zwirrlibatz hat geschrieben:Abwarte muess me aber scho. Die Verantwortliche sind nöd eifach blöd. Sie sind vielmeh ufmene Konzepttrip wo s'Aug für d'Realität verlüürt und sie glaube, Zuekunft und de Verbruucherwunsch ligge i all dem all-in-one Vernetzigs Gedöns at your Fingertip.
Ja, das triffts zimli genau. Aber dass tatsächlich öpper min ernster Mine chan vor Publikum staa, und der Quatsch chan verzelle isch doch zimli underhaltsam, nüd?
Ebeso, dass jetzt jedi zuesätzlichi Erchläärig für no me verwirrig sorgt. Ich lueg uf Twitter, odr uf irgendwelchi Siite und lach mich schlapp: jede versuecht irgendwie irgendwas ds säge, momentan schiint e Mehrheit ufm «Wartemers ab» Trip ds sii.
Nach de erste Grücht «Wartemer dr Reveal ab». Nachm Reveal: «Wartemer d E3 ab». Findsch nüd grad, dass sich das Ganzi zunere Parodie ufe Hype entwickled? Also es sich nüd freue uf die nächsti Enthüllig, sondern es hoffe, dass me bisher alles falsch verstande het?
Ich han selte so viel witzigi GIFs gse, we ide letschte 24 Stund. Für das het sich das Ganzi scho glohnt. Und au die spektakuläre Analogie zu Smartphones, wo so herrlich scheitered, wenn me sie mal churz duredenkt.
En Microsoft Chef, wo useplääred, dass Rückwärtskompatibilität als öppis, wo ufs «Geschter» verwiist, em neue Geist vom Neue mues wiiche, wo seid, wer alti Games uf neue Gräät will spiele spinnt doch. Und denn gliichtziitig we ken zweite mues hoffe,
dass ebe genau e Rückwärtsgwandtheit i sine Chunde vorherrscht, wenns denked: «Ach es wird wieder gliich super, we bide 360er. Ich chauf mer das Ding.» Ich hoff, me verstaht, uf was ich da use will.
Zuesätzlich: lebsch im «Informationszeitalter» mit Wüsse im Überfluss aber muesch zuelose, we die englischi Sprach offebar nur noch 2 Subjekt kennt: «Experience» und «Content»
Microsoft weiss so viel über d Gamer, we vermuetlich niemer zuvor: sie wüssed exakt, we lang du weles Game spielsch, dur d Achievments chänds errate, wo dass du vermuetlich feschtghanged bisch etc. etc.. Und denn macheds e Präsentation, wo a allem verbii zielt, als öb sie tatsächlich glaube würded, es gebt der vo ihne errechneti «Durchschnittshushalt»
Mit dr Xbox chasch neuerdings
währenddem en Film luegsch, grad Tickets für dr Nachfolger chaufe (das elei isch au grad en Spiegel für Hollywood, aber item). Ich mein: überlegg dr das mal. Du drucksch nüd uf Pause, sondern chasch dr Film minimiert laufe laa und Tickets bstelle. So stellt sich öpper tatsächlich mini Problem bim Fernsehluege vor.
So Sache erinnered mich an all die Sketches, wo öpper irgendwas zu wörtlich nimmt. Microsofts Lösige füre Fernseh sind gradezu genial falsch.
Au d Antwort uf gwüssi Frage: «Wird d Xbox One 4k uflösige understütze?» und d antwort: Ja, sie wird sie dureschlaufe. Oder das, wo dr Ceiser scho postet het.
Ich will Microsoft würklich nüd als komplett verblöded hanestelle. Ich will au nüd säge, ich wüssti alles besser und blabla.
Ich lach mich würklich eifach grad schlapp.
de chleb es post it drüber
Ha das scho mermals beobachtet im MM, das halt nid nume Gamer dert umelungere, sondern vielmals Familie mit Kids wo überlegge en Konsole z chaufe. Dänke när sicher, fuck, die Kamera beobachtet mich -> Paranoia!! Aber würd itz no abwarte, bis me mäh weiss. Und süsch spili halt nackig, de cha Migrosoft min Guraz marktforsche... 
