote Play? Isch ja gwüssermasse ds Plex für Spielkonsole wenn i das richtig verstange ha.

Xbox mobile App installiere
Xbox Controller mit em Handy verbinde
Xbox ischalte
Xbox App ufem Handy starte
spiele

es isch würkli mega easy und eifach gmacht.
und es lauft ufeme guete und stabile 5g w-lan praktisch 1:1

hamer extra no en wifi-6 router kauft die wuche, wo vom speed her extra uf mobile gaming usgleid isch. lauft super! (au steam VR games uf oculus quest 2 streamä!)

ASUS RT-AX82U, falls es dich interessiert.

xbox series x chan zwar kei wifi6. playstation 5 aber! wifi6 isch dermasse schnell, da bruchsch keis kabel meh.

[mr.raw]

So, mis Review isch fertig, guckst du:

https://www.thegnet.org/post/the-g-net- ... x-series-x" onclick="window.open(this.href);return false;

Ich könnt so Texte Sittelang läse...super gschriebe

[zeromeier]

Au gläse, mini Erwartige in Textform.