Bitcoin

[XYBOT]

was isch eigentli mit all dene bitcoin multipliers wo 100-2000% steigerig inerhablb vo paar täg verspreched?

[Moff]

was isch eigentli mit all dene bitcoin multipliers wo 100-2000% steigerig inerhablb vo paar täg verspreched?

was isch eigentli mit all dene penispumpene wo 100-2000% steigerig inerhablb vo paar täg verspreched?

[thaeye]

nützet imfall! ich pump jede tag

härte ständer immer und jede

[Xinobrax2]

800$

[Astroboy]

Ayyy. I ha sit scho bau Jahre irgendwo no e halbe Bitcoin umeligge und weiss nid, was mit däm Siech mache. Ne verchoufe bi 1000?

[Xinobrax2]

Ich verchauf ersch ab 10'000$


De nögscht Finanzcrash chunt so oder so irgendwenn mal. Bis det hi tueni nochli hamstere

[Xinobrax2]

860$....

...s macht ebe scho Froid

[Acid]

wenns so witergod chanimer denn es mbp chaufä lol

[Xinobrax2]

Bald sinds 900$...ich set glaubs na zum SBB Automat mis Münz go entsorge...

[geosnow]

chausch es GA.

[Xinobrax2]

Holed euch es paar Coins...

[Jones]

riskant. wie alles so schnäu stiegt chas o wieder zämegheie... troue däm irgendwie nid eso...
irgendwie hani de doch lieber feschti wärt...

[Xinobrax2]

Es wird zimlich sicher wider zeme gheie...aber vorher gats nomal ufe. Ab 1'000 chunt das wider i de Mainstream News und denn gits en Asturm. D Kunst bestat denn darin rechtzitig wider uszstige...

Wie au immer, ich würd ez au nid mis Vermöge dri stecke weni eis het...aber anstatt mir irgendwelche Müll azschaffe wo nacheme Monet wider umelit oder Lottoschii z chaufe machi lieber so Zügs. S Zocke isch ein Aspekt, aber mir gfallt halt au d Technologie und Ideologie dehinter

[Jones]

findes nume irgendwie schizo, wenn meh am kapitalismus misstrout und denn mit bitcoins genau das macht, was die verhasste banker/börseheinis mit währige/edelmetall/aktie/optione/nahrigsmittel/etc sit jahre mache...

isch doch alles dr glich brunz. und für mis vermöge uf dr bank bechumi null und nüt meh... huere frächheit was da ablouft. lol

[Xinobrax2]

Ich bin Anarchokapitalist....ich han nur es Problem mitem Kapitalismus wener uf Zwang basiert. Zentralbanke und gsezlichi Zahligsmittel sind doch bescheuert. Ich bin der Meinig, dass au e Währig nur es Produkt isch und darum mit Alternative müessti konkurriere...oder eifach zemegfasst, ich han in erster Linie es Problem mit Monopol...und s Kapital isch zur Ziit s mächtigschte Monopol überhaupt.

Bitcoin mag ich, will d Struktur dezentral und deflationär isch. Längerfristig betrachted chamer drum devo usgah, dass sich de Wert mit de stigende Azahl vo de User stabilisiert. Finanzprodukt wo us Verlust Wert schöpfed sind demit gar nid möglich. Entweder machsch Gwünn oder du machsch Verlust. That's it. Du chasch kei Wette uf d Verlust abschlüsse...und selbst wenn irgendwenn mal öpert sowas würdi abüte wär das nur mit dene Coins möglich, wo bereits im System sind. Geld isch nid gleich Geld...ich würd da schochli differenziere. Es chämt doch niemert uf d Idee uf fallendi Kurs vo Lebensmittel z wette wenns debi nüt z gwüne gäbt...so bescheuerti Spili sind doch nur möglich, wenn s Geld uf de Basis vo Kredit gschöpft wird wo in letzter Konsequenz widerum nur durch Schulde deckt sind...dezue chunt denn au no, dass du dini Wette chasch versichere für de Fall dasd verlürsch Das wasmer jetzt hend isch so unfassbar kaputt und verloge dases eh kei Sau me kapiert...

[Jones]

definitiv kaputt das system, da stimmi dir zue.
aber e währig, wome am PC säuber cha "härstelle" (zumindest zu afangszyte) het ja o ke gägewärt u isch mir mindestens so suspäkt...

[Xinobrax2]

Wie würdsch denn du Geld schöpfe? BTC het ebe sehr wohl en gwüsse Gegewert durch s Mining...wobi de Wert einzig und ellei innerhalb vom Netzwerk existiert. Bitcoins mine tuetmer in erster Linie ja nid demit noiji Bitcoins entstönd, sondern um Transaktione innerhalb vom Netzwerk z signiere und z überprüefe. D Bitcoins wo debi entstönd sind eher en Art Belohnig für dejenig wo de nögschti Block findet. Oder andersch gseit, d Miner sind die wo das Netzwerk am Lebe erhalted und absichered. Si sind quasi die wo das dezentrale Verzeichnis vo allne Transaktione verwalted und dadurch sicherstelled, dass niemert dis Geld chan chlaue und das keine sis Geld chan dopplet usgseh. Das isch de Gegewert wo si büted. Öpis genialers als BTC het glaubs no niemert erfunde...

Durch was würdsch du Geld decke? Gold? Staatsaleihe wo durch Ratingagenture willkürlich chönd uf- und abgstufft werde? Das isch doch alles genauso suspekt wemers mal duredenkt. Geld isch letztendlich IMMER nur en Art gsellschaftliche Vertrag wo einzig und ellei durch de Glaube dra deckt wird. Für mich isch di entscheidend Frag drum nid durch was dases deckt wird will jede Wert uf dere Welt nur en Abstraktion vo üs Mensche isch. Es sei denn du willsch Geld durch Luft, Wasser und Nahrig decke....aber das sind alles kei Konstante. Es git bi Bitcoin kei Zentralkbank wo chli mitem Leitzins chan spile. Es git au kei Rating-Agentur wo di chan abestuffe...es git einzig und ellei de Markt. Di einzige wo de Wert chönd bestimme sind die wo BTC chaufed und verchaufed. Das bringt Vor- und Nachteil mit sich. Ich finds guet.

[Xinobrax2]

Ganz frisch und passend zum Thema:


Quelle

[Jones]

und schwups ischer i de medie... lol

[Xinobrax2]

Jo...die 08/15 Medie hend chli en Fetish für rundi Zahle. Ich erkenn da es Muster


Ines paar Wuche schribeds denn wider, dass Bitcoin tod isch...das chunt amigs völlig überraschend.

[geosnow]

herdöpfel sind no guets churzfrischtigs zahligs mittel oder safran.

[Xinobrax2]

herdöpfel sind no guets churzfrischtigs zahligs mittel oder safran.

Ich chume gern druff zrugg wennt mal wider was interessants im Trading Forum hesch.

[geosnow]

Safran nimmi iisi als Zahligsmittel.

[Xinobrax2]

Ich glaube d Grenze wird demnächst knackt...

...to the moon!!! ┗(°0°)┛ ..○

https://bitcoinwisdom.com/markets/bitfinex/btcusd" onclick="window.open(this.href);return false;

[Xinobrax2]

1'000$